Bafilipi 3:19 - Bibilia Ilagano Lya Kale 2015

¹⁹ A banhū benabo ī ng'halīlo yabo īlī kūyagala, ī nda jabo hū mulungu wabo, ī mihayo īyo yigelile kūbadimya minala h'īyo bakīkumīlījaga, a maganiko gabo galolile kū shikolo sha mu sī.

Sukuma New Testament 2000

¹⁹ A banhū benabo ī nghalīlo yabo īlī kūyagala, ī nda jabo hū mulungu wabo, ī mihayo īyo yigelile kūbadimya minala h'īyo bakīkumīlījaga, a maganiko gabo galolile kū shikolo sha mu sī.

Ilagano Ipya Lya

¹⁹ Abo nghalilo yabo kuyagala, mulungu wabo nda jabo, ikujo lyabo lili mu minala yabo, bakuyiganikaga ya si.

Bafilipi 3:19 Iomraidhean Croise

Zabuli 17:14

Ee SEEBA, nipījage ū kū banhū benabo; nipījage na nkono gwako ū kū banhū ba mu sī, abo ngabo gwabo gūlī mu būpanga ūbū. Abo ūbatogilwe ūkabigūtyaga ī nda jabo kūfuma mu shisho ūbabīkīlile; a baana babo nabo bakapandīkaga sha kūbigelwa, nabo babīka kūlwa baana babo.

Zabuli 52:1

Nibūlī ūkwikumīlījaga bebe munhū wa nguzu, ni kihene ūkwikumīlījaga mu būbi ūbo ūkūwītaga būlī lūshikū kūlwa kwilwisha nū wiza bo ng'wa Mulungu?

Yelemia 44:17

Alīyo tūkūgūshikīlīja būlī mhayo ūyo twagūhayile gīkī tūkūgwīta; ū Ngole wa Ng'wigūlū tūkūnzukīja dūhū ū būbbani, nī shitambò sha kūng'wiwa tūkūshiita kūlwa ngungo yakwe gīt'ūmo twītīlaga na kale ū mu mizengo ya Yuda nū mu mapanda ga Yelusalemu; a bise benekīlī, na a bakūlūgenji bise na a batemi bise, pye na a batongeeji bise. Ū mu shikū jenījo twapandīkaga ī shilīwa sha kūtwigela; twalī mhola no, shalī shitīho sha kūtūkoya.

Ezekia 13:19

Mukwenhelejaga nayūsondagūlwa mu banhū bane kūlwa kwanukūla tūbūsīga twa mheela mu lūpī, na tūlūgūkūlū twa ngatī. Mukūbalembagūlaga abo bakadegelekaga ya būlomolomo, ng'wayūbabūlaga abo batigeleelilwe kūcha, ng'wabaleka abo batigeleelilwe kwikala mhola.

Ezekia 34:3

A mabeelè mukang'waga, nī shizwalo sha kūbeeja kūfuma mu booya wajo mukazwalaga, hama ī ng'īnu mukasīnzaga; alīyo ū kūlīlang'hana ī lidaale yaya.

Hosea 4:7

Ūmo bakongegejaga kūkwīlī a bagabīji, h'ūmo bakongegejaga ū kwīta shibi ū kū būtongi bone; bakūlīgalūchaga ī Likūjo lyabo kūbiza shikolo sh'igisha minala.

Mika 3:11

A batongeeji baamo bakalamulaga kūlwa kūhongwa, a bagabīji baamo bakalangaga kūlwa kwinhwa mheela, na a bahangi baamo bakahangaga kūlwa kwanukūla hela. Alīyo bakansendamīlaga SEEBA kūnū bakūhayaga, “Ū SEEBA atī hamò nise? Ndūhū gwabūbi gwa kūtūgwīla.”

Mika 3:5

Ū SEEBA alīhaya gīkī, “Balīho bahangi bakabajimīījaga a banhū bane kūlwa kūhaya ‘mhola’, ūlū būpandīka ilya; alīyo ūyo ūleka kūbinha shose shose bakamūūkījaga wanishi.

Malaki 1:12

Alīyo a bing'we mukūlīsosohajaga kūlwa kwīhaya ī meza ya ng'wa SEEBA gīkī, “Ī yenīyo nsoso,” nī shilīwa shayo gīkī, “Ī shenīsho sh'ibengwe.”

Matayo 16:23

Nang'hwe ūngalūkīla ū Petelo ūng'wīla gīkī, “Īngaga ū kū būtongi bone Shetani. Ūlī ishikī ū kūlī nene; nguno ū bebe ūtiganikaga ya ng'wa Mulungu, ūlī mu ya banhū dūhū!”

