Bafilipi 4:3 - Bibilia Ilagano Lya Kale 2015

³ Alichene, nū bebe ntūmami ng'wichane ntūngīlīja nalīkwikūmbīlīja ūbagunanhe a bashīke benabo, nguno nabo balī hamò nane ū mu nīmo gwa kūjilwīlīla ī Ng'hūlū Jawiza; pyī nū Kelementi, na a batūmami bichane a bangī, abo mina gabo galī mu shitabo sha būpanga.

Sukuma New Testament 2000

³ Alichene, nū bebe ntūmami ng'wichane ntūngīlīja nalīkwikūmbīlīja ūbagunaane a bashīke benabo, nguno nabo balī hamò nane ū mu nīmo gwa kūjilwīlīla ī Nghūlū Jawiza; pyī nū Kelementi, na a batūmami bichane a bangī, abo mina gabo galī mu shitabo sha būpanga.

Ilagano Ipya Lya

³ Ali chene, nakwikumbilija nu bebe ntumami ngʼwichane nghana, bagunanage bakima benabo, iki bakakoyela hamo na nene mu evangeli kihamo nu Klementi na batumami bichane bangi, abo mina gabo gali mu kitabo cha bupanga.

Bafilipi 4:3 Iomraidhean Croise

Zabuli 69:28

A mina gabo ni gajimiagwe ū mu shitabo sha bapanga, nīyo batizandīkwa hamò na a batūngīlīja.

Kūfuma 32:32

Gwike nahene ī haha nalīkūlomba ūbalekeje ū būhūbi wabo; ūlū ītī chene ūnifute ū nene ū mu shitabo īsho washandīka.”

Isaya 4:3

Būlī ng'wene ūyo ūlekeelwa ī Sayuni, ūyo wikala mu Yelusalemu, akwitanwa ng'wela, ose ose ūyo andīkilwe kūpīla ū mu Yelusalemu.

Ezekia 13:9

Ū nkono gwane gūkwilwisha nabo a bahangi abo bakabonaga shakoolechiwa sha kūlembagūla na kūfunya būchūja bo nyalomolomo. Batūbiza mo ū mahooya ga banhū bane, nū mu kwihela kwa banhū ba numba ya Isilaeli batandīkwa mo, nūūlū gūgūlū gwabo gūtūkuumya ū mu sī ya Isilaeli. Hūna mukūdeeba gīkī ū nene nalī Seeba MULUNGU.

Danyeli 12:1

Ū mu shikū jenījo, ū Mikaeli, ū nsugi ntaale ūyo akabalang'hanaga a banhū bako akwilonga. Līkūbiza ho ikanza lya makoye ayo gataalī kwilonga kūfuma ikanza lya wandījo wa mahaga kūshisha ikanza lyenīlo. Alīyo ū kū banhū bako, būlī ng'wene ūyo lina lyakwe līkwilonga lyandīkilwe ū mu shitabo, akūpījiwa.

Luka 10:20

Gwike ū gwa kūheeba masamva gūtamuyejage, alīyo yegagi īkī a mina ging'we gandīkilwe ū ng'wigūlū.”

Balumi 12:1

Ali lūūlū badūgū bane, nalīng'wikūmbīlīja kūlwa shigongo sha ng'wa Mulungu; gīkī, ifunyagi ī mibīlī ying'we ībize shitambo shipanga na sheela sha kūnyeja Mulungu, hū kene a kalamīje king'we ako kigeleelilwe.

Balumi 16:12

Bagīshagi na a bashīke a bagagaja mu nīmo go ng'wa Seeba, a ba Tilufina nū Tilufosa; nū Pelesisi ngīshagi, nang'hwe nshīke ntūmami ntaale wa nīmo go ng'wa Seeba.

Balumi 16:9

nū ntūmami ng'wichiswi mulī Kilisito ū Ubano ngīshagi, pyī nū ntogwa wane ū Staku.

Bafilipi 1:12

Badūgū bane, natogilwe mumane gīkī ī mihayo īyo yanilongelile yenīyī, yabizile ya kūjitwala kū būtongi ī Ng'hūlū Jawiza.

