Balamuji 10:9 - Bibilia Ilagano Lya Kale 2015

⁹ A Baamoni nabo būyūgūkīla ū mongo gwa Yolodani kwiza kwilwisha būlūgū na a banhū ba lūganda lwa ng'wa Yuda, na a ba lūganda lwa ng'wa Benjamini, na a ba ng'wa Efulaimu; a Baisilaeli būbiza mu makoye madito no.

Balamuji 10:9 Iomraidhean Croise

2 Mihayo ya Shikū 15:5

Ū mu shikū jenījo gwalī mhayo gwa kwihīga ū kūyeela yeela, nguno a bikaji ba mu sī jose baalī mu kwiyugūūla kūtale.

2 Mihayo ya Shikū 14:9

Walīho Zeelà muna Kushi, wiza n'ibità itaale lya bashilikale kūbadumīla, na magogoteni magana adatū ga būlūgū walī nago; wiza ūtūūla ng'hambī ipandī lya Malesha.

1 Sang'weli 28:15

Ū Sang'weli ūng'wīla ū Saulo, “Nibūlī wanikoya koya kūshisha kūnenha kūūnū?” Ū Saulo ūshosha alīhaya, “Ī haha nalī mu makoye madito no, a Bafilisiti baanidumīlile kwilwisha būlūgū naane; alīyo ū Mulungu wanilekile, ooyile ū kūnishokeja mhayo mu nzīla yose yose, ībize ya bahangi nūūlū ya shilooti. H'ī nguno yene naabona nakwitane bebe ūniwīle ū gwa kwīta.”

Kūshokeela 28:65

Ūtūdūla ū kūlembeela ū kū mahanga genayo, nīyo ūtūpandīka nūūlū ha kūtūūla lūpambala lwako gīkī wifuule. Ū ng'wikanza lya kūbiza kwenūko, ū SEEBA akūkwinha maganiko gatī ga kūlembeela na miso galyūngūmile, na kūgwa ng'holò.

Balamuji 10:8

Ū ng'waka ngwenūyo būbaponda ponda na kūbakenaagūla kībi no. Yūbīta myaka ikūmi n'īnaane bakūbaluhyaga pye a Baisilaeli ba kū ntambūko gwa kīya ya mongo gwa Yolodani, ū kū sī ya Gileadi; ī ya Baamooli.

Balamuji 10:10

Hūna a Baisilaeli būnīlīīla ū SEEBA balīhaya, “Twakūhūbile nguno twanekile ū Mulungu wise twandya kūgatūmamīla Maabaalī.”

Balamuji 11:4

Aho jabīta shikū ningī, Baamoni bīīdumīla ī Isilaeli;

Balamuji 2:15

Yūbiza būlī ikanza ūlū baaja kū būlūūgū a Baisilaeli, ū nkono go ng'wa Seeba gwilwishaga nabo gīkī bapyenwe gīt'ūmo walī wabahūgūlīla. Bakabiza mu kwihīga kūtaale no.

Balamuji 6:2

A Bamidiani būbaluhya no a Baisilaeli, kūshisha nose yūbigeleelwa kwibeegeja mahalo mu ngūlū, ga kwilang'hanīla, na machongo na mapilinga.

1 Sang'weli 13:6

A Baisilaeli aho babona gīkī ī mihayo īkūbadaamīla (nguno bakogoha, būgwa ng'holò), būja kwibisa mu mahalo na mu masaka, mu mapilinga ga mawe, mu myoobo na mu makomelo.