Balamuji 10:4 - Bibilia Ilagano Lya Kale 2015

⁴ Walī na bitūnja makūmi adatū, baalī na ndamhī ja nzobe makūmi adatū. A bitūnja benabo ū mu Gileadi baalī basugile mizengo makūmi adatū, īyo kūshisha lelo ītaalī īkwitanagwa Havoti-yaili.

Balamuji 10:4 Iomraidhean Croise

2 Sang'weli 16:2

Ū ntemi ūmūja ū Ziba, “Ni sha kinehe ī shose shenīshi?” Ū Ziba ūshosha, “Ī nzobe jilī ja kūdamhīla banhū ba ng'wikūlū, ī migatī na a matwajo sha kūlya a banhū benaba, ī divai ī yene ya kūyūng'wa a banhū ūlū bageehelwa nguzu ū kwikūngū.”

Zakalia 9:9

Bebe Sayuni, yegaga! Ee Yelusalemu, tūlaga mhūndū! Managa gīkī ū Ntemi wako aliza ū kūlī bebe, ntūngīlīja hama alī na būpīji, ū wei mfula na adamhīlile nzobe, alī ha nzobe, ng'wana wa nzobe.

Kūbala 32:41

Munhū ūngī, nang'hwe wa shibyalīlwe sha ng'wa Manase, lina lyakwe Yaili, wiza ūbasoja ī ng'hambī jabo, ūlitana ī lipandī lyenīlo Havoti-yaili.

Kūshokeela 3:14

Ngosha witanagwa Yaili, wa mu lūganda lwa Manase akīdima pyī ī sī ya Aligobi, ūūkakandya kū lūbīmbī lwa sī ya Geshuli na ya Maaka. Aho walīdima ī lipandī lyenīyo ūlīgalūcha ī lina; lyūbiza Havoti-yaili kūlwa kūng'wizūkwa wei.

Balamuji 10:3

Ū ng'wenūyo ūlondeelwa na Yaili wa Gileadi; nang'hwe ūbatongeela a Baisilaeli ikanza lya myaka makūmi abīlī n'ībīlī.

Balamuji 10:5

Ū Yaili aho waacha ūjīkwa mu nzengo gwa Kamoni.

Balamuji 12:14

Walī na bitūnja makūmi anè, na bizūkūlū makūmi adatū; a bose baalī na ndamhī ja nzobe makūmi mpungatī. Nang'hwe ū ng'wenūyo akabatongeela a Baisilaeli ikanza lya myaka īnaane.

Balamuji 5:10

Bing'we bashimīzi gūkumūchagi ū mhayo gwenūyū, a bing'we abo mukajaga mudamhīlile nzobe jaape, kūnū ng'wigasījaga myenda yawiza; na a bing'we abo mukashimīzaga wa magūlū.