Balamuji 12:3 - Bibilia Ilagano Lya Kale 2015

³ Nahayūbona gīkī mutizaga ū kūnigunanha, niifunya būpanga wane kūcha na kūpīla, nūūkīla najile ko kwilwisha nabo a Baamoni; nang'hwe ū SEEBA ūninha būtindi nūbapyena. Hama hangī ī lelo ng'wiza kwilwiisha būlūgū naane kūlwa nguno kī?”

Balamuji 12:3 Iomraidhean Croise

Ayubu 13:14

Nibūlī nalitūūla mu kwihīga kūtaale gīkī, nū būpanga bone nabūdimīīle mu makono gane nene ngwenekīlī?

1 Sang'weli 28:21

Ū nkīma ng'wenūyo wiza aho walī ū Saulo, aho wamona ūmo walī ogohela ūng'wīla; “Baba ūlībona gīkī ū nene ntūmami wako naalī naakūdegeleka, nūbūdiimīīla mu nkono ū būpanga wane nīta gīt'ūmo walī waniwīlīla.

1 Sang'weli 19:5

Ū lūshikū lwene walībūlagaga ī Līfilisiti walī wifunya gete ū būpanga wakwe; ū SEEBA ūbabeegeja būtindi būtaale no a Baisilaeli, nū bebe ūbona ūyega na kayegele kataale. Ī gīsī lūūlū mhayo kī ūyo gūlīkwenheleja ūng'wītīle būbi būtaale gīko munhū wa mhola gītī Daūdi, ūmūlage nū mhayo ndūhū?”

Zabuli 119:109

Ng'hangala ningī nakūbūdimīīlaga mu nkono ū būpanga wane, alīyo natīko kūshīība ī shilagīlo shako.

Kukundulwa 12:11

Bampyenaga kūlwa mininga ga Ng'wana wa Ng'holo, na kūlwa mhayo gwa būkaanīji wabo; na hangī nguno batabūsaatilwe ū būpanga wabo nūūlū kūshisha mu kūcha.

Balumi 16:4

A banhū benabo bakeega būpanga wabo kūlwa nguno ya būpanga bone. Nakūbalūmbaga no; nīyo ītī nene dūhū, alīyo nī kanisa ī jose ī ja banhū ba mahanga.

2 Mihayo ya Shikū 13:12

Ū Mulungu alī hamò nise; alī ntongeeji wise. Na lūūlū a bagabīji bakwe bakūmulīgīja ī nhaaninga ja būlūgū a bing'we. Bing'we banhū Baisilaeli, lekagi ū kwilwisha nū SEEBA, ū Mulungu wa bakūlūgenji bing'we; nguno mutūdūla ū kūpyena.

Balamuji 11:27

Ū nene nataalī kūkūhūba mhayo gose gose, alīyo ū bebe hū ūlīnihūba; nguno ūliza kūnidumīla kwilwisha būlūgū nane. Na lūūlū ū SEEBA, ū Namuji ni abūlamulage ī lelo ū wilemeelwa ūbo būlīho a ha gatī ya Baisilaeli na a Baamoni.

Balamuji 9:17

Nguno mumanile gīkī ū baba walī wifunya kūcha na kūpīla kūlwa kūmulwīlīīla, ūweega gete ū būpanga wakwe kūlwa kūmupīja mu nkono gwa Bamidiani,

Balamuji 12:2

Yefuta nang'hwe ūbashokeja ūhaya, “Ū nene na a banhū bane twalī mu wilwisha būtaale na a Baamoni, aho naang'witana kwiza kūnangūhīla, mutizile ū kūniguna ū mu makono gabo.

Balamuji 12:4

Hūna ū Yefuta ūbitana a bana Gileadi, biza kwamba būlūgū kwilwisha na a banhū ba lūganda lwa Efulaimu; nguno bakandya kūbasondagūla a bana Gileadi balībahaya gīkī, “Angū nīyo a bing'we mulī mabūsoso dūhū ga kūponyiwa kūfuma mu lūganda lwa ng'wa ng'wa Efulaimu na lwa ng'wa Manase!” A bana Gileadi būbiza bapyeeni.