Bafilipi 3:10 - Bibilia Ilagano Lya Kale 2015

¹⁰ Natogilwe naamane wei ng'wenekīlī, pyī nū būdūla bo kūjūūka kwakwe, nū būsangī wa kūluhiwa hamò nang'hwe. Nū nene nabize gīt'ūmo alī ū wei ū mu kūcha kwakwe;

Sukuma New Testament 2000

¹⁰ Natogilwe naamane wei ng'wenekīlī, pyī nū būdūla bo kūjūūka kwakwe, nū būsangī wa kūluhiwa hamò nanghwe. Nū nene nabize gīt'ūmo alī ū wei ū mu kūcha kwakwe;

Ilagano Ipya Lya

¹⁰ Namane Wei, na budula wa bujuko wakwe, na kusangila kwa mu kuluhiwa kwakwe, nikolanijiwe na kucha kwakwe;

Bafilipi 3:10 Iomraidhean Croise

Yelemia 9:23

Ū SEEBA alīhaya gīkī, “Ū wa masala atizikumīlīja kūlwa nguno ya masala gakwe; nūūlū ū wa nguzu atizikumīlīja kūlwa nguno ya nguzu jakwe; nūūlū ū nsabi atizikumilīja kūlwa nguno ya būsabi bokwe.

Matayo 20:23

Ūbawīla, “Na ng'hana mukūshing'wa ī shikombe shane; alīyo ū gwa kwigasha kū nkono gwane gwa būlyo na gwa lūmoso, gūtī gwa kūmuzunīlīja nene; ū gwene gūlī gwa banhū abo balonja longejiwe na Baba.”

Yohana 10:18

Atīho wa kūnitaaja; nene ng'wenekīlī nalībūfunya, nalī na būdūla bo kūbūfunya, hama nalī nabo nū būdūla bo kūbūsola hangī. Ū mhayo gwenūyū nagwanukūla kūfuma kūlī Baba.”

Yohana 17:3

Ū būpanga butashilaga wene kūkūmana bebe ūyo ūlī Mulungu wa ng'hana; Mulungu ūmò wike, hamò na Yesu Kilisito, ūyo ūntūmile bebe.

Balumi 8:17

Nose ūlū tūlī baana, hū kūhaya tūlī bingīji, bingīji ū kūlī Mulungu, bingīji hamò nang'hwe ū Kilisito; ūlū tūluhiwa hamò nang'hwe, gīkī nū kūgūngūhiwa tūlagūngūhiwe hamò nang'hwe.

Balumi 8:29

Nguno abo abamanile kūfuma kale hū bene abo abasolile kūfuma kale, gīkī babize mu suso ya Ng'wana wakwe; ū wei ū Ng'wana abize tangi mu badūgū bingī.

Balumi 8:36

H'ūmo gwandīkīlilwe; gīkī, “Līīmi ji tūkūbūlagagwa kūlwa nguno yako, tūbalilwe gītī tūlī ng'holo ja kūsīnzwa!”

2 Bakolinto 1:10

Hūna ng'wene ūyo akatūpīja kūfuma mu nhabaala nhaale gīko, na ng'hana akūtūpīja. Ū wei h'ūyo tūnsanije gīkī akongeja kūtūpīja;

2 Bakolinto 1:5

Nguno ūmo būluhiwa būkongejaga kūtūkwīlīla kūlwa ng'wa Kilisito, h'ūmo nū būlūngūjiwa wise būkongejaga kūkwīla kūlwa ng'wa Kilisito.

2 Bakolinto 13:4

Na ng'hana akakong'wa ha nsalaba mu būgokolo, alīyo ī haha alī mpanga kūlwa būdūla bo ng'wa Mulungu; hama īlī ng'hana gīkī ū mulī wei tūlī bagokolo, alīyo ū kū bing'we tūkūbiza bapanga hamò nang'hwe kūlwa būdūla bo ng'wa Mulungu.

Bagalatia 2:20

Nakomilwe ha nsalaba hamò na Kilisito; hūna lūūlū ū nene ng'wenekīlī natī mpanga, alīyo Kilisito h'ūyo alī mpanga ū mulī nene. Hama ū būpanga ūbo nalī nabo ī haha ū mu mīlī gwane, nakūbūtūmamīlaga mu kūnsanya Ng'wana wa ng'wa Mulungu, ūyo akifunya wei ng'wenekīlī kūlwa nguno yane.

Bagalatia 6:17

Nalīmalīja mu kūhaya gīkī, atizilonga munhū ūngī wa kūnikoya hangī, nguno ū mu mīlī gone ū nene, nalī na malanda kūlwa nguno ya ng'wa Yesu.

Baefeso 4:13

Kūshisha pye a bose tūbize na būmò ū mu kūzunya, nū mu kūmana ū Ng'wana wa ng'wa Mulungu; kūshisha tūkūle tūshike mo ū ng'wilika lya būshikanu bo ng'wa Kilisito.

Bafilipi 3:8

Hangī nīyo na kūtinda ho a henaho, nguno pyī ī mihayo nakwībalaga kūbiza ya dalali kūlwa wiza būtaale wa kūmana Kilisito Yesu Seeba wane, ūyo kūlwa nguno yakwe naajimīīja pyī ī shikolo. Nīyo nakūshibalaga kūbiza gītī maashi, gīkī nampandīke ū Kilisito,

Bakolose 1:24

Ī haha nalī na būyegi ū mu būluhiwa ūbo būkūnigwīlaga kūlwa nguno ying'we; īkī ū mu mīlī gwane nakwīshikīlījaga īyo īsaagīīlile ū mu būluhiwa bo ng'wa Kilisito kūlwa nguno ya mīlī gokwe, h'ī kanisa.

Bakolose 2:13

Na ng'hana ng'walī bafu kūlwa būkenaagūji, na būtūsaalwa ū mu nhūngwa jing'we ī ja mīlī; alīyo akang'wīta kūbiza bapanga hamò nang'hwe, ūmulekeja pyī ū būkenaagūji wing'we.

Bakolose 3:1

Hūna lūūlū ūlū ng'wamala kūjūūchiwa hamò na Kilisito, īkoobagi īyo īlī kwigūlya, ūko alī ū Kilisito, igashije kū nkono gwa būlyo go ng'wa Mulungu.

1 Petro 1:3

Akumīlījiwe ū Mulungu, Ise wa ng'wa Seeba wise Yesu Kilisito; ūyo kūlwa shigongo shakwe shitaale watwingīgije mu kwisagīlwa kūpanga, ūtwīta kūbyalwa būpya mu nzīla ya būjūūko bo ng'wa Yesu Kilisito kūfuma mu bafu.

2 Petro 1:13

Na hangī ū nene ūlū nataalī mo ū ng'wiheema lya mīlī gwenūyū, naliganika īlī chiza ū kūmanūmusatūla kūlwa kūng'wizūkīja.

1 Yohana 2:3

Ūlū tūshidima ī shilagīlo shakwe hū tūkūmana gīkī tūndeebile.

1 Yohana 2:5

Alīyo ūyo agūdimile ū mhayo gokwe, ū ng'wenūyo ntūngīlīja, nū būtogwa bo ng'wa Mulungu būshikanyiwe ū mulī we. Ū mu gīko hū tūkūmana gīkī tūlī mulī we.

Kukundulwa 1:18

na nalī Mpanga; na ng'hana nakacha, alīyo managa gīkī nalī mpanga kūshisha welelo bose. Hama hū nene nalī najo ī fungūlo ja lūfu nī ja kūlimu.