Balamuji 10:6 - Bibilia Ilagano Lya Kale 2015

⁶ A Baisilaeli bīīta hangī yabūbi ū kū būtongi bo ng'wa SEEBA; bandya kūgatūmamīla Maabaalī na Maashitoleti, na baamulungu ba Alaamu, baamulungu ba Sidoni, baamulungu ba Moabu, baamulungu ba Baamoni, na baamulungu ba Bafilisiti. Na lūūlū īkī a Baisilaeli bakang'wīība ū SEEBA, booya ū kūntūmamīla,

Balamuji 10:6 Iomraidhean Croise

2 Batemi 23:13

Galīho na mapandī ga higūlya, gaalī kīya ya nzengo gwa Yelusalemu, dakama ya lūgūlū lwa būkenaagūji; ū Yosia ūgakenaagūla. Solomoni ntemi wa Isilaeli walī wagazenga kūlwa nguno ya ng'wa Ashitoleti, mulungu nkīma wamalofu wa banhū ba Sidoni, na kūlwa nguno ya ng'wa Kemoshi mulungu wamalofu wa Moabu, na kūlwa nguno ya ng'wa Moleki, mulungu wamalofu wa banhū ba Amoni.

1 Batemi 11:33

Ū mhayo gwenūyū nakūgwīta nguno baanilekile ū nene bandya kūnamya Ashiteloti, mulungu nkīma wa Basidoni, na Kemoshi, mulungu wa Bamoabu, na Moleki, mulungu wa Baamoni; batūshimīzīlaga ū mu nzīla jane, nī yīyo ītūngīlīgije mu miso gane batīyītaga, nū mu katongeelele kane boyile ū kūshimīzīla mo, nī nshilagīlo shane batūshidīlīlaga ūmo wītīlaga ū Daūdi ū ise o ng'wa Solomoni.

1 Batemi 11:7

Kwimanīla ū Solomoni wabeeja ipandī lya higūlya kūlwa ng'wa Kemoshi, ū mulungu wamalofu wa Bamoabu; na Moleki, ū mulungu wamalofu wa Baamoni.

1 Batemi 11:5

Wandya kūnondeela Ashitoleti, mulungu nkīma wa Basidoni, na Moleki, mulungu wamalofu wa Baamoni.

Yelemia 2:13

Nguno a banhū bane bīītile būbi wa mbika ibīlī: Baanilekile ū nene, ūyo nalī lūzwīlo lwa minzī mapanga; būkumba nzwinzī jabo benekīlī, nzwinzī jitandagūkile milala, ījo jitadūgije kūlang'hana minzī.

Zabuli 106:36

Būyūshilamya ī shiikolile shabo, shūbiza lūbeto ū kūbo.

2 Batemi 17:16

Būshīība pye gete ī shilagīlo sha ng'wa SEEBA Mulungu wabo, bibeegeja shiikolile shibīlī sha kūsula, sha kūbiza gītī ndama; na ng'hīngī ya ng'wa Ashela. Būyūgiinamīla mabità ga sonda ja ng'wigūlū, na lī Baalī būyūlīlamya.

Balamuji 16:23

Lwise lūmò a basugi ba Bafilisiti bikuminga kūlw'ikanza lya kūfunya shitambò shitaale kūlī mulungu wabo Dagoni, na kūlya shigukulu. Nguno bakahaya gīkī, “Ū mulungu wise wantūūlile mu makono gise ū ng'wanishi wise ū Samsoni.”

2 Mihayo ya Shikū 28:23

Ūyūfunya shitambò kū mamulungu ga bana Damasiko abo baalī bampyena, nguno wiganikaga gīkī, “Īkī a bamulungu ba Baalamu bakūbagunanhaga a banhū babo, hambū hambū nabafunīje shitambò, hamo bakūnigunanha nū nene!” Alīyo a benabo hū būbiza ba kūngwisha, pyī nī Isilaeli ī yose bīgwisha.

1 Batemi 16:31

Nguno atagelelile kūbona dūhū gīkī gūlī mhayo ndo no ū gwa kūshimīzīla mu būhūbi bo ng'wa Yeloboamu ng'witūnja o ng'wa Nebati, alīyo akantoola na Yezebeli nshīke o ng'wa Etibaali, ntemi wa Basidoni; wandya kūntūmamīla Baalī na kūnamya.

1 Sang'weli 5:2

Hūna ī lisandīko lya ng'wa Mulungu būlītūūla mu hekalu ya ng'wa Dagoni.

Balamuji 13:1

A Baisilaeli bakandya kwīta yabūbi hangī ū mu miso ga ng'wa SEEBA, na lūūlū ū SEEBA ūbatūūla mu makono ga Bafilisiti ikanza lya myaka makūmi anè.

Balamuji 6:1

A Baisilaeli bakīīta hangī ī yabūbi ū mu miso ga ng'wa SEEBA; nang'hwe ūbatūūla mu makono ga Bamidiani ikanza lya myaka mpungatī.

Balamuji 4:1

Aho waacha ū Ehudi, a Baisilaeli bandya hangī ū kwīta ī yabūbi ū mu miso ga ng'wa Seeba.

