Bafilipi 3:5 - Bibilia Ilagano Lya Kale 2015

⁵ Nakasaalwa nataalī ng'weleele wa shikū inaane, nalī w'ihanga lya Bayudaya gete, wa lūganda lo ng'wa Benjamini. Ng'hebulania wa Bahebulania, ū mu kashimīzīle ka mu shilagīlo naalī Mfalisayo.

Sukuma New Testament 2000

⁵ Nakasaalwa nataalī ng'weleele wa shikū inaane, nalī w'ihanga lya Bayudaya gete, wa lūganda lo ng'wa Benjamini. Nghebulania wa Bahebulania, ū mu kashimīzīle ka mu shilagīlo naalī Nfalisayo.

Ilagano Ipya Lya

⁵ Nakasalwa lushiku lwa kanane, ndi wa ihanga lya Israeli, wa mu luganda lwa Benyamini, ndi Nghebrania wa Bahebrania; mu mihayo ya shilagilo nali ndi Mfarisayo;

Bafilipi 3:5 Iomraidhean Croise

wandījo 14:13

Ūmò wa banhū abo bakapūlūgūka wiza ū kūlī Abulamu ū Ng'hebulania, aho washika ūng'winha ī yenīyo. Ī kaya ya ng'wa Abulamu ī shikū jenījo yalī hihī na mitī ya ng'wa Mamule muna Amoli, ndūgūye wa ng'wa Eshikoli na Aneli; a bose baalī banwani biye ū Abulamu.

wandījo 17:12

Ū mu shibyalīlwe shing'we ī shose īsho shiliza, būlī ng'wana ngosha ū mu bing'we ūlū ūshisha shikū inaane asaalwe; abize wa kūbyalīlwa ha kaya, nūūlū wa kūgūlwa na hela kūfuma kū babisa, ūyo atī wa kūfuma mulī bebe.

wandījo 40:15

Nguno ū nene nenhwa ū kūūnū bo nguzu kūfuma kū sī ya Bahebulania; nūūlū ī haha natīītile mhayo gose gose gwa kwigeleelwa kūnenheleja kūponyiwa mu jeela.”

wandījo 41:12

Ū mu jeela ng'wenūmo akasangwa alīmo na nsūmba Ng'hebulania, ntūmami wa ntaale wa balang'hani; gwike nang'hwe walī mfungwa ng'wichiswi. Ū nsūmba ng'wenūyo aho twanootoolela ī shilooti shise, ūtūshomelegeja a makūlū gasho; būlī ng'wene na makūlū ga shilooti shakwe.

Yona 1:9

Ūbashokeja, “Nalī Ng'hebulania, na nalī namya o ng'wa SEEBA Mulungu wa ng'wigūlū, ū meeja wa nyanza na sī.”

Luka 1:59

Aho lwashika lūshikū lo kanaane, būntwala ū ng'wana kūjūsaalwa. Būhaya kūng'winha ī lina lya ng'wa ise Zakalia.

Luka 2:21

Ū Ng'wana aho washisha shikū inaane būnsaala, būng'winha ī lina lyakwe ī lya Yesu, īlo walī winhwa na malaika kūko ataalī nūūlū kūtungīlwa nda.

Luka 5:38

Alīyo ī mvinya ī mhya shiigelile ībīkwe ng'wibīkīlo ipya.

Shītwa 22:3

“Ū nene nalī Nyudaya, myalīlwa wa Taso ya Kilikia. Alīyo naakūlīlaga mu nzengo gwenūyū ūyū; hama naalangagwa na Gamalieli ī mihayo ya shilagīlo sha bakūlūgenji bise, nūbiza na būjangīīzu būtaale kūlwa ng'wa Mulungu, gīt'ūmo mulī dūhū na a bing'we pye a bose ī lelo īyī.

Shītwa 23:6

Hūna lūūlū ū Paulo aho wadeeba gīkī abo baalīho, bamò baalī Basadukayo na bangī Bafalisayo, ūhamuka ū ng'wibanza n'ilaka itaale ūhaya, “Bababa badūgū bane, ū nene nalī Mfalisayo, ng'wana wa Bafalisayo, nalīlamulwa kūlwa nguno ya kwisagīlwa kwa būjūūko wa bafu!”

Shītwa 6:1

Ū mu shikū jenījo aho bakwīla a bahemba, būkilonga būdugumi. A Bayudaya ba Shiyunani būyūbadugumīla a Bayudaya ba Shihebulania, nguno a bachīlwa babo bakayūbītīīlwa ū kūgunanhwa ū mu mihayo ya būlī lūshikū.

Balumi 11:1

Kolaga hamo nahaye gīkī ū Mulungu wabaponya gete a banhū bakwe? Gūtī gīko na hado yaya! Manīlagi dūhū ī gīkī, ū nene ūyū nalī Ng'wisiraeli, wa būbyīle bo ng'wa Abulahamu, mu lūganda lo ng'wa Benjamini.

2 Bakolinto 11:22

Angū, a boi Bahebulania? Nū nene h'ūmo nalī. Hamo Baisilaeli? Nū nene chene. Balī ba lūganda lo ng'wa Abulahamu? Nū nene nalī chene.

1 Sang'weli 4:6

A Bafilisiti aho bīyiigwa ī yoge yenīyo būhaya, “Al'ī yombo ī nhaale yenīyo ya kinehe ū kū ng'hambī ya Bahebulania?” Aho badeeba gīkī lizaga isandīko lya ng'wa SEEBA ū kū ng'hambī,