Bafilipi 1:16

A benaba bakūlomeelaga mu būtogwa, īkī bamanile gīkī natūūlilwe ho kūlwa nguno ya kūjilwīlīla ī Ng'hūlū Jawiza.

Bafilipi 1:27

Gwike dūhū shimīzagi gīt'ūmo jilangīlile Ng'hūlū Jawiza ja ng'wa Kilisito. Ūbize gīkī ūlū nūshika ko, namusange mukwītaga gīko. Nūūlū nūlemeelwa ū kūshika ko, nahene najiigwe ī mhola jing'we, gīkī ng'wīmīīlile na moyo gūmò; mukwigunanhaga nang'holò īmò ū mu wilwisha ūbo mulī nabo kūlwa kūjizunya ī Ng'hūlū Jawiza.

Bafilipi 1:5

nguno ya būsangī wing'we, ū mu nīmo gwa kūjilomeela ī Ng'hūlū Jawiza, kūfuma ha wandījo kūshisha nī haha.

Bafilipi 1:7

Ū nene īnigeleelilwe kūng'wiganikīla gīko pye a bing'we ū mu mhayo gwenūyū, nguno mulī ha moyo gwane gete; īkī pye a bose mukūsangīlaga hamò nane ū mu būtungwa bone nū mu kūjilwīlīla ī Ng'hūlū Jawiza, pyī nū mu kwīyoolecha ī ng'hana yajo.

Bafilipi 4:2

Nalīng'wikūmbīlīja ū Eudia nū Sintike babize na būsangī ū mulī Seeba.

Bakolose 1:7

H'ūmo akamulangīla nū ntogwa Epafra, ū ntūmami ng'wichiswi mulī Kilisito kūlwa nguno ying'we.

Kukundulwa 13:8

Hūna lūūlū a bikaji ba mu sī bakwīlamya ī shiinū yenīyo; pye a bose, būlī ng'wene ūyo lina lyakwe lītandīkilwe mu shitabo sha būpanga ī sha Ng'wana wa Ng'holo ūyo wasīnzwa kale, kūfuma ha kūseeng'wa kwa sī.

Kukundulwa 17:8

Ī shiinū īyo wībonaga yalī īlīho ī kwandya, ī haha ītīho, alīyo īlī hihī kūpuluka kwīnga ū ng'wishimayenze īje mu kūyagala. A bikaji ba mu sī, abo mina gabo gatandīkilwe mu shitabo sha būpanga kūfuma ikanza lya kūseeng'wa kwa sī, bakūkumya ūlū bībona ī shiinū yenīyo, īyo yalīho, alīyo ī haha ītīho, hama hangī īlilonge.

Kukundulwa 20:12

Hama nūbabona a bafu, bataale na bado bīmīīlaga ū kū būtongi wī Isumbi lya būtemi, na mashitabo gūkundūlwa; na līshitabo līngī lyūkundūlwa, ī lya būpanga. A bafu būūlamulwa kūlwa kūlolwa īyo yalī yandīkilwe ū mu mashitabo genayo, kūlenganīla nū mumo yalī ī milīmo yabo.

Kukundulwa 20:15

Na ose ose ūyo alaatandikilwe ū mu shitabo sha būpanga akaponyiwa mu nyanza ya moto!

Kukundulwa 21:27

Būlī shikolo sha malofu shitingīla mo na hado yaya, na a babo bakīītaga ya būsoso, pye na a balomolomo. Bakwingīla mo dūhū abo bandīkilwe mu shitabo sha būpanga ī sha Ng'wana wa Ng'holo.

Kukundulwa 3:5

Ū wa kūpyena akūzwalīkwa shizwalo shape gīko, hama natūlījimya na hado yaya ī lina lyakwe ū mu shitabo sha būpanga; na hangī nakūlīkaanīla hape ī lina lyakwe ū kū būtongi bo ng'wa Baba, nū kū bamalaika bakwe.