Bafilipi 2:6 - Bibilia Ilagano Lya Kale 2015

⁶ ūyo nūūlū īkī alī Mulungu waho na kale, alīyo ū mhayo gwa kūlenganīla na Mulungu atagūbonile gīkī gūlī gwa kūmīīlwa.

Sukuma New Testament 2000

⁶ ūyo nūūlū īkī alī Mulungu waho na kale, alīyo ū mhayo gwa kūlenganīla na Mulungu atagūbonile gīkī gūlī gwa kūmīīlwa.

Ilagano Ipya Lya

⁶ Uyo nulu walali mu suso ya Mulungu, walatidedekanya giki, a kalenganilile kakwe na Mulungu guli mhayo gwa kumiila,

Bafilipi 2:6 Iomraidhean Croise

Isaya 7:14

Alilūūlū, ū SEEBA wei ngwenekīlī akūng'winha shimanīkījo a bing'we: Munhya ng'wilindu akūbūūcha nda, na akūbyala ng'wana ngosha, ūyo akūng'wilīka ī lina lyakwe Emmanūli.

Isaya 8:8

a minzī galyo gakūhūūma gajile hose pyī ū mu sī ya Yuda, gakūtaala gīkundīkīje pyī ī yose; pye a hose gakūbiza minzī gike, mingī no ga kūshika mu nhingo. A manana galyo līkūgatananula gabūtang'anhye pyī ū būgalī galī bo sī yako, Ee Emmanūli.”

Isaya 9:6

Nguno a bise twabyalīlilwe ng'wana, twinhilwe ng'wana ngosha, ū būsugi būkūlembeela h'ibega lyakwe. Ī lina lyakwe akwitanwa Wa Makaya, Nganikīji Wawiza, Mulungu wa Nguzu, Siswe wa Welelo bose, Ntemi wa Mhola.

Yelemia 23:6

Ū mu shikū jakwe ī Yuda Īkūpījiwa, ī Isilaeli īkūpandīka mhola; Ī lina īlo akwitanwa līlī gīkī, Ū SEEBA hū Būtūngīlīja wise.”

Mika 5:2

Ee Betelehemu ya Efulata, ahene ūlī ndo ū mu basugi ba Yuda, alīyo ū mulī bebe akwilonga nsugi wa kūbasuga a Baisilaeli kūlwa nguno yane; ū wei alīho kwīngīīla kale na kale, wa shikū ja welelo na welelo.

Zakalia 13:7

Ū SEEBA wa Būdūla bose alīhaya: “Bebe līlūshū, mishaga wilwishe nū ndīīmi wane, wilwishe nang'hwe ū nwani ng'wichane wa bbihī no no no!” “Ntūlage ū ndīīmi jikūbbalasana Ī ng'holo, hūna ū nang'ha gwane nakūgūgalukīja ū kū ndo do do.”

Matayo 1:23

“Munhya ng'wilindu akūbūūcha nda, na akūbyala ng'wana ngosha, ūyo bakūng'wilīka ī lina lyakwe Emmanueli.” Makūlū gaho, “Mulungu alī hamò na bise.”

Yohana 1:18

Ndūhū munhū nūūlū ūmò ūyo wabīta kūmona Mulungu ikanza lyose lyose; Myalwa ūmò wike, ūyo alī Mulungu hamò na Sīswe; h'ūyo wang'oolekije!”

Yohana 10:30

Ū nene nū Baba tūlī ūmò.”

Yohana 10:33

Nabo a Bayudaya būnshokeja gīkī, “Tūtūkūpondaga kūlwa nguno ya nīmo gwawiza, alīyo kūlwa nguno ya kwigīmba gīkī ūlī Mulungu; ū bebe ūyo ūlī munhū dūhū!”

Yohana 10:38

Alīyo ūlū nalībeeja, nūūlū īkī mutūnisanyaga ū nene, īzunyagi ī milīmo mupandīke kūmana na kwitegeleja gīkī ū Baba alī mulī nene, nū nene nalī mulī Baba!”

Yohana 14:28

Ng'walī ng'wigwa aho nalūmuwīlaga gīkī nalīja; alīyo nakwiza hangī ū kū bing'we. Ūlū ni munitogilwe ni ng'wayega īkī nalīja kūlī Baba, nguno ū Baba alī ntaale kūtinda ū nene.