Balamuji 3:7

A Baisilaeli bakīīta yabūbi ū miso ga ng'wa SEEBA, nguno bakang'wīība ū SEEBA Mulungu wabo, bandya kūgalamya Maabaalī na Maashela.

Kūshokeela 32:15

Alīyo ū Yeshuluni aho wagīna ūdoosa, ūluusa lilambī, nguno akigūta wibona wadidoha na kūsheeka. Hūna ūneka ū Mulungu ūyo wameeja, ūshiisuusumūla ī Shiganga īsho shilī Būpīji wakwe.

Kūshokeela 31:16

Ū SEEBA ūng'wīla ū Musa, “Lyashikaga ī likanza lyako ū bebe ī lya kūja kwifuula na bataale bako, alīyo a banhū benaba bakwandya kwisosohaja na bamulungu bageni, ū mu sī īyo balīja kwikala. Ū nene bakūnīība, balīkenaagūle nī lilagane īlo naabeeja nabo.”

Kūshokeela 31:17

Alīyo ū lūshikū lwa kwīta mhayo gūlī gīko, bakūnisayīcha no nabalekanīje gete. Nakūbibisa bayagaale, nguno ū būshū wane batūbūbona. Mihayo mingī yabūbi na ya kūbakoya īkūbagwīla. Ū ng'wikanza lyenīlo bakwibūūja balīhaya, “Ī mihayo yabūbi yose yenīyī ītūūtūgwīlaga īkī ū SEEBA Mulungu wise atī hamò nise?

Yoshwa 13:31

Nī nusu ya Gileadi, hamò nī mizengo ya Ashitalooti na Edilei (mizengo y'ikūlū lya ng'wa Ogi ū mu Bashani). Ī sī yenīyo bakinhwa banhū ba shibyalīlwe sha ng'wa Makili ng'witūnja o ng'wa Manase, gīkī ībize wingīji wa nusu ya banhū ba lūganda lwa Makili, gīt'ūmo būdūgū wabo walī būlī.

Balamuji 10:5

Ū Yaili aho waacha ūjīkwa mu nzengo gwa Kamoni.

Balamuji 11:24

Ū bebe ūtadūgije kūgelela kūshidiimīīla īsho wakwinha ū mulungu wako ū Kemoshi? H'ūmo īlī nū kū bise, nise tūkūshidimīīla īsho watwinha ū Seeba Mulungu wise.

Isaya 23:4

Leka ūgooke, Ee Sidoni, bebe ūyo ūlī būpīlīlo kū ng'hilimvwa na nyanza. Nguno ī nyanza yahabūlile hape īlīhaya gīkī, “Ū nene nataalī kūlung'wa būsūngū, nataalī nūūlū kūbyala; nataalī kūlela baana bagosha, nūūlū kūkūja baana bakīma.”

Ezekia 27:16

Nī Alaamu wisūlūgījaga nayo kūlwa nguno ū bebe walī na shikolo shingī; wakaabaga nabo ī shikolo shako baakūlekela takwiyo, būlūba wa langi ya nzulunge, myenda īsumilwe chiza, kitaani yawiza, na mawe ga mpango ga mu nyanza.

Kūshokeela 13:6

Ūlū ndūgūyo nūūlū ng'witūnja wako, nūūlū nshīke wako; pye nūūlū ni akabiza ū nke wako ūyo ūntogilwe gete, nūūlū nwani ng'wiyo ūyo mutalekanaga, hūna ūkooba kūkūhūmbūūla alīkūwīla, “Tūjage kūūnū tūkabalamye bamulungu bangī,” (bamulungu abo ūtabamanile bebe, nūūlū bakūlūgenji bako;

Kūshokeela 13:8

ū munhū ng'wenūyo ūtizūneka akūhūmbūūle, nīyo yaya nū kūndegeleka; hama ūtizūnsaatwa nūūlū hado, yaya ū kūneka alī mpanga, nūūlū ūtizūmisa gīkī atizinhwa nsango.

Balamuji 8:33

Ū Gidioni aho waacha, a Baisilaeli batadīīlile kwandya kwisosohaja kūlwa kūgalamya Maabaalī hangī. Būūtūūla ho lī Baali-beliti, gīkī hū lībize lī mulungu lyabo;

Yelemia 2:20

“Nguno ū bebe walībīnzagūla Ī lijoki lyako, nī nhendele jako ūjitīnagūla; hūna ūhaya, ‘Ū bebe natūkūtūmamīla!’ Na ng'hana wandya kūja hose hose; ūlū washika būlī hene a higūlya ya lūgūlū nūūlū mu mbeho ya lī ntī lya madūūtū mingī, walinhya kwīta mihayo yako ya būmalahya ūkwilamīlījaga kū bamulungu bangī.

Yelemia 32:23

Bingīla mo bīdima; alīyo būlemeelwa ū kūkwigwa nū kūshilondeela ī shilagīlo shako. Batīītile īyo walī wabalagīla kwīyīta; h'ī nguno ya kūbenhela pye a mayanga genaya.