Bafilipi 3:3 - Bibilia Ilagano Lya Kale 2015

³ Nguno a bise h'abo tūsaalilwe, a bise abo tūkalamyaga mu kūtongeelwa na Moyo wa ng'wa Mulungu, na tūkayegelaga mulī Kilisito Yesu; abo tūtasendamīlile mīlī.

Sukuma New Testament 2000

³ Nguno a bise h'abo tūsaalilwe, a bise abo tūkalamyaga mu kūtongeelwa na Moyo wa ng'wa Mulungu, na tūkayegelaga mulī Kilisto Yesu; abo tūtasendamīlile mīlī.

Ilagano Ipya Lya

³ Iki tuli basalwa abakunamyaga Mulungu mu Moyo Ngʼwela, abakwikumiligijaga muli Kristo Yesu, abati na kwisagilwa mu mili:

Bafilipi 3:3 Iomraidhean Croise

Zabuli 105:3

Yegelagi mu lina lyakwe lyeela; leka jiyege ī ng'holò ja banhū abo bakūnkoobaga SEEBA.

Isaya 45:25

Alīyo ū mulī SEEBA, a ba būbyīle bo ng'wa Isilaeli a bose bakūbalīlwa batūngīlīja na bakūbiza bapyeni.

Yelemia 4:4

Bing'we banhū ba Yuda na bikaji ba Yelusalemu, iyeejagi ū kūlī SEEBA, jeejagi ī ng'holò jing'we; ūlū ītī chene ū būpelanu wane būkūbaka kūlwa nguno ya būbi wa shītwa shing'we. Būkūmunogoteja gītī moto, na atīho wa kūgūjimya.”

Yelemia 9:26

A bana Misili, Yuda, Edomu, Amoni, Moabu; na a bikaji ba kū sī ja kūle, kū nhogolo; nguno pye a banhū ba mahanga genaya ū mu ng'hana batasaalilwe; na a ba numba ya Isilaeli a bose batasaalilwe ū mu ng'holò jabo.”

Malaki 1:11

Kwandīja būfuma līīmi kūshika būgwa līīmi, ī lina lyane līkūjiwe no ū mu mahanaga. Būlī kwene shikūfunyiagwa shakwinha sha ng'waso nsoga na shitambò sheela nguno ya lina lyane, kūlwa ngun ī lina lyane līkūjiwe no ū mu mahanga. Alīhaya SEEBA wa Būdūla bose.

Balumi 1:9

Ū Mulungu ūyo nakantūmamīlaga na moyo gwane gose mu nīmo gwa kūlomeela Ng'hūlū Jawiza ja Ng'wana wakwe, alī nkaanīji wane gīkī būlī gwa nakūng'wizūkagwa a bing'we.

Balumi 15:17

Na lūūlū, ū mulī Kilisito Yesu nalī nayo ī ya kwikumīlīgīja ū mu nīmo go ng'wa Mulungu.

Balumi 7:6

Alīyo ī haha tūtīmo ū mu shilagīlo, tūchile ū kū shikolo īsho shalī shitūtungile ī kale, tūdūle kūtūmama mu katongeelelwe kapya ka kūfuma kūlī Moyo, yaya a katongeelelwe a ka kale, a ka kūtongeelwa na wandīke.

Balumi 8:15

Ūkī mutanukūlile moyo gwa būsese, gīkī mushoke hangī kwikala mu booba; alīyo ng'wamalile kūng'wanukūla Moyo wa kūng'wīta kūbiza baana; ū mulī wei tūkalīlaga “Aba,” Baba.

Balumi 8:39

nūūlū mihayo ya higūlya no, nūūlū ya kū shimu, nūūlū shiseeng'wa shingī shose shose, shitīho īsho shidūgije kūtūlekanya nabo ū būtogwa bo ng'wa Mulungu, ūbo būlī mulī Kilisito Yesu Seeba wise.

Balumi 9:6

Gwike ahene ū mhayo gwa ng'wa Mulungu gūtachile mpandagīlo, nguno batī Baisilaeli pye abo bafumile mulī Isiraeli.

2 Bakolinto 11:18

Alīyo īkī bingī bakwikumīlījaga kūlwa mihayo ya mu mīlī, nū nene leki nikumīlīje,

Bagalatia 5:25

Hūna lūūlū ūlū tūlī mulī Moyo, nū kūshimīza tūshimīzīlagi mulī Moyo.

Bagalatia 6:16

Mhola na shigongo shibize hamò nabo a Baisilaeli ba ng'wa Mulungu, abo bakūtongeelagwa na mhayo gwenūyū ū mu kashimīzīle kabo.

Baefeso 6:18

Lombagi būl'ikanza mu nguzu ja ng'wa Moyo, mu kalombele kose na kwikūmbīlīja kwa būlī mbika. Nīyo bizagi miso ū kū mhayo gwenūyo, mukomeele ū kūbalombela pye a beela.

Kūshokeela 10:16

Na lūūlū jisaalagi ī ng'holò jing'we, nī mitwe ying'we yaya ū kwikala midiimu.

Kūshokeela 30:6

Ū SEEBA Mulungu wako akūyīngīja ū būsoso ī ng'holò yako, nī ng'holò ja banhū ba shibyalīlwe shako, ūdūle ū kūntogwa na ng'holò yako yose, na būpanga wako bose; ūbize mpanga.

Bafilipi 1:1

Nene Paulo na Timotheo, basese ba ng'wa Kilisito Yesu: Kū beela bose abo balī mulī Kilisito Yesu, abo bazengile Filipi; hamò na a baasikofu, na a bagunanhi.

Bafilipi 3:12

H'ītī kūhaya gīkī ū nene naamalile kūheeba, nūūlū gīkī naashikile a ha ngelelo ya būshikanu, alīyo nataalī nakūzegejaga, nane nagūdime ūyo Kilisito Yesu anidimile kūlwa nguno yago.

Bafilipi 3:14

Ū būlīngīsīji bone būlī gīkī nashipandīke ī shakwinhwa sha kwigūlya, gīt'ūmo kalī kitanīle ka ng'wa Mulungu mulī Kilisito Yesu.

Bakolose 2:11

Na hangī ū mulī we musaalilwe mu būsaalwa ūbo būtī bo kūbeejiwa na makono mu nzīla ya kwīnja ikoba lya mīlī; alīyo musaalilwe būsaalwa bo ng'wa Kilisito.

Yuda 1:20

Alīyo a bing'we badūgū bane, ng'ūlomba mu nguzu ja ng'wa Moyo Ng'wela, mukūzenge ū kūzunya kwing'we ūko kūlī kwela no no no.