Yohana 14:9

Ū Yesu ūng'wīla, “Bebe Filipo, ī likanza ī lyose īlī twikalile hamò lyenīlī, gashi ū bebe ūtaalī dūhū ū kūnimana? Ūyo ūnibona ū nene numho wamonaga ū Baba; nibūlī ūlīhaya, ‘Toolekejage ū Sīswe?’

Yohana 17:5

Ali lūūlū Baba, nigūngūhyage hamò nang'ho ī haha, nabize mo ū ng'wikūjo īlo naalī nalyo hamò nang'ho kūfuma na a haho sī ītaalī kusumvwa.

Yohana 20:28

Ū Tomaso ūnshokeja alīng'wīla, “Seeba wane na Mulungu wane!”

Yohana 5:18

Ū mhayo gwenūyo gūbenheleja a Bayudaya bongeje kūkooba kūmūlaga; nguno atagelelile kūkenaagūla sabato dūhū, alīyo akang'haya nū Mulungu gīkī alī Ise. Ūbiza wilenganīja na Mulungu!

Yohana 5:23

gīkī a bose bankūje ū Ng'wana, gīt'ūmo bankūgīgije ū Ise. Ūyo atankūgije ū Ng'wana atankūgije nū Ise, ūyo antūmile.

Balumi 9:5

Pye na a bakūlūgenji a basolwa balī babo, hama ū mu kabyalīlwe ka mīlī, nū Kilisito afumile mubo; ūyo alī Mulungu wa bose, na nkumīlījiwa wa shiku jose: Alichene.

2 Bakolinto 4:4

Nguno a bene ū mulungu wa mu sī wagabbokuja a maganiko gabo batizūzunya; ī Ng'hūlū Jawiza jitizūbatiimīla bakalībona ī likūjo lya ng'wa Kilisito, ūyo alī suso ya ng'wa Mulungu.

2 Bakolinto 8:9

Nguno mushimanile ī shigongo sha ng'wa Seeba wise Yesu Kilisito, ī gīkī nūūlū īkī nsabi, alīyo akihabīpya wei ng'wenekīlī kūlwa nguno ying'we, gīkī ū mu būhabī bokwe a bing'we mubize basabi.

1 Timoteo 1:17

Hūna lūūlū, ī haha akumīlījiwe na kūgongoolwa ū Ntemi wa welelo bose, ūyo atī wa kūyagala, nūūlū kūbonwa, ū ng'wene h'ūyo alī Mulungu ūmò wike.

1 Timoteo 3:16

Ī mbisīla ya logohano kūlī Mulungu īlī nhaale no, a henaho ītīho halalī. Akigengeleka mu mīlī, oolechiwa na Moyo gīkī alī ntūngīlīja, wiloleelwa na bamalaika; ūkumūchiwa kū mahanga, wanukūlwa mu sī. Hama ūtwalwa kwigūlya ng'wikūjo.

Tito 2:13

aho tūtaalī tūkūlindīīlaga kwisagīlwa kwa kūyeja na kwilonga kw'ikūjo lya ng'wa Yesu Kilisito, ūyo alī Mulungu na mpīja wise ntaale.

Bahebrania 1:3

Ū wei alī kwaaka kw'ikūjo lya ng'wa Mulungu, na suso yakwe ūmo alī gete; hama pyī ī shikolo ashidimile na mhayo gwa būdūla bokwe. Aho wamala kūtūūla nzīla ya kweja shibi, wigasha kū nkono gwa būlyo; kwikūjo lya būsugi bo ng'wigūlū.

Bahebrania 1:6

Na a haho wang'wenha mu sī ū Myalwa wa kwandya ūhaya gīkī, “Pye a bamalaika ba ng'wa Mulungu banamye wei.”

Bahebrania 1:8

Alīyo ū kūlī Ng'wana alīhaya gīkī, “Ū lisumbī lyako lya būtemi Mulungu, līl'isumbī lya welelo bose; nū nang'ha gwako gwa būtemi gūlī nang'ha gwa būtūngīlīja.

Bahebrania 13:8

Ū Yesu Kilisito ataalī kūgalūka; ūmo walī igolo h'ūmo alī nī lelo, kūshisha shiku jose.

Kukundulwa 21:6

Hama hangī ūniwīla, “Yashila! Ū nene nalī Alufa na Omega, Wandījo na Būkalīkījo; ūyo akolilwe nota nakūng'winha ang'we dalali kūfuma mu lwinzī lo minzī mapanga.