Bafilipi 4:7 - Bibilia Ilagano Lya Kale 2015

⁷ Hūna ī mhola ya ng'wa Mulungu īyo īkīlile witegeleja bose īkūjilang'hana īng'holò jing'we na a maganiko ging'we mulī Kilisito Yesu.

Sukuma New Testament 2000

⁷ Hūna ī mhola ya ng'wa Mulungu īyo īkīlile witegeleja bose īkūjilanghana ī ngholó jing'we na a maganiko ging'we mulī Kilisto Yesu.

Ilagano Ipya Lya

⁷ Na mhola ya Mulungu iyikilile kwitegeleja kose, ikukingitila ngholo jingʼwe na maganiko gingʼwe muli Kristo Yesu.

Bafilipi 4:7 Iomraidhean Croise

Nehemia 8:10

Ū Nehemia ūbawīla, “Alilūūlū ī haha muje mukalye shizeeze, mung'we na sha kūng'wa shawiza; nū yūyo atī na wa kūmeegeja shose shose muntwalīle. Ū lūshikū lwenūlū lūlī lwela kūlī SEEBA, mutapīnīhalage. Nguno ū būyegi bo ng'wa SEEBA h'ī nguzu jing'we.”

Ayubu 22:21

Alilūūlū, idoohyage ū kūlī Mulungu ūbize na mhola ū kūlī we; ū mu gīko hū ūkūbūpandīka ū wiza.

Ayubu 34:29

Alīyo nahene nūūlū ūhuumūla, nani akūkuuma? Ūlū ūbisa būshū bokwe nani ū wa kūmona? H'ūmo akīītīlaga ū kū banhū nūūlū kū mahanga,

Zabuli 29:11

Ū SEEBA akabinhaga nguzu a banhū bakwe; ū SEEBA akabīīlūkīlaga na mhola a banhū bakwe.

Zabuli 85:8

Shiigeleelilwe nīyigwe īyo akwīhayaga ū SEEBA Mulungu; a banhū bakwe a beela akūhooya nabo ya mhola, gwike ni batizagūshoka kū malofu.

Sumo 2:11

A kasolele ka witegeleja kakūkūbalada; ū būmani būkūkūlang'hana.

Sumo 4:6

Yaya ū kūgaleka a masala, nago gakūkūlang'hana, gatogagwe nguno gakūkūbalada.

Sumo 6:22

Shikūkūtongeela būlī kwene ūko ūjile, nūūlū ūlaalile shikūkūlang'hana, ūlū ūlī miso shikūlūngalūnga nang'ho.

Isaya 26:12

Ee SEEBA, bebe h'ūyo ūkatūbeegejaga mhola, shose shose īsho tūkashibeejaga, bebe h'ūyo ūkatwītīlaga.

Isaya 26:3

Ū munhū wa maganiko galembeelile kūlwa kūkusanya bebe, ūkūnang'hana ikale mu mhola īshikanile.

Isaya 45:7

Nalī mūmbi walyo ī lisana, nī giiti naashiseema nene; ū wiza nakawenhaga nene, na a mayanga nalī nseemi wago nene; ū nene SEEBA nakīītaga pyī ī yenīyī.

Isaya 48:18

Ūlū n'ūshidīlīlile ī shilagīlo shane, Ī mhola yako ni ningī no gītī ng'hūūmo gwa mongo, ū būtūngīlīja wako ni būlī na nguzu gītī mahuuli ga nyanza.

Isaya 48:22

“Alīyo ītīho ī mhola ū kūlī munhū wa malofu.” Alīhaya SEEBA.

Yelemia 32:16

Aho namala kūng'winha ū Baluki ng'witūnja o ng'wa Nelia ī mbapūla ja būgūji jenījo, nūnomba ū SEEBA; nūhaya:

Yelemia 33:6

“Alīyo nahene nakūgwenhela dūhū ī mhola na būpīji; a banhū bane nakūbapīja, nabinhe mhola na būlembeezu būtaale.

Kūbala 6:26

SEEBA akūlogeje būshū wakwe, na akwinhe mhola.”

Luka 1:79

kūlwa kūbaakīla abo bakwikalaga mu giiti, na mu nengeeji gwa lūfu; na kūtongeela mhambala jise mu nzīla ya mhola.”

Luka 2:14

“Ikūjo lībize kūlī Mulungu higūlya no, nū mu sī ībize ho mhola ū kū banhū abo banyegije.”

Yohana 14:27

Nalīmulekela mhola; nalīng'winha mhola yane. Ūmo nalīng'winhīla ītī gīt'ūmo sī īkinhīlaga. Yaya ū kūtawa tawa ū mung'holò jing'we, yaya nū kogoha!

Yohana 16:33

Nalīmuwīla ī yenīyī gīkī mubize na mhola ū mulī nene; ū mu sī mulī na būluhi, alīyo timbyagi ng'holò, naamalile kwīheeba ī sī.”

