Bafilipi 2:7 - Bibilia Ilagano Lya Kale 2015

⁷ Akizuula wei ng'wenekīlī ī likūjo lyenīlo, ūsola kūbiza nsese, ūbiza mu suso ya banhū. Ūbiza alī munhū.

Sukuma New Testament 2000

⁷ Akizuula wei ng'wenekīlī ī likūjo lyenīlo, ūsola kūbiza nsese, ūbiza mu suso ya banhū. Ūbonekana alī munhū.

Ilagano Ipya Lya

⁷ Aliyo akigayisha ikujo lyakwe, na uzwala suso ya kisese, na akabejiwa mu kikolele ka banhu;

Bafilipi 2:7 Iomraidhean Croise

Zabuli 22:6

Alīyo ū nene nalī igino dūhū, natī munhū yaya, nalī ndalahwa wa kwikala akūsekagwa na banhū.

Isaya 42:1

Nolagi ū Ntūmami wane ūyo nang'handīkīīgije nene, hū ng'wene ū Nsolwa wane, ūyo ng'holò yane yīnyegelile; nakūntūūlīla Moyo wane, hū ng'wene akwenha būtūngīlīja kū mahanga.

Isaya 49:3

Akaniwīla gīkī, “Ū bebe ūlī ntūmami wane, ū bebe Isilaeli ūyo mulī bebe nakūgūngūhiwa.”

Isaya 53:11

Hanuma ya henaho akūyega ū kūgabona a matwajo ga ng'wikanza lya kūluhiwa kwa būpanga wakwe. Kūlwa būmani na būtūngīlīja wakwe ū ntūmami wane, akūbīīta bingī babalīlwe būtūngīlīja; na akūbūbūūcha ū būhūbi wabo.

Danyeli 9:26

Hanuma ya mifungo īyo makūmi atandatū n'ībīlī, ū Ng'witīīlwa Maguta akūbūlagwa, alīyo ītī kūlwa nguno yakwe. A banhū ba nsugi ūyo akwiza bakwiholongeela mo gīt'ihūūma baje bakagūkenaagūle ū nzengo nī lipandī lyeela. Būkūbiza ho būlūgū kūshisha kū būkalīkījo; būhelilwe būkenaagūji.

Zakalia 3:8

Degelekaga bebe Ngabīji Ntaale Yoshwa, na a biyo abo bigashaga kū būtongi wako, abo balīho kūlwa koolecha lūmeng'ho lwa mihayo īyo īlī hihī kwilonga: Ū nene nakūng'wenha Ntūmami wane, ūyo alī Itambī.

Zakalia 9:9

Bebe Sayuni, yegaga! Ee Yelusalemu, tūlaga mhūndū! Managa gīkī ū Ntemi wako aliza ū kūlī bebe, ntūngīlīja hama alī na būpīji, ū wei mfula na adamhīlile nzobe, alī ha nzobe, ng'wana wa nzobe.

Matayo 12:18

“Nolagi ū Ntūmami wane ū Nsolwa, hū ng'wene ū Ntogwa wane, ūyo ng'holò yane yīnyegelile; Nakūntūūlīla Moyo wane, nang'hwe akūlomeela būtūngīlīja kū mahanga.

Matayo 20:28

Nguno nū Ng'wana wa Munhū atizile kūtūmamīlwa, alīyo kūtūmama, na kūfunya būpanga bokwe kūbiza shikomoolelo kūlwa nguno ya bingī.”

Maliko 9:12

Nang'hwe ūbashokeja alīhaya gīkī, “Ū Eliya ū ng'wene ng'hana ntongi ū kwiza, kūlwa kūlonja lonja yose. Al'ī gīsī nibūlī ū Ng'wana wa Munhū andīkīlilwe gīkī, shing'wigeleelilwe aluhiwe no no no, na kūleng'wa?