Matayo 25:41

“Hama na a babo balī kū nkono gwakwe gwa lūmoso akūbawīla gīkī, ‘īngagi a henaha a bing'we nguno muzumilwe, jagi kū moto ūyo gūpembilwe kūlwa ng'wa Shetani na bamalaika bakwe.

Luka 12:19

Ūlū nūmala ū kwīta gīko niwīla gīkī, “Haho lūūlū būpanga bone, ūlī na shikolo shingī shawiza sha kūtūmamīla myaka mingī; ifuulage ūlye na kūng'wa, ūyege!”

Luka 16:19

“Ali lūūlū, walīho ngosha nsabi, wikalaga azwalile ng'hanjo ya nyasabi ya nzulunge, na shikoye shisoga; walī mu kikalīle ka kūyegela būpanga pyī ī shikū ja būlamu bokwe.

Luka 18:4

Gakabīta makanza atūdīlīlaga, alīyo nose wanoga wiyangūla wei ng'wenekīlī. Wiwīla gīkī, ‘Nūūlū īkī natang'ogohile ū Mulungu, na a banhū natabadīlīlaga,

Balumi 16:18

Nguno a banhū gītī benabo batantūmamīlaga Seeba wise Kilisito, bakatūmamīlaga nda jabo dūhū. Balemba lembi bang'holò ja banhū bawiza, kūlwa kalūngalūngīle kabo kakondooku ka kūlaalīkīja!

Balumi 6:21

Ī gīsī ū ng'wikanza lyenīlo ng'wapandīkaga solobo kī? Tūhaya ī haha ī mihayo yenīyo īkūmudimyaga minala dūhū ūlū ng'wīyizūkwa, nguno ū kū ng'halīlo yaho līlīho icha!

1 Bakolinto 3:3

Nguno mutaalī ba nhūngwa ja mīlī; ī gīsī ūlū būlīho wilu na wilemeelwa ū mu bing'we, numho mutī ba nhūngwa ja mīlī, gīt'ūmo balī banhū bangī dūhū?

1 Bakolinto 5:2

Nibūlī mukwikumīlījaga, aho yalī īng'wigeleelilwe kūpīnīhala, na kūnkīndīka ū munhū ūyo wagwītile ū mhayo gwenūyo?

1 Bakolinto 5:6

Ū wikumīlīja wing'we būtī būsoga; mutamanile gīkī ī shibimbya nūūlū shikabiza shigehu na ginehe shikadudumyaga būsu h'ūmo būkwīlīle ūlū shūlubanījiwa mo?

2 Bakolinto 11:12

Alīyo nakongeja kwīta ūmo nakwītīlaga na kale, nabahuumūje a bigīmba gīmbi; bagayiwe ī nzīla ya koolecha gīkī īyo bakwītaga īlenganīlile nū mumo tūkwītīlaga a bise.

2 Bakolinto 11:15

Hū kūhaya gūtī ntaale no ū gwa batūng'wa bakwe nabo ū kwiyīta kūbiza gītī batūmami ba ng'hana; alīyo ī ng'halīlo yabo īkūbiza gītī h'ūmo īlī ī ng'halīlo ya milīmo yabo!

Bagalatia 6:13

Alīyo nahene, nūūlū abo basaalilwe batashidimile ī shilagīlo; gwike batogilwe musaalwe a bing'we, gīkī babonele ho mhayo gwa kwikumīlīgīja ū mu mīlī gwing'we.

Bafilipi 2:21

Pye a bangī bakwikoobelaga yabo dūhū, ītī ya ng'wa Kilisito Yesu.

Bakolose 3:2

A maganiko ging'we galogejagi kū mihayo ya kwigūlya, yaya ū kū ya mu sī.

2 Batesalonike 1:9

Bakwinhwa nsango gwa kūyagala welelo bose, bīnjiwe gete ū kū būtongi bo ng'wa Seeba, nū ng'wikūjo lya būdūla bokwe.

2 Batesalonike 2:12

Ū mu gīko abo batīzunije ī ng'hana, abo bakayejiagwa na mihayo yabūbi, bakūgwīlwa nsango.

2 Batesalonike 2:8

akwiyoolecha ha ng'wape ū ngomi ng'wenūyo. Alīyo ū Seeba Yesu akūnkenaagūla bo myūyī ya mu nomo gokwe, anyagaje n'ikūjo lya kūshoka gokwe.

1 Timoteo 6:5

na wiyugagūji bo shikū jose ū mu banhū abo bahūganile masala, abo baamala kwījimīīja ī ng'hana, nose bakiganikaga gīkī ū wela īlī nzīla ya kūpandīkīla solobo!

