Bafilipi 3:12 - Bibilia Ilagano Lya Kale 2015

¹² H'ītī kūhaya gīkī ū nene naamalile kūheeba, nūūlū gīkī naashikile a ha ngelelo ya būshikanu, alīyo nataalī nakūzegejaga, nane nagūdime ūyo Kilisito Yesu anidimile kūlwa nguno yago.

Sukuma New Testament 2000

¹² H'ītī kūhaya gīkī ū nene naamalile kūheeba, nūūlū gīkī naashikile a ha ngelelo ya būshikanu, alīyo nataalī nakūzegejaga, nane nagūdime ūyo Kilisto Yesu anidimile kūlwa nguno yago.

Ilagano Ipya Lya

¹² Iti giki napandikile, nulu giki, nashikanile, aliyo nakukubilijaga giki, nakayidime iyo kulwa nguno yayo nane naadingʼwa na Kristo Yesu.

Bafilipi 3:12 Iomraidhean Croise

Ayubu 17:9

Gwike a batūngīlīja bakwīmīīla ū mu nzīla jabo, abo balī beela mu makono gabo bakongejaga kūpandīka nguzu.

Zabuli 119:5

Gīt'ūlū ni jabiza jigoloolile ī nzīla jane, ni nadūla ū kūshidima ī shilagīlo shako.

Zabuli 138:8

Ū SEEBA akwīshikīlīja īyo ayīhelile kūlwa nguno yane; ū būtogwa wako Ee SEEBA, būlī wa kūshinga ho shikū ja welelo na welelo. Ūtizīgumanīja ī milīmo ya makono gako.

Zabuli 42:1

Ūmo saala īkakolelagwa notà yaja īkūkoobaga minzī kū mahululu, Ee Mulungu, hū'mo būlī nū būpanga wane, kūlwa notà ya kūkūkooba bebe.

Zabuli 63:8

Ū būpanga wane būdimanile nang'ho, ū nkono gwako gwa būlyo gūnilang'hanile.

Zabuli 84:2

Ū būpanga wane būlī na ng'hūmbū, nīyo nakwikūmbagwa no kūbiza mu numba ya ng'wa SEEBA; Ī ng'holò yane nū mīlī gwane shikūnīlīīlaga Mulungu mpanga.

Zabuli 94:15

Ū būlamuji būkwīmīīla ha būtūngīlīja hangī, hama pye a ba ng'holò jigoloolile bakūbūlondeela.

Sumo 4:18

A kashimīzīle ka batūngīlīja kabange gītī būūpe w'ikīngo lya mu dilū, Īlo līkongejaga kwaaka, kūshisha mu makanza ga līīmi, mu būtang'anhīzu w'isana.

Isaya 51:1

Nidegelekagi bing'we abo mukūbūkoobaga būtūngīlīja, abo mukankobaga SEEBA; shilolagi ī shiganga īsho ng'wapūnzwa kūfuma musho, ī lichongo lya mawe īlo ng'wasīmvwa kūfuma mulyo.

Hosea 6:3

Tūng'witegelejagi ū SEEBA; tongejagi no no no ū kūng'witegeleja. Nguno ū kwilonga kwakwe kūlī kwa ng'hana gīt'ūmo līīmi līkafumīlaga dilū; akūtūgeniha gītī mbula ya mu mīīsa, gītī mbula ya mu shidikū īyo īkīīlobyaga ī sī.

Matayo 5:48

Hūna lūūlū, shiigelile mubize bashikanu gīt'ūmo alī ū Sīng'we ūyo alī ng'wigūlū.”

Shītwa 9:15

Nang'hwe ū Seeba ūng'wīla, “Jaga ko dūhū, nguno ū munhū ng'wenūyo alī shitūmamīlo shane shisolwa, kūlwa kūlītwala lina lyane kū mahanga na batemi, na kū Baisilaeli.

Balumi 8:39

nūūlū mihayo ya higūlya no, nūūlū ya kū shimu, nūūlū shiseeng'wa shingī shose shose, shitīho īsho shidūgije kūtūlekanya nabo ū būtogwa bo ng'wa Mulungu, ūbo būlī mulī Kilisito Yesu Seeba wise.

1 Bakolinto 13:10

Alīyo ūlū yūshika ī mishikanu, īkūshila ho ī ya būnagī yenīyī.

1 Bakolinto 13:12

Nguno ī haha tūkūbonaga ī chene, alīyo gītī ng'wilole; būlīho wiija, gwike ī likanza lyenīlo īkūbiza būshū kū būshū. Ī haha ū būmani bone būlī būnagī, alīyo ī likanza lyenīlo nakūmana gīt'ūmo namanīlilwe nū nene.

1 Bakolinto 9:24

Ī gīsī mutamanile gīkī abo bakapeelaga mu wishiganhīlwa bakapeelaga pye a bose, alīyo ūyo akapandīkaga mheela akabizaga ūmò dūhū? Na a bing'we peelagi gīko mupandīke.

2 Bakolinto 13:9

A bise tūkūyega nūūlū tūgogoloha, shitange a bing'we mubize na būdūla; nīyo ū būlombi wise būlī gīkī mubize bashikanu.

