Bafilipi 4:19 - Bibilia Ilagano Lya Kale 2015

¹⁹ Ū Mulungu wane akūng'winha pyī īyo īng'wigeleelilwe kūbiza nayo gīt'ūmo būlī būsabi w'ikūjo lyakwe mulī Kilisito Yesu.

Sukuma New Testament 2000

¹⁹ Ū Mulungu wane akūng'winha pyī īyo īng'wigeleelilwe kūbiza nayo gīt'ūmo būlī būsabi w'ikūjo lyakwe mulī Kilisto Yesu.

Ilagano Ipya Lya

¹⁹ Na Mulungu wane akungʼwinha bingʼwe buli kugayiwa kwingʼwe kose gitumo busabi wakwe ngʼwikujo umo buli muli Kristo Yesu.

Bafilipi 4:19 Iomraidhean Croise

wandījo 48:15

Hūna ūmfuuha ū Yosefu akūhayaga gīkī, “Ū Mulungu ūyo babyaji bane ba Abulahamu na Isaka bashimīzaga mu kūng'wigwa we, ū Mulungu ūyo alī Ndīīmi wane shikū jose kūshisha lelo,

2 Sang'weli 22:7

Aho naalī mu makoye nakanīlīīla SEEBA, nūng'witana ū Mulungu wane. Ūniigwa ī lilaka lyane kūfuma mu hekalu yakwe; ū kūlīla kwane kūshika ū mu matū gakwe.

2 Mihayo ya Shikū 18:13

Alīyo ū Mikaya ūhaya, “Ūmo SEEBA alī mpanga, nakūng'wīla ū ntemi ūyo nalawīlwe na SEEBA dūhū.”

2 Mihayo ya Shikū 31:8

Ū Hezekia na a batūmami bakwe aho biza, bahayūūgabona a mashise, būnkumīlīja SEEBA, būbalombela a banhū bakwe, a Baisilaeli.

Nehemia 5:19

Mulungu wane, nizūkagwe kūnīītīla yawiza kūlwa yose īyo nabīītīla a banhū benaba.

Nehemia 9:15

Ūyūbinha shilīwa sha kūfuma ng'wigūlū, gīkī ūbīngīje ū lūtuubo lwabo, ūbinha na minzī kūfuma mu shiganga kūlwa kūbīngīja notà yabo; ūbawīla bingīle ū mu sī yenīyo bakīdime, īyo walī wabūūcha nkono gwako ūbilahīlīla gīkī ūkūbinha ībize yabo.

Zabuli 104:24

Ee SEEBA, ī milīmo yako īlī mitaale no! Būlī gwene ūgūbeegije mu masala mashimu, ī sī yokalile shiseeng'wa shako.

Zabuli 130:7

Ee Isilaeli, ntūūlīlage SEEBA ū kwisagīlwa kwako, nguno ū kūlī SEEBA būlīho būtogwa būtī wa kūshila, hama ū kūlī we būlīho būkomooji būtaale.

Zabuli 36:8

Bakahomondolaga shitoolyo mu numba yako, nī sha kūng'wa ūkabinhaga kūfuma mu mongo gwa shizeeze shako.

Zabuli 84:11

Nguno ū SEEBA Mulungu alī līīmi na lūmūda; ū SEEBA akabanong'haga wiza n'ikūjo. Abo shimīzīle yabo īgoloolile atīko kūbiima shikolo shawiza.

Danyeli 6:22

Ū Mulungu wane wantūmaga malaika wakwe wīmumya ī milomo ya shimba. Jitanīītile mhayo, nguno ū kū būtongi bokwe natī na shisembo, nūūlū kū būtongi wako baba ntemi nataalī kūhūba.”

Mika 7:7

Alīyo ū nene nalolile mu kūng'wisagīlwa SEEBA, nanindīīlile Mulungu Mpīja wane; ū Mulungu wane akūniigwa.

Malaki 3:10

Ū SEEBA wa Būdūla bose alīhaya gīkī, “Ng'ūnha ī zaka jishikaanile ng'wajitūūla ū mu numba ya kūbīkīla, shilonge shilīwa ū mu numba yane. Nigemagi ū mu mhayo gwenūyū, mubone ūlū natūmulugūlīla a ng'wanya gwa ng'wigūlū namusukīīle ningī, kūshika mugayiwe nū ng'wanya gwa kūshitūūla īsho mulapandīke.

Matayo 6:32

Nguno abo bataamanile Mulungu hū bene abo bakakoyaga kūshikooba ī shose; alīyo a bing'we, ū Sīng'we ūyo alī ng'wigūlū amanile gīkī shing'wigeleelilwe mubize nasho ī shose.

Yohana 20:17

Ū Yesu ūng'wīla, “Yaya ū kūnidimala, nguno nataalī ū kūlinha kūja kūlī Baba. Alīyo jaga ū kū bang'wise, ūkabawīle gīkī nalīja kūlī Baba, ūyo alī Sīng'we na a bing'we; kūlī Mulungu wane, ūyo alī Mulungu wing'we na a bing'we.”

Yohana 20:27

Hūna ūng'wīla ū Tomaso gīkī, “Enhaga ū lwala lwako aha ūgalole a makono gane, wenhe nū nkono gwako ūgūtūūle a ha lūbazu lone, ūzunye ooye ū kūhana hana.”

Balumi 1:8

Ū mhayo gwa kwandya nalīnūmba ū Mulungu wane mulī Yesu Kilisito kūlwa nguno ying'we bose pye, nguno ū kūzunya kwing'we kūkūjaga kūkumūchiwa hose pyī ū mu sī.

