Bafilipi 4:17 - Bibilia Ilagano Lya Kale 2015

¹⁷ Ītī gīkī nalī nchooji wa shakwinhwa, alīyo nalīgayegela a matwajo ayo galongeja kūkwīla kūlwa kūng'wenhela lubango a bing'we.

Sukuma New Testament 2000

¹⁷ Ītī gīkī nalī nchooji wa shakwinhwa, alīyo nalīgayegela a matwajo ayo galongeja kūkwīla kūlwa kūng'wenhela mbango a bing'we.

Ilagano Ipya Lya

¹⁷ Iti giki, ndikoba cha kwinhiwa, aliyo nakoba matwajo gongeje kubalilwa ha lwande lwingʼwe.

Bafilipi 4:17 Iomraidhean Croise

Sumo 19:17

Ū ng'wiza ng'holò kū bahabī, akang'winhaga SEEBA alashokejiwe; na ng'hana akwinhwa mheela kūlwa shītīle shakwe.

Mika 7:1

Nagwīlwa mayanga būlī! Ī haha nabange gītī ngoodeleja wa shisuumo mu makanza ga kūpūmbīīla mizabibu mu migūnda; ndūhū ī zabibu ja kūlya, ndūhū ī tiini ī nonu ījo najitogilwe, jitīho nūūlū ja mu lūpī.

Malaki 1:10

Hambū hambū ni wigela ūmò wing'we wīlugala ī milyango ya hekalu, mutizikala mukūbachaga myoto ītī na ngofyolo ha ng'walīlo gwane! Mutūniyejaga biya. Alīhaya SEEBA wa Būdūla bose, nīyo natanukūla shakwinha kūfuma mu makono ging'we.

Yohana 15:16

Mutanisolile bing'we ū nene, ū nene hū namusolile a bing'we, nūng'winha nīmo gwa kūja mukūtwajaga matwajo. Hama a matwajo ging'we gabize ga kūshinga ho, hangī muyūnomba ū Baba būlī shikolo īsho mutogilwe, wang'winha mu lina lyane.

Yohana 15:8

Ū Baba akwinhwa ikūjo ūlū muyūtwaja matwajo mingī, nguno hū mukūbiza bahemba bane.

Balumi 15:28

Na lūūlū, ūlū nalagūmale ū nīmo gwenūyo, nabize naamana hape gīkī bashanukūla ī shikolo shenīsho, nakūbūūka ū lūgendo lwa kūja ī Spania, nabīte koi ū kū bing'we.

2 Bakolinto 11:16

Leki nahaye hangī gīkī, atizigela munhū ose ose wa kūniganikīla ū nene gīkī nalī nchilū chilū; gwike nahene nūūlū mubize mukūniganikīlaga gīko, nanukūlagi gīt'ūmo nalī, nane nabonele ho mhayo gwa kwihaya, nūūlū gwa malīngīīla!

2 Bakolinto 9:5

H'ī nguno yene naabonile īlī yawiza kūbalomba a badūgū batonge ko, bize balonje lonje ī mihayo ya winhi wenūbū, ūbo ng'wamala kwisagīja kūfuma kale; gīkī būbize winhi ng'hana, gūtī mhayo gwa kūhadīkījiwa.

Bafilipi 1:11

Nīyo ū mulī Kilisito mubize na matwajo mingī ga būtūngīlīja kūlw'ikūjo lya ng'wa Mulungu, na kūlwa kūkumīlījiwa kwakwe.

Bafilipi 4:11

Natūhayaga gīko īkī nalī mu makoye; nguno ū nene naagūbītīla ū gwa kūbiza mu mbika jose na jose ja kikalīle.

1 Batesalonike 2:5

Nguno a bing'we mumanile gete, nīyo nū Mulungu nkaanīji wise, gīkī aho twalī kū bing'we tūtatūmamīlile mihayo ya kūlaalīkīja banhū, nūūlū tūtikūmbilwe shikolo shose shose mu mbisīla.

1 Timoteo 3:3

Atizūbiza nkolwa wa shikoji nūūlū ntūji wa banhū, alīyo abize ng'wiyūmīlīja, atī nyombo, atī ng'wikūmvi wa sabo.

1 Timoteo 6:10

Nguno ū kūtogwa sabo īlī mbūūkī ya mihayo ya būbi wa būlī mbika, bangī balīho bakwīngaga ū mu kūzunya kūlwa kūgūhahaalīla ū mhayo gwenūyo, nose bakwiyenhelejaga kūkenaagūka, kūlwa kūgwīla mu makoye mingī ga kūpīnīhaja!

Tito 1:7

Nguno ū nang'hani wa kanisa ng'wene mīkījiwa o ng'wa Mulungu, hūna lūūlū shing'wigelile abize atī na shilingo, atī wa kwiyeja wei ng'wenekīlī dūhū. Atī ng'wangū kūpelana, atī nkolwa walwa, atī ntūji banhū, nūūlū atī nchooji wa shikolo mu nzīla ja minala.

Tito 3:14

Nīyo a banhū bise ni bilangage kwīta yawiza, bayūgunanha aho būlīho būgehelwa, batizūbiza batī na matwajo.

Bahebrania 6:10

Hūna lūūlū īkī ū Mulungu ntūngīlīja, atūdūla ū kwība ūmo shilī ī shītwa shing'we nū būtogwa wing'we ūbo mukoolechaga kūlwa lina lyakwe ū mu kūbagunanha a beela.

1 Petro 5:2

Līdīīmagi ī lidale lya ng'wa Mulungu, īlo līlī mu makono ging'we. Ītī kūlwa kūhadīkījiwa, alīyo mu kwifunya gīt'ūmo Mulungu atogelilwe. Nūūlū ītī kūlwa kwikūmva sabo ja būnyeecha, alīyo mu būyegi.

2 Petro 2:15

Batīmo ū mu nzīla ī ngololoku nūūlū hado, bahūbīkile; balī balondeeji ba nhūngwa ja ng'wa Balaamu ng'witūnja o ng'wa Beoli, ūyo akatogwa mheela ya nyabbūūlī.

2 Petro 2:3

Na bakūyūtūmamīla mihayo mikondooku kūlwa nguno ya kwikūmva kwabo, bipandīkīla solobo; ū nsango gwabo a benabo gūtūūlilwe kūfuma kale na kale, nūgo gūtūdīla ū kūshika, nū kūkenaagūka kwabo kūtatindīlile!

Yuda 1:11

Balī mu kwihīga, nguno bakūshimīzīlaga mu nzīla ya ng'wa Kaini; banhū ba kwikala bihuutīīlaga milīmo ya kūbapandīkīla mheela, gīt'ūmo boolī būhūbi bo ng'wa Balaamu. Balī mu nhabaala kūlwa nguno ya būgomi gīt'ūbo boolī bo ng'wa Kola.