Luka 22:27

Angū ū ntaale ni alī; ūyo igashije akūlyaga shilīwa, nūūlū ūyo akūtagambaga na būtoneeji? Atī ūyo igashije? Īlī gīt'ūmo nalī ū nene ū mu bing'we; nalī gītī ntoneeji!

Yohana 1:14

Ū Mhayo akabiza munhū, wigasha hamò nise. Nī likūjo lyakwe tūūlībona, ikūjo gītī lya Myalwa ūmò wike ūyo afumile kūlī Sīswe, okolile shigongo na ng'hana.

Balumi 1:3

H'ī jene ī ng'hūlū ja Ng'wana wakwe, ūyo ū mu kabyalīlwe ka mu mīlī afumile mu lūganda lo ng'wa Daūdi,

Balumi 15:3

Nguno nū Kilisito nang'hwe atīītile mhayo gwa kwiyeja wei ng'wenekīlī, alīyo gīt'ūmo gwandīkilwe gīkī, “Ī shidūki īsho wadūkagūlagwa bebe, shanigwīlaga nene.”

Balumi 15:8

Nguno nalīmuwīla gīkī, ū Kilisito akabiza ntūmami kūlwa Bayudaya, ayooleche ī ng'hana ya ng'wa Mulungu, na kwīshikīlīja īyo walī wabisagīja bakūlūgenji.

Balumi 8:3

Īkī ū mhayo ūyo gwalī gūtadūlīkanile kwītwa mu nzīla ya shilagīlo, īsho shitī na nguzu kūlwa nguno ya būgokolo wa mīlī, ū Mulungu wagwītile aho wantūma ū Ng'wana wakwe kwiza, alī mu suso ya mīlī gwa shibi kūlwa nguno ya shibi; ū mu mīlī gwenūyo ūshinha nsango ī shibi.

2 Bakolinto 13:4

Na ng'hana akakong'wa ha nsalaba mu būgokolo, alīyo ī haha alī mpanga kūlwa būdūla bo ng'wa Mulungu; hama īlī ng'hana gīkī ū mulī wei tūlī bagokolo, alīyo ū kū bing'we tūkūbiza bapanga hamò nang'hwe kūlwa būdūla bo ng'wa Mulungu.

2 Bakolinto 8:9

Nguno mushimanile ī shigongo sha ng'wa Seeba wise Yesu Kilisito, ī gīkī nūūlū īkī nsabi, alīyo akihabīpya wei ng'wenekīlī kūlwa nguno ying'we, gīkī ū mu būhabī bokwe a bing'we mubize basabi.

Bagalatia 4:4

Alīyo aho lyang'wa ī likanza, ū Mulungu akantūma ū Ng'wana wakwe, ūbyalwa na nkīma, ūbyalwa ha sīlīlī ya shilagīlo,

Bafilipi 2:6

ūyo nūūlū īkī alī Mulungu waho na kale, alīyo ū mhayo gwa kūlenganīla na Mulungu atagūbonile gīkī gūlī gwa kūmīīlwa.

Bahebrania 12:2

ū kūnū tūnkalalīlile Yesu, ū ng'winhi na nshikanya wa kūzunya kwise, ūyo akiyūmīlīja kūluha ha nsalaba, wīdalaha ī minala kūlwa būyegi ūbo walī atūūlīlilwe; ī haha igashije kū nkono gwa būlyo gwī Isumbī lya būtemi lya ng'wa Mulungu.

Bahebrania 13:3

Ng'ūbizūkwa a batungwa, ning'we mubize gītī mulī batungwa bichabo, na a babo bakūluhiagwa; mubize gītī mulī hamò nabo ū mu būluhi bo mu mīlī.

Bahebrania 4:15

Nguno tūtī na Ngabīji Ntaale ūyo atabūmanile ū būgokolo wise, īkī nang'hwe akageng'wa mu būlī mhayo gīt'ūmo tūkagemelagwa a bise, gwike ū wei atīītile shibi.