Bafilipi 3:6 - Bibilia Ilagano Lya Kale 2015

⁶ Ū mu būjangīīzu naalī nuhya wa kanisa, hama ū mu būtūngīlīja ūbo būfumile mu shilagīlo, naalī natī na shilingo!

Sukuma New Testament 2000

⁶ Ū mu būjangīīzu naalī nuhya wa kanisa, hama ū mu būtūngīlīja ūbo būfumile mu shilagīlo, naalī natī na shilingo!

Ilagano Ipya Lya

⁶ Mu bukomezu nuyinyajanyaja kanisa, mu butungilija ubulagililwe mu shilagilo, nali nati na kilingo. Paulo wilecha yose kulwa nguno ya kumana Kristo

Bafilipi 3:6 Iomraidhean Croise

2 Sang'weli 21:2

Hūna ū Daūdi ūbitana a Bagibeoni ūhooya nabo. (A Bagibeoni benebo baalī batī Baisilaeli, baalī basaagīīla kūfuma ng'wihanga lya Baamooli; a Baisilaeli baalī babilahīlīla gīkī batūbayagaja babamale, alīyo ū Saulo kulwa kūtogwa kūbayeja a Baisilaeli na a banhū ba Yuda, ūbeeja mbika ya kūbabūlaga pye a Bagibeoni bashile gete.)

2 Batemi 10:16

Ū Yehu ūng'wīla, “Tūjage hamò ūkabūbone ū wilu ūbo nalī nabo kūlwa nguno ya ng'wa SEEBA.” Wigasha hamò nang'hwe ū ng'wigogoteni būja dege.

Nomeji 7:16

Ūtizibona gīkī ūlī ntūngīlīja ntaale no, nūūlū ūtiziyīta kūbiza na masala no kūkīlanīja. Nibūlī wikenaagūle bebe ng'wenekīlī?

Bagabīji 13:16

Gwike ī libalà lyenīlo ūlū lyūgalūka hangī lyūkuulīka, akūshoka ū kūlī ngabīji.

Matayo 23:25

Mulī mu kwihīga a bing'we balangi ba shilagīlo na Bafalisayo bibeeleja, nguno mukiyoogelelejaga higūlya gūlya gītī kooja shikombe na mabakuli, alīyo ū mu gatī ng'okalile wibi na kwikūmva kwabūbi.

Matayo 5:20

Kūlwa nguno nalīmuwīla gīkī, ū būtūngīlīja wing'we ūlū būtakīlile a ha būtūngīlīja bo balangi ba shilagīlo nū bo Bafalisayo, mutūdūla ū kwingīla ū mu būtemi bo ng'wigūlū.”

Luka 1:6

A bose būbīlī wabo, baalī batūngīlīja ū kūlī Mulungu. Hangī ū mu kashimīzīle kabo baalī bashidimile pyī ī shilagīlo sha ng'wa Seeba; nū mu katongeelele kakwe baalī batī na shisembo.

Shītwa 21:20

Aho bigwa būnkumīlīja Mulungu, būng'wīla ū Paulo gīkī, “Bebe ndūgū wise, ūlībona gīkī a Bayudaya abo baazunije balī mashihūmbī makūmi mingī; na pye a bose balī na būjangīīzu būtaale no ū kū shilagīlo!

Shītwa 22:5

Ū ntaale wa bagabīji adūgije kūnikaanīla ū mu mhayo gwenūyū, pyī na a banamhala. Nguno nakanukūla na nyalūba kūfuma kūbo, gīkī naje najo Damasko ū kū badūgū, nakabatunge abo baalī kwenūko, nabenhe Yelusalemu bize binhwe nsango.

Shītwa 26:5

Ūlū būtogwa badūgije kūkaanīla, īkī banimanile kūfuma kale na kale, gīkī ū mu nhūngwa jane nalī ūmò wa Bafalisayo, a badimi ba shilagīlo kūtinda pye a banhū.

Shītwa 8:3

Alīyo ū Saulo hū ūlinhya kwīkenaagūla ī kanisa, ūyūja akwingīlaga mu būlī kaya wabadutanja pye bagosha na bakīma, kūbatwala mu jeela!

Balumi 7:9

Nose hū kūhaya gīkī, naalī mpanga aho naalī natī ha sīlīlī ya malange; alīyo aho shiza shilagīlo, ī shibi shūpīmbūka,

1 Bakolinto 10:32

Yaya ū kūbipamya a banhū; ni babizage Bayudaya nūūlū ba mahanga gangī, pyī nūūlū ī kanisa ya ng'wa Mulungu.

1 Bakolinto 15:9

Nguno ū nene nalī ndo wa bado ū mu batūng'wa; nīyo natigeleelilwe nūūlū kwitanwa ntūng'wa, nguno nīluhyaga no ī kanisa ya ng'wa Mulungu.

Bafilipi 2:15

Mubize mutī na shilingo nūūlū būbi, baana ba ng'wa Mulungu abo batī na shisembo, nūūlū ū ng'wikanza īlo mukwikalaga hamò na shibyalīlwe shikenaagūkile na shilyūngūmile; īsho mukūng'weka ng'wekaga musho gītī kūng'weka kwa sonda mu sī.

Bafilipi 3:9

na nabonekane nalī mulī we, ītī kūlwa būtūngīlīja bone bo mu shilagīlo; alīyo kūlwa kūnzunya Kilisito, kūlwa būtūngīlīja bo ng'wa Mulungu ūbo būfumile mu kūzunya.

1 Timoteo 1:13

Ū nene ī kwandya naalī nsosohaja wa lina lya ng'wa Mulungu, hangī naalī nuhya wa banhū, na ng'wibonya! Alīyo nakachīlwa shigongo nguno pyī ī yenīyo nayītaga mu būchilū chilū, kūlwa būtūzunya.

Balamuji 6:30

Hūna a banhū ba mu nzengo būng'wīla ū Yoashi, “Mfunyage aha ū ng'witūnja wako; shing'wigeleelilwe ache ī lelo, nguno wagūkambagūlaga ū ng'walīlo go ng'wa Baalī, wīgwisha nī ng'hīngī ya ng'wa Ashela īyo yihelile nago.”