Balamuji 11:2 - Bibilia Ilagano Lya Kale 2015

² Ū Gileadi walī na nke ūyo walī wamyalīla bitūnja; aho bakūla būmpeeja ū Yefuta a ha kaya; būng'wīla, “Ū bebe ūtīko kūpandīka wingīji hamò nise ū mu kaya ya ng'wa sīswe, nguno ūlī ng'wana o nkīma ūngī.”

Balamuji 11:2 Iomraidhean Croise

Sumo 2:16

A masala gakūkūpīja ū kūlī nkīma ū nshihani na ng'wīmīlīzu; ū wa mihayo ya kūkonga konga,

Kūshokeela 23:2

Nū munhū wa nda ya bū hamò būbyīle bokwe kūshisha kū shibyalīlwe sh'ikūmi, atigeleelilwe kwisangīja ū mu kwibilinga kwa banhū ba ng'wa SEEBA.

wandījo 12:10

Kwimanīla yagwa nzala nhaale ū mu sī yenīyo, ū Abulamu ūpeelela sī ya Misili, gīkī akikale kwenūko ū ng'wikanza lya nzala, nguno īkabiza ng'halī no.

Sumo 5:20

Ng'wana wane, nibūlī ūdutwe na nkīma nshihani? Ni kinehe wikale ūkūkumbataga shikuba sha nke wa munhū ūngī?

Sumo 5:3

Nguno ū nomo gwa nkīma nshihani gūkasūlūlūchaga mihayo minonu gītī būūkī; na a kalūngalūngīle kakwe kakondooku kūtinda maguta.

Bagalatia 4:30

Alīyo ī shandīkwa shihayile ginehe? “Mpeejage ū nkīma ū nsese nū ng'witūnja wakwe, nguno ū ng'witūnja wa nsese atīko kūbiza na wingīji hamò nū ng'witūnja wa ng'wanisaale!”

Balamuji 11:1

Walīho Yefuta muna Gileadi, ngosha wa būdūla mu kūlwa būlūgū. Ū ise ī lina lyakwe walī Gileadi; ū nina ūyo akamyala walī malahya.

Balamuji 11:3

Na lūūlū ū Yefuta ūbapeela a baana ba ng'wawe, ūja kwikala kū sī ya Tobu. Aho alī kwenūko, bigela banhū bidūndūgaja būntogwa, būbiza balondeeji bakwe.

wandījo 21:10

Hūna ūng'wīla ū Abulahamu gīkī, “Ng'wīnjage a henaha ū nsese ng'wenūyū nū ng'wtūnja wakwe; nguno ū ng'witūnja wa nsese ng'wenūyū atīko kūbiza na wingīji hamò nū ng'witūnja wane ū Isaka.”