Bafilipi 4:20 - Bibilia Ilagano Lya Kale 2015

²⁰ Ikūjo lībize kūlī Mulungu Sīswe kūshisha shiku jose: Alichene!

Sukuma New Testament 2000

²⁰ Ikūjo lībize kūlī Mulungu Sīswe kūshisha welelo na welelo: Alichene!

Ilagano Ipya Lya

²⁰ Hambunyu kuli Mulungu Siswe libize ikujo welelo na welelo. Amina. Kigisije

Bafilipi 4:20 Iomraidhean Croise

Zabuli 115:1

Ee SEEBA, ītī kūlwa nguno yise, yaya ītī kūlwa nguno yise; alīyo ī likūjo lībize ho nguno ya lina lyako; kūlwa nguno ya būtogwa wako na būsanyiwa wako.

Zabuli 72:19

Ī lina lyakwe līkumīlījiwe welelo bose; sī jose jookale ikūjo lyakwe. Ee, Alichene.

Matayo 28:20

Hama ng'ūbalanga kwīdima pyī īyo naamalile kūmukomeleja, managi gīkī ū nene ng'wenekīlī nalī hamò ning'we pyī ī shikū jose na jose, kūshisha kū būkalīkījo w'ikanza.”

Matayo 6:9

Hūna lūūlū, mulalombage gīkī, ‘Sīswe ūyo ūlī ng'wigūlū, lina lyako lyeela līkūjiwe.

Balumi 11:36

Nguno pyī ī shose shifumile kūlī wei, shilīho kūlwa nguno yakwe, nīyo shilī shakwe. Ikūjo lībize lyakwe shiku jose: Alichene!

Balumi 16:27

Kūlī Mulungu ūmò we wike wa masala, lībize ikūjo lya shiku jose mulī Yesu Kilisito: Alichene.

Baefeso 3:21

ū kūlī we ū ng'wenūyo lībize ho ikūjo ū mu kanisa nū mulī Kilisito Yesu, kūshisha shibyalīlwe shose sha shiku jose: Alichene.

Bafilipi 1:11

Nīyo ū mulī Kilisito mubize na matwajo mingī ga būtūngīlīja kūlw'ikūjo lya ng'wa Mulungu, na kūlwa kūkumīlījiwa kwakwe.

Bafilipi 4:23

Shigongo sha ng'wa Seeba Yesu Kilisito shibize hamò na myoyo ying'we: Alichene.

1 Timoteo 1:17

Hūna lūūlū, ī haha akumīlījiwe na kūgongoolwa ū Ntemi wa welelo bose, ūyo atī wa kūyagala, nūūlū kūbonwa, ū ng'wene h'ūyo alī Mulungu ūmò wike.

Yuda 1:25

ū kūlī we ng'wenūyo ūyo alī Mulungu ūmò wike, na mpīja wise mulī Yesu Kilisito Seeba wise, lībize ikūjo na būtaale, na nguzu na būdūla shikū jose; kwandīja haha kūshisha shiku jose. Alichene.

Kukundulwa 1:6

ūtwīta kūbiza būtemi, na bagabīji kūlwa nguno ya ng'wa Ise Mulungu. Ū kūlī we ū ng'wenūyo lībize ikūjo na nguzu kūshisha shiku jose: Alichene.

Kukundulwa 11:13

Ī likanza lyenīlo yilonga nyahīnga nhaale; īmò ya ng'wikūmi ya nzengo yūkenaagūka, banhū shihūmbī mpungatī būyagala ū mu nyahīnga yenīyo; abo bakasaaga ho bakogoha na kogohele kataale no, būng'winha ikūjo ū Mulungu wa ng'wigūlū.

Kukundulwa 14:7

Walomeelaga alīhaya gīkī, “Ng'ogohagi Mulungu, na nkūjagi we; nguno ī likanza lya būlamuji bokwe lyashikaga. Namyagi we ūyo alī meeja w'igūlū na sī na manyanza, pyī nī nzwīlo ja minzī.”

Kukundulwa 5:12

Bahamukaga n'ilaka itaale balīhaya gīkī, “Ū Ng'wana wa Ng'holo ūyo walī wasīnzwa igeleelilwe kwanukūla būdūla na būsabi na masala, na nguzu. Hangī igeleelilwe ikūjo na kūgongoolwa, na kūkumīlījiwa!”

Kukundulwa 7:12

Būhaya, “Ee kūkumīlīja na kūgongoola na masala na kūlūmba, n'ikūjo na būdūla na nguzu; shiigeleelilwe kūlī Mulungu wise shiku jose: Alichene!”