Bafilipi 4:1 - Bibilia Ilagano Lya Kale 2015

¹ Hūna lūūlū badūgū bane abo namusaatilwe, abo mulī būyegi bone na ngikili yane, handatīlagi batogwa ū mulī Seeba.

Sukuma New Testament 2000

¹ Hūna lūūlū badūgū bane abo namusaatilwe, abo mulī būyegi bone na ngikili yane, handatīlagi batogwa ū mulī Seeba.

Ilagano Ipya Lya

¹ Kulwa iyo badugu bane batogwa na bakumbulwa bane, aba muli kuyega kwane, na ngikili yane ya ikujo, handikilagi giko muli Seba, batogwa bane.

Bafilipi 4:1 Iomraidhean Croise

Ayubu 31:36

Ni naalūsola ū lūbbapūla lwenūlo nūlūtūūla h'ibega, na kūlūkonzeela kū ntwe gītī ngikili.

Zabuli 125:1

Abo bansanije SEEBA babange gītī lūgūlū lwa Sayuni, ūlo lūtīko kūtinginyiwa, alīyo lūkwikala ho kūshisha welelo bose.

Zabuli 27:14

Ng'wisagīlagwe SEEBA; handīkīīlaga nīyo ūtimbye ng'holò. Alichene, ng'wisagīlagwe ū SEEBA.

Matayo 10:22

Hama būlī kwene pye a banhū bakūmukolwa, kūlwa nguno ya lina lyane. Alīyo ū wa kwiyūmīlīja kūshisha kū ngelelo akūpīla.

Yohana 8:31

Hūna ū Yesu ūbawīla a Bayudaya abo bakanzunya gīkī, Ū mhayo gwane ūlū gwikala ū mu bing'we, mukūbiza bahemba bane.

Shītwa 11:23

Aho washika ko ūyega no ū kūshibona ī shigongo sha ng'wa Seeba. Hūna ūbakomeleja pye a bose gīkī badimane na Seeba mu moyo gūmò.

Shītwa 14:22

Baja bakūbatimbyagang'holò a bahemba, bakūbakomelejaga bikale bahandatīlile ū mu kūzunya; na kūbawīla gīkī, “Shiigelile twingīle ū mu būtemi bo ng'wa Mulungu mu nzīla ya būluhi būtaale.”

Shītwa 2:42

Bakabiza bakomeezu no ū kwilanga īyo yalangagwa na batūng'wa; hamò na mu kūsangīla, na kūmega ngatī, nū mu kūlomba.

Balumi 2:7

A biyūmīlīja mu kwīta yawiza, na kūkooba mihayo y'ikūjo na kūkumīlīja, a bachooji ba mihayo īyo ītī ya kūkenaagūka, a benabo akūbinha būpanga butashilaga.

1 Bakolinto 15:58

Hūna lūūlū bang'wise, batogwa bane; īmīīlagi muhandatīle, yaya ū kūtinginyiwa. Gūtūmamagi gwa gwa gwa ū nīmo go ng'wa Seeba, nīyo komeelagi no no no; managi gīkī ū būnoge wing'we būtī bo dalali ū kūlī Seeba.

1 Bakolinto 16:13

Ilang'hanagi ng'wīmīīle mu kūzunya, hama ipandagi chanda muhandatīle;

2 Bakolinto 1:14

Nguno ahene mugemile ū kūtūmana, kūshisha nose mukwikumīlījaga kūlwa nguno yise. Na a bing'we mukūbiza nguno ya kwikumīlīja kwise ū mu lūshikū lo ng'wa Seeba Yesu.

Bagalatia 5:1

Ū Kilisito watūtungūla gīkī tūbize mu wiyabī, hū kūhaya īmīīlagi muhandatīle, yaya ū kūshoka kūtungwa ijoki lya būsese hangī!

Bafilipi 1:27

Gwike dūhū shimīzagi gīt'ūmo jilangīlile Ng'hūlū Jawiza ja ng'wa Kilisito. Ūbize gīkī ūlū nūshika ko, namusange mukwītaga gīko. Nūūlū nūlemeelwa ū kūshika ko, nahene najiigwe ī mhola jing'we, gīkī ng'wīmīīlile na moyo gūmò; mukwigunanhaga nang'holò īmò ū mu wilwisha ūbo mulī nabo kūlwa kūjizunya ī Ng'hūlū Jawiza.

Bafilipi 1:8

Nīyo ī haha naamukūmbūlile no kūlwa būtogwa bo ng'wa Kilisito Yesu; ū Mulungu nkaanīji wane ū mu mhayo gwenūyū.

Bafilipi 2:16

Hangī nīyo gūhandatīlagi ū mhayo gwa būpanga, nalapandīke sha kūyegela a ha lūshikū lo ng'wa Kilisito, gīkī gashinaga natanogile kūtagamba dalali.

Bafilipi 2:26

Nīyo wamukūmbūlile no pye a bose, hama akūkoyaga ū mu maganiko īkī ng'walī ng'wigwile gīkī walī wasaatile.

Bakolose 4:12

Alīmugīsha nū Epafra ū nsese o ng'wa Kilisito Yesu, nang'hwe ū ng'wenūyo alī ūmò wing'we. Akūmulombelaga gwa na būkomeezu no no no, gīkī ng'wīmīīle mu būshikanu, hangī muyitegelegije īyo Mulungu ayītogilwe.

1 Batesalonike 3:13

Amushikanye ū mung'holò jing'we, ū ng'wikanza lya kwiza kwa ng'wa Seeba wise Yesu hamò na beela bakwe bose, musangwe mulī beela mutī na shilingo ū kū būtongi bo ng'wa Mulungu Sīswe.

2 Batesalonike 2:15

Hūna lūūlū ī haha badūgū, handatīlagi, ng'wīdime ī mihayo īyo ng'wamala kūlangwa mu nzīla ya būlomeeji wise, nūūlū mu nyalūba jise.

2 Timoteo 2:1

Hūna lūūlū, ū bebe ng'wana wane handatīlaga kūlwa shigongo īsho shilī mulī Kilisito Yesu.

Bahebrania 10:23

Tūbūdimagi mu būkalalwa ū būkaanīji bo kwisagīlwa kwise, nguno ūyo atwisagīgije ng'wene nsanyiwa.

Bahebrania 3:14

Nguno tūkūbiza tūlī na būsangī ū mulī Kilisito ūlū tūdimana nako ū kūzunya kwise ū kwa ha wandījo kūshisha kū ngelelo.

Bahebrania 4:14

Hūna lūūlū īkī tūlī na Ngabīji Ntaale, ū Yesu Ng'wana wa ng'wa Mulungu, ūyo wamala kwingīla ng'wigūlū, tūbūhandatīlagi ū būkaanīji wise.

2 Petro 3:17

Hūna lūūlū badūgū, īkī ng'wīmanile na kale ī mihayo yenīyī, ilang'hanagi mutizūhūbiwa na būshitiigwa bo banhū abo bahūbīkile, nose mutajiwe ng'wīnge ū mu kūhandatīla kwing'we.