Bafilipi 4:6 - Bibilia Ilagano Lya Kale 2015

⁶ Yaya ū kwikala mukwiganīlījaga mu mhayo gose gose, alīyo īyo mukwīkoobaga manyagi ū Mulungu mu kūlomba kose na kwikūmbīlīja, hamò na kūlūmba.

Sukuma New Testament 2000

⁶ Yaya ū kwikala mukwiganīlījaga mu mhayo gose-gose, alīyo īyo mukwīkoobaga manyagi ū Mulungu mu kūlomba kose na kwikūmbīlīja, hamò na kūlūmba.

Ilagano Ipya Lya

⁶ Mutiziganilija mu mhayo gose; aliyo mu buli mhayo mumanyage Mulungu iyo mutogilwe mu kulomba, na kwikumilija na kulumba,

Bafilipi 4:6 Iomraidhean Croise

1 Batemi 8:28

Gwike naheene degelekaga ū kūlomba kwa ntūmami wako, nū kūlīla kwakwe kūlwa kūkooba shigongo kūfuma kūlī bebe SEEBA Mulungu wane. Igwaga ū kūlīla kwa ntūmami wako nū kūlomba kwakwe ūmo alīkūlombela lelo kū būtongi wako.

2 Mihayo ya Shikū 32:20

Ū ntemi Hezekia nū ng'hangi Isaya ū ng'witūnja o ng'wa Amozi, būgūlombela ū mhayo gwenūyū; būtwala ng'wigūlū ū kūlīla kwabo.

Zabuli 51:15

Ee Seeba, ninhage būdūla wa kūlūngalūnga, ū nomo gwane gūkūlīkumīlīja ī lina lyako.

Zabuli 55:17

Būlī mhīndī nī dilū, pyī nī līīmi, nakanīlīīlaga mu kwiyanda; nang'hwe waliigwa ī lilaka lyane.

Zabuli 55:22

Ntūūlīlage SEEBA ū kūtawa tawa kwako, nang'hwe akūkūhandatīja; atīko kūnekanīja ntūngīlīja agwe.

Zabuli 62:8

Bing'we banhū, nsanyagi we makanza gose, Ī ng'holò jing'we ntūūlīlagi we, nguno ū Mulungu alī ibūngīlò lise.

Sumo 15:8

Ū SEEBA atashitogagwa ī shitambò sha banhū ba malofu, alīyo ū kūlomba kwa ntūgīlīja kūnyegije.

Sumo 16:3

Ntūūlīlage SEEBA pyī īyo ūkīītaga, hūna ī mihayo yako īyo ūlīyīhela īkūshikīīla.

Lyīmbo lya ng'wa Solomoni 2:14

Ee bebe ng'hūūlū yane ūyo wibisile mu mahalo g'iwe, mu shiganga sha mu lūgūlū; noolekejage ū būshū wako, nī līlaka lyako naliigwe! Nguno ī lilaka lyako isoga no, nū būshū wako wiza no.

Yelemia 32:16

Aho namala kūng'winha ū Baluki ng'witūnja o ng'wa Nelia ī mbapūla ja būgūji jenījo, nūnomba ū SEEBA; nūhaya:

Yelemia 33:3

‘Nitanage nene nakūkwidīka, hama nakūkūlanja mihayo mitaale īkīlile witegelegea, īyo ūtīmanile ū bebe.’

Danyeli 3:16

A ba Shadulaka nū Meshaki nū Abedinego būnshokeja ū ntemi, “Baba Nebukadineza, a bise tūtī na nguno ya kūkwibūūlīla ū mu mhayo gwenūyū.

Danyeli 6:10

Ū Danyeli aho wamana gīkī ū mhayo gwenūyo gwafunyiagwa, ūja kū ng'wakwe ūūkalinha kū chumba sha kū golofa, īsho madilisha gasho gaalī galolelile kū lwande lo Yelusalemu. Ūyūtuja mazwi ng'hangala idatū būlī lūshikū kūlomba, na kūnūmba Mulungu wakwe, gīt'ūmo wītīlaga na kale.

Matayo 10:19

Alīyo ūlū būmutwala gīko, yaya ū kwandya kwiganika ganika, gīkī hīmba mukūsomboola kī nūūlū mukūshosha ginehe. Nguno ū ng'wikanza lyenīlo mukwinhwa ū gwa kūhaya.

Matayo 13:22

Hama ī mbīyū ījo jikagwīla mu ming'hwa, ū ng'wene alī ūyo akagwigwaga ū mhayo, gwike gwashitelejiwa na myatīla ya būlī lūshikū, na būlemba lembi bo sabo; gwagaiwa a matwajo!

Matayo 6:34

Lekagi ū kwikala ng'ūkoya koyela ya ha ntondo, nguno ī ya ntondo nayo īkūlonjiwa ng'wikanza lyayo; būlī lūshikū lūlī na makoye ga kūlwigela.”

Matayo 6:8

Yaya ū kwilenganīja nabo, nguno a bing'we nūūlū aho mutaalī kūlomba, ū Sīng'we ayīmanile īyo yigelile kūmugunanha.