2 Timoteo 3:4

Bakūbiza bijomboki, bibonya, bikumīlīja, batogilwe mihayo ya kwiyeja boi benekīlī kūtinda kūntogwa Mulungu.

Yakobo 4:16

Alīyo ī haha mukūdooshiagwa wikumīlīja wing'we dūhū; gwike pyī ū wikumīlīja ūbo būlī gīko būlī shibi.

2 Petro 2:1

Gwike ahene na a bahangi a balomolomo baalīho ū mu banhū, gīt'ūmo nū mu bing'we bakwandya kwilonga balangi balomolomo; bayenha mu nyasala sala malange ga, nyakenaagūji, biyenhele wangū boi benekīlī mihayo ya kūbakenaagūla kūlwa kūnema ū Seeba ūyo wabagūla.

2 Petro 2:13

Bakwanukūla mheela yabūbi kūlwa nhūngwa jabo ja malofu, nguno bakwītaga mihayo misoso na līīmi hose, kūlwa kwiganika gīkī balīīta ya kūyeja. A banhū benabo balī mabbado ga kūdimya minala. Ūlū balī hamò ning'we mu makanza ga būyegi ba kwikala bakwilembagūlaga mihayo yabo ya kwikumīlīja!

2 Petro 2:3

Na bakūyūtūmamīla mihayo mikondooku kūlwa nguno ya kwikūmva kwabo, bipandīkīla solobo; ū nsango gwabo a benabo gūtūūlilwe kūfuma kale na kale, nūgo gūtūdīla ū kūshika, nū kūkenaagūka kwabo kūtatindīlile!

Yuda 1:10

Lelo a benaba, bakūsondagūlaga mihayo īyo batayitegelegije nūūlū hado! Alīyo ī mihayo īyo bīmanile na kale kūlwa kasūmbīlwe, gīt'ūmo na ndimu jilī, hū yene īkūbasosohajaga.

Yuda 1:16

Bang'ung'uuji ba bang'ung'uuji na bilīja līja, banhū ba shimīzīle ya kūtongeelwa na kwikūmva kwabo; ba milomo ya kwikala īkūyombaga mihayo ya magaka, na ya nyadooshi, ba kwikala bakūbakumīlījaga banhū kūlwa nguno ya kwipandīkīla nīīlo!

Yuda 1:4

Nguno balīyigungumalīka moi mu wiba wiba na banhū abo bahelelilwe nsango kūfuma kale, abo bakūshigalūchaga ī shigongo sha ng'wa Mulungu wise kūbiza mhayo gwa būsoso. A boi batī na logohano ū kūlī Mulungu, nīyo bakūnemaga nū Seeba wise ū Yesu Kilisito, ūyo alī Seeba we wike.

Kukundulwa 18:7

Ng'winhagi būluhi na būpīna ū mu shikolo īsho shalūng'winhaga kwikumīlīja na kūdoosa. Nguno olikalaga wiwīla ū mung'holò yakwe gīkī, ‘Ū nene nigashije gītī nalī ntemi nkīma, natī naachīlwa, hangī natalabona būpīna!’

Kukundulwa 19:20

Yūding'wa ī shiinū, hamò nū ng'hangi ū nomolomo, ūyo yantūmaga kūja wīta shimanīkījo akūbalembagūlaga a balamya ba shiikolile, abo baalī banukūla lūmeng'ho lwayo ī shiinū. A babīlī benabo būponyiwa balī bapanga gīko, mu nyanza ya moto ūyo gūkūbakaga na būgota bo shibiliti.

Kukundulwa 21:8

Alīyo a booba na a bagomi, na a basoso, na a babūlagi, na a bajingi, na a balogi, na a balamya ba shiikolile; pye na a balomolomo, a bene ū ngabo gwabo gūlī mu nyanza ya kūbaka moto na būgota bo shibiliti, hū kūcha kwa kabīlī.”

Kukundulwa 22:15

Alīyo a hanze jilīho mva, na balogi, na bajingi, na babūlagi, na balamya ba shiikolile; na a balomolomo, abo batogilwe kwīta ya būlomolomo.

1 Sang'weli 2:29

Ali nibūlī mukūshidalahaga ī shitambò shane nī shakwinha īsho nashisola gīkī shibizūfunyiwa ū mu numba yane? Nguno kī ūkūbachīlaga minala a baana bako kūtinda kūnikūja ū nene? Nguno mukūshilyaga ī shakwinha shawiza īsho shisolilwe mu shose, īsho shikūfunyiagwa na banhū bane Baisilaeli, gīkī ng'wigīnye bing'we dūhū!’