Balumi 1:7

bose abo mulī Lumi, abo Mulungu amutogilwe, na wang'witana kūbiza beela: Shigongo na mhola shibize hamò ning'we kūfuma kūlī Mulungu Sīswe, na kūfuma kūlī Seeba Yesu Kilisito.

Balumi 14:17

Nguno ū būtemi bo ng'wa Mulungu būtī mihayo ya shilīwa na būng'wi, alīyo būtūngīlīja na mhola na būyegi mulī Moyo Ng'wela.

Balumi 15:13

Ali lūūlū, ū Mulungu wa kwisagīlwa, leka ang'winhe būyegi bo mbika jose, hamò na mhola ū mu kūzunya; ū kwisagīlwa kwing'we kongeje kūkwīla kūlwa būdūla bo ng'wa Moyo Ng'wela.

Balumi 5:1

Hūna lūūlū īkī tūbalīlilwe būtūngīlīja kūlwa kūzunya, tūlī na mhola ū kūlī Mulungu, mu nzīla ya ng'wa Seeba wise Yesu Kilisito.

Balumi 8:6

Ī liganiko lya nhūngwa ja mīlī, lījīlīīlile mu kūcha, alīyo ī liganiko lya nhūngwa ja kūfuma kūlī Moyo līkenhaga būpanga na mhola.

2 Bakolinto 10:5

na būlī shose shose īsho shikigūngūhyaga kūlwa kūbahangīja banhū batizūmana Mulungu. Na hangī shilī na būdūla bo kūdima būlī iganiko, na kūlītūūla ha sīlīlī ya ng'wa Kilisito.

2 Bakolinto 13:11

Ū gwa kūmalīja bang'wise ikalagi mhola, ikondelagi, nīyo ng'wihūgūla; bizagi na būsangī ū mu maganiko, na mubize banhū ba mhola. Ū Mulungu wa būtogwa na mhola akūbiza hamò ning'we.

Bagalatia 5:22

Alīyo ī litwajo lya ng'wa Moyo līlī, būtogwa, būyegi, mhola, wiyūmīlīja, wiza ng'holò, būdīlīji, kūzunya,

Baefeso 3:19

Muwitegeleje ū būtogwa bo ng'wa Kilisito ūbo būliganije masala ga banhū; hama mushikanyiwe mu būshikanu bose bo ng'wa Mulungu.

Bafilipi 1:1

Nene Paulo na Timotheo, basese ba ng'wa Kilisito Yesu: Kū beela bose abo balī mulī Kilisito Yesu, abo bazengile Filipi; hamò na a baasikofu, na a bagunanhi.

Bafilipi 1:2

Shigongo na mhola shibize hamò ning'we kūfuma kūlī Mulungu Sīswe, na kūlī Seeba wise Yesu Kilisito.

Bafilipi 4:19

Ū Mulungu wane akūng'winha pyī īyo īng'wigeleelilwe kūbiza nayo gīt'ūmo būlī būsabi w'ikūjo lyakwe mulī Kilisito Yesu.

Bafilipi 4:21

Būlī ng'wela ngīshagi mulī Kilisito Yesu. Balīmugīsha a badūgū abo balī hamò nane.

Bafilipi 4:9

Ng'wīta īyo mukilanga na kwīyanukūla, īyo mukayigwa na kwībona kūfuma kūlī nene; nang'hwe ū Mulungu wa mhola akūbiza hamò ning'we.

Bakolose 3:15

Hūna lūūlū ī mhola ya ng'wa Kilisito īsuge ū mu ng'holò jing'we, gīt'ūmo kitanīlwe king'we kalī mu mīlī gūmò; na bizagi banhū ba kūlūmba.

2 Batesalonike 3:16

Hūna lūūlū ū Seeba wa mhola ang'winhe mhola mu yose gwa gwa gwa. Seeba abize hamò ning'we bose.

Bahebrania 13:20

Hūna lūūlū, ū Mulungu wa mhola ūyo kūlwa mininga g'ilagane lya shiku jose akang'wenha kūfuma mu bafu ū Seeba wise Yesu, ū Ndīīmi Ntaale wa ng'holo,

Yuda 1:1

Nene Yuda nsese wa ng'wa Yesu Kilisito, na ng'wana wa ng'wawe wa ng'wa Yakobo. Kū batogwa abo balī bitanwa, hangī balang'hanilwe na Mulungu Sīswe mulī Yesu Kilisito.

Kukundulwa 1:4

Nene Yohana: Kū kanisa mpungatī ījo jilī mu Asia; shigongo na mhola shibize hamò ning'we kūfuma kūlī we ūyo alīho, ūyo walīho, na akwiza. Na kūfuma kū myoyo mpungatī īyo īlī kū būtongi wī Isumbī lyakwe lya būtemi.

Kukundulwa 2:17

Ūyo alī na gūtū ni ayigwage īyo Moyo alījiwīla ī kanisa. Ū wa kūpyena nakūng'winha mana īyo ībisilwe, nakūng'winha n'iwe lyape lyandīkilwe lina ipya, īlo atīho wa kūlīmana, ūlū atī ū ng'wanukūji walyo dūhū.’