Bafilipi 4:12 - Bibilia Ilagano Lya Kale 2015

¹² Nabūmanile ū būbi wa būgayiwa nū wiza wa būsabi, būlī mhayo naagūbītīla, pyī ī yose nīmanile; nalūmanile ū lwigūto, nū lūtuubo nalwitegelegije. Nagūmanile ū gwa kūkwīlīlwa, nū gwa kūgehelwa nagūmanile.

Sukuma New Testament 2000

¹² Nabūmanile ū būbi wa būgayiwa nū wiza wa būsabi, būlī mhayo naagūbītīla, pyī ī yose nīmanile; nalūmanile ū lwigūto, nū lūtuubo nalwitegelegije. Nagūmanile ū gwa kūkwīlīlwa, nū gwa kūgehelwa nagūmanile.

Ilagano Ipya Lya

¹² Namanile kudohelwa, namanile hangi nu kukwililwa; mu chikalile chose na mu mihayo yose naalangwa kwiguta nu kutuba, hangi kukwililwa nu kugehelwa.

Bafilipi 4:12 Iomraidhean Croise

Nehemia 9:20

Nū Moyo wako ūbinha gīkī abalange, nī eemanu yako ūtabīngīgije ū mu milomo yabo, nūūlū bakolwa notà wabinhaga a minzī ga kūng'wa.

Isaya 8:11

Hūna ū SEEBA ūlūngalūnga nane, kūnū ū nkono gwakwe gwa nguzu gūlī hamò nū nene. Ūnihūgūla gīkī natizūshimīzīla ū mu nzīla ja banhū benaba. Ūhaya.

Yelemia 31:19

Na ng'hana naalī naatagaalīja nūja sagala; alīyo naashokile; aho nitegeleja nipaala itango. Nīīta gwa soni no, Īlīniminya ī minala kūlwa nguno ya magooke ga ha būdinha bone ayo nagabūūkije.’

Matayo 11:29

Solagi ijoki, ng'wilange kūfuma kūlī nene, nguno ū nene nalī mfula na nalī ng'widohya ū mu ng'holò; ū mu gīko hū būkwifuula ū būpanga wing'we.

Matayo 13:52

Ūbawīla hangī gīkī, “Hūna lūūlū, būlī ng'wene ūyo alangilwe mihayo ya būtemi bo ng'wigūlū, abizile gītī namugī ha ng'wakwe, ūyo akafunyaga shikolo shipya na shikūlūkūlū, kwīngīīla mu wibīkīja bokwe.”

2 Bakolinto 10:1

Hūna lūūlū, ū nene Paulo nalīng'wikūmbīlīja kūlwa būfula na wiyūmīlīja bo ng'wa Kilisito; nene ng'wenekīlī ūyo mūkūnibonaga gīkī nalī ng'ooba wa booba ū kū bing'we ūlū nalī hamò ning'we, alīyo ūlū natīho nalī ngimu!

2 Bakolinto 10:10

Nguno bangī bakūhayaga gīkī, “Ahene ū ng'wing'wana ī nyalūba jakwe jilī na ntili, nīyo jilī na nguzu; lelo ūlū ūmona ū wei ng'wenekīlī, nyangīlīzu o banyangīlīzū, hama nī mihayo yakwe migokolo ya nyaleele leele!”

2 Bakolinto 11:27

Hama nī milīmo īyo nakūtūmamaga nayo midito, nīyo mu makoye mataale. Ng'hangala ningī būjikū pe, na mu kūkoyiwa nota, hamò na būtuubu kūlwa kūdīla nzala. Nū gwa kūzuuka na kūgayiwa myenda mu shikū ja mbeho nago gūtī ngeni!

2 Bakolinto 11:7

Nūūlū hamo nakahūba ū kūmulomeela dalali ī Ng'hūlū Jawiza ja ng'wa Mulungu? Ū nene nidohyaga gīkī mugūngūhiwe a bing'we.

2 Bakolinto 11:9

Nūūlū ū mu kūgehelwa aho naalī hamò ning'we, nahene natabizile nigo kūlī munhū ose ose, nguno ū būgehelwa bone būkamalwa na badūgū abo bakiza kūfuma Makedonia. Nilang'hanaga natizūbiza nigo ū kū bing'we; nīyo nī haha nataalī nilang'hanile.

Kūshokeela 32:10

Akamona alī ng'witogolo, mu sī y'itogolo lyabūbi no lya kogohya; ūnkīngītīīla, ūngaliila; ūnang'hana gītī mboni ya liso lyakwe.