Balumi 11:33

Ee, būshimu wa būsabi bo masala ga ng'wa Mulungu na witegeleja bokwe; a kalamulīle kakwe katī ka kūbonwa, nī nzīla jakwe jikīlile kamanīlwe!

Balumi 2:4

Nūūlū hamo ūkūbūdalahaga ū wiza bo ng'wa Mulungu, nū wiyūmīlīja bokwe, pyī nū būlindīīji bokwe? Ūtūmanaga gīkī ū wiza bokwe būlīkūduta wingīle mu kūgalūka?

Balumi 8:18

Ū nene nakūbūbalaga ū būluhi w'ikanza lya haha gīkī būtigelile ū kūgelanījiwa nī likūjo īlo līkoolechiwa kūlwa nguno yise.

Balumi 9:23

Nūūlū hangī gūlīho mhayo kī ūlū ūbiza walī atogilwe koolecha būsabi w'ikūjo lyakwe, ū kū shiseme sha kūchīlwa shigongo īsho shibeejiwe kūfuma kale na kale kūlwa nguno y'ikūjo lyakwe?

2 Bakolinto 12:21

Nalīnomba ū Mulungu one atizūnidoheleja hangī ū kū būtongi wing'we, ūlū nalize ko! Nguno bingī abo baalī bīīta shibi bakūnilīja būpīna, ūlū nalabasange bataalī kūgalūka na kūlekana nabo ū būsoso nū būjingi, nū būbi ūbo baalī bawīta!

2 Bakolinto 4:17

Nguno ū būluhi bo haha būlī būbbūpu no, hama būkūtūbeegejaga ikūjo lya būja na būja, īlo līlī na mpango ntaale kūtinda.

Baefeso 1:18

Na a miso ga mung'holò jing'we gatiimīlwe, muwitegeleje ūmo būlī ū wisagīja bo kitanīle kakwe, nū mumo būlī ū būsabi w'ikūjo lya wingīji bokwe ū kū beela.

Baefeso 1:7

Ū mulī wei ū ng'wenūyo, tūlī na būkomoolwa kūlwa mininga gakwe; hū būlekejiwa bo shibi shise, gīt'ūmo būlī būsabi bo shigongo shakwe,

Baefeso 2:7

gīkī ū ng'wikanza īlo līliza atoolekeje ūmo būlī ū būsabi bo shigongo shakwe ūbo būtī na sha kūgelanījiwa, kūlwa wiza ūbo alī nabo kū bise ū mulī Kilisito Yesu.

Baefeso 3:16

Nakūnombaga gīkī ūmo būsabi w'ikūjo lyakwe, amuguzuhye na nguzu ja ng'wa Moyo wakwe ū mu būmunhū wing'we ū bo mu gatī.

Baefeso 3:8

Na ng'hana ī chene ū nene nalī ndo wa bado ū mu beela pye a bose, alīyo nakinhwa ū nīmo gwenūyū kūlwa shigongo, gīkī nabalomeele a banhū ba mahanga ī mhola ja būsabi bo ng'wa Kilisito, ūbo būkīlile kamanīlwe.

Bafilipi 4:7

Hūna ī mhola ya ng'wa Mulungu īyo īkīlile witegeleja bose īkūjilang'hana īng'holò jing'we na a maganiko ging'we mulī Kilisito Yesu.

Bakolose 1:27

A benabo ū Mulungu atogilwe booleche ū kū mahanga ūmo būlī ū būsabi w'ikūjo lya mbisīla yenīyī, hū Kilisito ūyo alī mu bing'we, ūyo alī kwisagīlwa kw'ikūjo.

Bakolose 3:16

Nū mhayo go ng'wa Kilisito gūbize mo ū mu bing'we, nīyo gūmukwīlīle. Mudūle kūyilanga na kwihūgūla bing'we benekīlī na benekīlī mu witegeleja bose, mu Zabuli na mīmbo, na mīmbo ga mu moyo; hamò na kūng'wīmbīla Mulungu na būyegi ū mung'holò jing'we.

1 Batesalonike 2:12

Twamuganikīlaga na kūmutimbyang'holò na kūmuhūgūla, gīkī mushimīze gītī banhū abo bigeleelilwe koolecha ikūjo lya ng'wa Mulungu, ūyo wang'witana kwingīla ng'wikūjo na mu būtemi bokwe.

1 Timoteo 6:17

A basabi ba ng'wikanza īlī bahūgūlage batizūdoosa, nūūlū batizūtūūla kwisagīlwa kwabo ha būsabi ūbo būtī wa kūshinga ho; alīyo bang'wisagīlwe Mulungu, ūyo akatwinhaga shikolo shose mu wila gīkī tūshiyegele.

Filimoni 1:4

Nakūnūmbaga ū Mulungu wane, būl'ikanza ūlū nalīkūhaya ū mu kūlomba kwane.

1 Petro 5:1

Ali lūūlū, a banamhala abo balīmo ū mu bing'we nalībakomeleja, ū nene ūyo nalī namhala ng'wichabo; hangī nalī nkaanīji wa būluhiwa bo ng'wa Kilisito, na ūmò wa basangīji ba ng'wikūjo īlo līlakundūlwe.

1 Petro 5:10

Alīyo ūlū ng'ūlīkalīcha ī likanza lya kūluhiwa īlī, ū Mulungu wa shigongo shose, ūyo ang'witanile a bing'we mulī Kilisito gīkī ng'wingīle ng'wikūjo lyakwe lya shiku jose, wei ng'wenekīlī akūmushikanya, amujaamye na kūmuguzuhya mudūle kūhandatīla.