Luka 10:41

Nang'hwe ū Seeba ūnshokeja ūng'wīla, “Malita Malita, otagambaga na milīmo mingī no, nose ozwangana.

Luka 12:22

Hūna ū Yesu ūbawīla a bahemba bakwe gīkī, “Kūlwa nguno yenīyo nalīmuwīla yaya ū kwikala mukūkoya koyelaga būpanga, gīkī mukūlya kī, nūūlū mibīlī ying'we, gīkī mukūzwala kī!

Luka 12:29

Hūna lūūlū, oyagi ū kwikala mukūkoya koyaga kūkooba īsho mulalye, nūūlū īsho mulang'we; yaya ū kwikala ng'weneng'halaga.

Luka 18:1

Hūna ūbinha lūsumo lo kūbalanga gīkī shiigelile bakomeele ū kūlomba, yaya ū kūgwa ng'holò.

Luka 18:7

Angū, ū Mulungu hamò na wiyūmīlīja bokwe ū bose ūmo alī ng'wenūmo, atūdūla ū kūbagunanha a basolwa bakwe abo bakanīlīīlaga līīmi na būjikū?

1 Bakolinto 7:21

Hamo olī nsese aho ūlitanwa? Gūtizūkūkoya ū gwenūyo; gwike ūlū ūlī na būdūla bo kūfuma ū mu būsese, īlī yawiza wīnge mo.

1 Bakolinto 7:32

Hūna lūūlū, a bing'we natatogilwe mubize ba kwikala ng'ūkoya koya, nguno ūyo atatoolile akateeganaga na mihayo ya ng'wa Seeba, akakoobaga ūmo alanyegeje ū Seeba.

2 Bakolinto 1:11

nguno na a bing'we mulīmo ū mu būsangī bo kūtūlombela. Nose tūlī na shakwinhwa kūlwa kūlombelwa na banhū bingī, gīkī būfunyiwe būlūmbi būtaale kūlwa nguno yise.

Baefeso 5:20

Ng'ūnūmba gwa gwa gwa ū Mulungu Sīswe kūlwa būlī mhayo, mu lina lya ng'wa Seeba wise Yesu Kilisito.

Baefeso 6:18

Lombagi būl'ikanza mu nguzu ja ng'wa Moyo, mu kalombele kose na kwikūmbīlīja kwa būlī mbika. Nīyo bizagi miso ū kū mhayo gwenūyo, mukomeele ū kūbalombela pye a beela.

Bakolose 3:15

Hūna lūūlū ī mhola ya ng'wa Kilisito īsuge ū mu ng'holò jing'we, gīt'ūmo kitanīlwe king'we kalī mu mīlī gūmò; na bizagi banhū ba kūlūmba.

Bakolose 3:17

Nīyo būlī gwene ūyo mukūgwītaga, ībize mu kayombele nūūlū mu shītwa; pye yītagi mu lina lya ng'wa Seeba Yesu, kūnū mukūnkumīlījaga Mulungu Sīswe mulī we.

Bakolose 4:2

Bizagi bakomeezu ū mu kūlomba, nīyo ilang'hanagi gete ū mu mhayo gwenūyo, na mubize banhū ba kūlūmba.

1 Timoteo 2:1

Ali lūūlū, ū mhayo gwa kwandya nalīkomeleja gīkī kūbize ho kwikūmbīlīja na kūlomba na kūlombela, hamò na kūlūmba kūlwa banhū bose.

1 Timoteo 5:5

Alīyo ū nchīlwa ūyo atī na wa kūngunanha gete, ū ng'wenūyo antūūlīlile Mulungu pyī ū kwisagīlwa kwakwe makanza gose; līīmi na būjikū akadīlaga mu kūlomba na kūlombela.

1 Petro 4:7

Ali lūūlū, ī ng'halīlo ya yose yegeelaga; bizagi balembeezu na ba masala madeekanu mu ū kūlomba.

1 Petro 5:7

Ntūūlīlagi we pyī ū kūzwangana kwing'we, nguno amudīlīlile no.

1 Sang'weli 1:15

Alīyo ū Hana ūnshokeja ūhaya, “Ītī gīko baba, ū nene nalī na būpīna no, natang'wile divai nūūlū walwa; naliita būpanga wane kūlī SEEBA dūhū.

1 Sang'weli 30:6

Ū Daūdi akakoya no, nguno a banhū bakwe būyiwīla gīkī bamponde mawe; būlī munhū walī na būsūngū būtaale no ū mu moyo kūlwa nguno ya baana bakwe bagosha na bakīma. Alīyo ū Daūdi ūpandīka nguzu kūfuma kūlī SEEBA Mulungu wakwe.

1 Sang'weli 7:12

Hūna ū Sang'weli ūsola iwe ūlyīmīlīja ha gatī ya Misipa na Sheni; ūliilīka lina lya Ebenezeeli, nguno akahaya, “Ū SEEBA ataalī ūtūgunanha kūshisha haha.”