2 Bakolinto 7:1

Hūna lūūlū batogwa, īkī tūlī na wisagījiwa wenūbū, twiyeejagi twīnge ū mu būsoso wa mīlī nū wa mu moyo; tūbūshikīlīje ū wela mu logohano lwa ng'wa Mulungu.

Bagalatia 5:17

Nguno ū kwikūmva kwa mīlī gwipūganije nī nhūngwa ja ng'wa Moyo, ī nhūngwa ja ng'wa Moyo najo jipūganije nū kwikūmva kwa mīlī. Ī mihayo būbīlī wayo yenīyī yipūganije no, nose mutūdūla ū kwīta gīt'ūmo mutogelilwe.

Baefeso 1:4

Nguno ū mulī ng'wenūyo, ū Mulungu atūsolile kūfuma kale kūlwa būtogwa bokwe; kūfuma aho sī ītaalī kūseeng'wa, atūsolile gīkī tūbize banhū beela, na batī na shilingo kū būtongi bokwe.

Baefeso 4:12

kūlwa nguno ya kūbashikanya a beela, būbize ho būdūla bo kūgwīta ū nīmo, ū mīlī go ng'wa Kilisito gūzengwe.

Bafilipi 1:1

Nene Paulo na Timotheo, basese ba ng'wa Kilisito Yesu: Kū beela bose abo balī mulī Kilisito Yesu, abo bazengile Filipi; hamò na a baasikofu, na a bagunanhi.

Bafilipi 3:16

Gwike ī haha tūshimīzīlagi ū mu mhayo ūyo twamalile kūgūpandīka.

Bafilipi 3:3

Nguno a bise h'abo tūsaalilwe, a bise abo tūkalamyaga mu kūtongeelwa na Moyo wa ng'wa Mulungu, na tūkayegelaga mulī Kilisito Yesu; abo tūtasendamīlile mīlī.

Bafilipi 3:8

Hangī nīyo na kūtinda ho a henaho, nguno pyī ī mihayo nakwībalaga kūbiza ya dalali kūlwa wiza būtaale wa kūmana Kilisito Yesu Seeba wane, ūyo kūlwa nguno yakwe naajimīīja pyī ī shikolo. Nīyo nakūshibalaga kūbiza gītī maashi, gīkī nampandīke ū Kilisito,

1 Batesalonike 5:15

Lang'hanagi atizilonga wa kūyūshosha yabūbi kūlwa kwītīlwa yabūbi, mubize na nhūngwa ja kwiyītīla yawiza gwa a bing'we benekīlī na benekīlī; pye na a bangī.

2 Batesalonike 2:13

Alīyo badūgū batogwa ba ng'wa Seeba, a bise shitwigeleelilwe kūnūmba Mulungu gwa gwa gwa kūlwa nguno ying'we, īkī ū Mulungu wamusola kūfuma ha wandījo gīkī mupījiwe mu nzīla ya kwejiwa na Moyo, na kūlwa kwīzunya ī ng'hana.

1 Timoteo 5:10

Hangī nīyo ū nchīlwa abize akūkaanīlagwa gīkī alī na shītwa shawiza mu mihayo gītī ya kūlela baana, kūgunanha bageni, kooja mhambala ja beela, kūgunanha baluhi; abize nondeeji wa būlī mhayo gwawiza.

1 Timoteo 6:19

Ū mu kwīta gīko bakūbiza balibīkīla sabo boi benekīlī, bakūbiza balītūūla nsingi gwawiza kūlwa shikū ījo jiliza kū būtongi, balanukūle būpanga bo ng'hana.

Bahebrania 12:14

Bizagi na ng'hūmbū ja kwikala mu mhola nabo pye a banhū; na mushimīzīle mu wela, ūbo munhū atīko kūmona ū Mulungu ūlū atī nabo.

Bahebrania 12:23

Ng'wizile kwibita, na kanisa ya babyalwa ba kwandya, abo bandīkilwe ng'wigūlū; ng'wizile kūlī Mulungu Namuji wa bose, kū myoyo ya batūngīlīja abo bashikanyiwe.

Bahebrania 13:21

leki amushikanye mu būlī mhayo gwawiza, mudūle kūbeeja īyo yīnyegije; nū mu bise agwīte ūyo gūlīnyeja mulī Kilisito Yesu; ūyo ikūjo līlī lyakwe we, shikū jose ja shiku jose: Alichene.

Yakobo 3:2

Nguno pye a bose tūkipamaga mu mihayo ya mbika na mbika; ūlū alīho munhū atipamaga mu kayombele, ū ng'wenūyo nshikanu; hangī ashikile kūgūlang'hana pyī ū mīlī gokwe.

1 Petro 5:10

Alīyo ūlū ng'ūlīkalīcha ī likanza lya kūluhiwa īlī, ū Mulungu wa shigongo shose, ūyo ang'witanile a bing'we mulī Kilisito gīkī ng'wingīle ng'wikūjo lyakwe lya shiku jose, wei ng'wenekīlī akūmushikanya, amujaamye na kūmuguzuhya mudūle kūhandatīla.

2 Petro 3:18

Alīyo kūlagi ū mu shigongo sha ng'wa Seeba na Mpīja wise Yesu Kilisito, pyī nū mu witegeleja. Ikūjo lībize kūlī we kwandīja haha kūshisha shiku jose. Alichene.