Balamuji 12:1 - Bibilia Ilagano Lya Kale 2015

¹ A banhū ba lūganda lwa ng'wa Efulaimu būkobya mabità gabo, hūna būkīla kūja Zafoni, būshika būng'wīla ū Yefuta gīkī, “Nibūlī waajile kwilwisha būlūgū na Baamoni ūleka ū kūtūlaalīka a bise ū kūja nang'ho? Tūkwītiima ī numba yako tūkūpembeele mumo nū bebe!”

Balamuji 12:1 Iomraidhean Croise

Balamuji 8:1

Hūna a banhū ba lūganda lwa ng'wa Efulaimu būndugumīla ū Gidioni balīhaya, “Nibūlī watwītīlile mihayo īlī gīko? Nguno kī walī ūtatwitanile aho wabūūka kūja kwilwisha būlūgū na a Bamidiani? Būyoga ho nang'hwe gete.”

Yakobo 3:16

Nguno aho būlīho wilu na wilwisha, a henaho nū wiyugagūji būlīho, pyī nī yīngī ī ya sagala sagala.

Yohana 10:32

Nang'hwe ū Yesu ūbabūja gīkī, “Naamalile kūng'oolekeja milīmo yawiza mingī ī ya kūfuma kūlī Baba; gūlī ginehe ū mu yenīyo ūyo gūlīng'wenheleja kūniponda mawe?”

Balamuji 14:15

Nose ū mu lūshikū lwa kanè būng'wīla ū nke o ng'wa Samsoni gīkī, “Bebe nembalembage ū ngoshi wako akwinhe ī lishosho lya lūgano, ūlū ītī chene numho tūkūkūpembeela moto ū bebe nī kaya ya ng'waso muche. Gashi nīyo ng'watwitanile aha kwiza kūtwiba dūhū?”

Nomeji 4:4

Hama hangī nūbona gīkī gashi pyī ī milīmo nū būmani bo kūbeeja shikolo būkenhelejiagwa na munhū kūng'wītīla wilu nzenganwa ng'wiye. Ū gwenūyū nago gūtī na solobo, īlī kūpeeja lūyaga dūhū.

Zabuli 109:4

Ūlū nabīītīla ya būtogwa hū banihaya kībi, alīyo ū nene nalī munhū wa kwikala mu kūlomba.

Balamuji 15:6

A Bafilisiti aho baabūūja gīkī, “Nani wagwītile ū mhayo gwenūyū?” Būwīlwa, “Samsoni ū nkwīlīma wa mu Timuna; nguno wataajiwe ū nke, winhwa ū nwani ng'wiye ūyo walī nsheesha wakwe.” A Bafilisiti būnsanga ū nkīma ng'wenūyo nū ise, būbapemba mu moto būcha.

Balamuji 11:40

būlī ng'waka a bashīke ba Baisilaeli bayūja hanhū ikanza lya shikū inè, kūūnīla ū nshīke o ng'wa Yefuta ū muna Gileadi.

Balamuji 12:2

Yefuta nang'hwe ūbashokeja ūhaya, “Ū nene na a banhū bane twalī mu wilwisha būtaale na a Baamoni, aho naang'witana kwiza kūnangūhīla, mutizile ū kūniguna ū mu makono gabo.

Hosea 13:1

Ū Efulaimu wayombaga baadetema a banhū; walī nkūjiwa ū mu Isilaeli. Alīyo akahūba kūlwa kūnamya Baalī, ūbiza waacha.

Maliko 3:24

Na gīkī, “Ū būtemi ūlū būgabanīka hūna wandya kwilwisha boi wenekīlī na wenekīlī, būtūdūla ū kwīmīīla ū būtemi wenūbo.