Bafilipi 2:3 - Bibilia Ilagano Lya Kale 2015

³ Yaya ū kwīta mhayo mu kūkooba ikūjo nūūlū mu wikumīlīja, alīyo mubize bidohya, būlī ng'wene ibone gīkī alī ha sīlīlī ya biye.

Sukuma New Testament 2000

³ Yaya ū kwīta mhayo mu kūkooba ikūjo nūūlū mu wikumīlīja, alīyo mubize bidohya, būlī ng'wene ibone gīkī alī ha sīlīlī ya biye.

Ilagano Ipya Lya

³ Mutizita mhayo gose mu halali nulu kwikumilija dalali, aliyo mu widoheleja wa ngholo, buli munhu angʼwiganike ngʼwiye ali wa wiza kutinda wei ngʼwenekele;

Bafilipi 2:3 Iomraidhean Croise

Sumo 13:10

Ū wikumīlīja būkabyalaga yombo, alīyo a masala galī mu banhū abo bakazunyaga kūganikīlwa.

Luka 18:14

Nalīmuwīla ū ng'wenūyo akaja ī kaya obalīlagwa būtūngīlīja, kūtinda ū ūngī ūyo; nguno būlī ng'wene ūyo wigūngūhya ng'wenekīlī akūdohelejiwa, alīyo ūyo widohya akūgūngūhiwa.”

Balumi 12:10

Itogagwi mu būtogwa bo nyadūgū, būlī munhū ankūje ng'wiye tame.

Balumi 13:13

Tūshimīzagi gīt'ūmo shiigeleelilwe mu kashimīzīle k'ikanza lya līīmi, ītī mu būlaku nūūlū būng'wi, ītī mu būjingi nūūlū kwikūmva kwabūbi, ītī mu wilemeelwa nūūlū wilu.

Balumi 2:8

Alīyo abo bakashimīzīlaga mu nhūngwa ja malofu, a bachooji ba mihayo yabo ya benekīlī dūhū, abo balemile kūshimīzīla mu ng'hana, a bene bakūmalīlwa shiilī mu būpelanu būtaale!

1 Bakolinto 15:9

Nguno ū nene nalī ndo wa bado ū mu batūng'wa; nīyo natigeleelilwe nūūlū kwitanwa ntūng'wa, nguno nīluhyaga no ī kanisa ya ng'wa Mulungu.

1 Bakolinto 3:3

Nguno mutaalī ba nhūngwa ja mīlī; ī gīsī ūlū būlīho wilu na wilemeelwa ū mu bing'we, numho mutī ba nhūngwa ja mīlī, gīt'ūmo balī banhū bangī dūhū?

2 Bakolinto 12:20

Bing'we, nalogoha natizūshika ko namusange mutī gīt'ūmo natogelilwe, na a bing'we munibone ū nene natī gīt'ūmo mutogelilwe. Hamo nakūsanga mukūkoyiagwa wilemeelwa, wilu, kwisaayīla, wilwisha, būlwisanya, būsīgani, wikumīlīja na wiyugagūji.

Bagalatia 5:15

Alīyo ūlū ng'wikale mukwigombagūlaga na kwilumagūla bing'we bike, lang'hanagi mutizimala!

Bagalatia 5:26

Tūtadooselagi midūhū, kūnū twiyūbūkīla na kwiyītīla wilu bise benekīlī na benekīlī.

Baefeso 4:2

Bizagi bidohya no no no na balyehu, na mubize biyūmīlīja; ng'wikondele bing'we kū bing'we mu būtogwa.

Baefeso 5:21

Ng'wilyehela bing'we na bing'we mu logohano lwa ng'wa Kilisito.

Bafilipi 2:14

Hūna lūūlū ng'ūbeeja pyī ī yose mu būtūduguma nūūlū halalī.

Bakolose 3:12

Hūna lūūlū a bing'we basolwa, abo mulī beela na batogwa ba ng'wa Mulungu, zwalagi nhūngwa ja kwisaatwa, kwichīla shigongo, widohya, būlyehu na wiyūmīlīja.

Bakolose 3:8

Alīyo ī haha īponyagi gete ī mihayo gītī, būpelanu, būkalī, būbi; nū mu milomo ying'we wīnge ū būsondagūji nū būdūkani.

1 Timoteo 6:4

Ū ng'wenūyo ndalahi, na atamanile mhayo gose gose. Alī na makoye ga būhalalī na būyombi bo mihayo īyo īkenhelejaga wilu, wilemeelwa, būgayīlīja, kwitīng'wa kwabūbi,

1 Petro 3:8

Ū mhayo gwa kūmalīja gūlī gīkī, bizagi na gwīnda pye a bose ū mu kiganikīle, mubize banhū ba kwisaatwa na kwichīla shigongo, na kwitogwa nyadūgū; hangī mubize bidohya ū mu maganiko ging'we.

1 Petro 5:5

Na a bing'we badinha ng'widohya ū kū banamhala, nīyo ū widohya būzwalagi nū kū bing'we būlī ng'wene ū kū biye. Nguno ū Mulungu atabatogagwa a bikumīlīja, alīyo a bidohya akabīīlūkīlaga lubango.