Bafilipi 2:27 - Bibilia Ilagano Lya Kale 2015

²⁷ Na ng'hana walī wasaatile no, nīyo lya mandetendete hihī na kūcha, gwike ū Mulungu akankūlīlwa, hangī nīyo ītī wei dūhū, alīyo nū nene ng'wenekīlī, gīkī natizūpīnīhala nakakīlanīja.

Sukuma New Testament 2000

²⁷ Na nghana walī wasaatile no, nīyo lya mandetendete hihī na kūcha, kwike ū Mulungu akankūlīlwa, hangī nīyo ītī wei dūhū, alīyo nū nene ng'wenekīlī, gīkī natizūpīnīhala nakakīlanīja.

Ilagano Ipya Lya

²⁷ Na nghana walasatile hihi kucha, aliyo Mulungu akanchila kigongo; nulu iti wei wike aliyo nu nene, natizubiza na bupina hangi na hangi.

Bafilipi 2:27 Iomraidhean Croise

2 Batemi 20:1

Ū mu shikū jenījo ū Hezekia akasaata, ūsaaja ikanza iguhī ache. Ū ng'hangi Isaya, ng'witūnja o ng'wa Amozi, ūja koi; aho washika ūng'wīla, “Ū SEEBA alīhaya gīkī, ‘Īgolanyage chiza ī mihayo ya ha ng'wako, nguno ūkūcha; ūtūpīlaga.’”

Ayubu 5:19

Akūkūpīja kūfuma mu mihayo mibi ītandatū, nūūlū mu mihayo mpungatī ūtūgwīlwa būbi.

Zabuli 34:19

Ū ntūngīlīja nūūlū akaluha na kinehe, alīyo ū SEEBA akampījaga kwinga mu yose pye.

Isaya 27:8

Akang'winha nsango gwa kūng'wigeleelwa, ūmpeeja bo kūng'heheeja na nyaga gwa nguzu, gītī mu shikū ja nyaga gwa nguzu gwa kūfuma kīya.

Isaya 38:17

Gashi ī gete ū nene nalūkoyaga mu kūsaatwa kūtaale kūlwa solobo yane nene ng'wenekīlī. Alīyo kūlwa kūnitogwa wanilang'hanile natizūgwīla ng'wichongo lya būkenaagūku; pyī ī shibi shane washiponije kūle, kū numa yako.

Isaya 43:2

Ūlū ūbīta mu minzī mashimu, nakūbiza hamò nang'ho; nūūlū ūbīte mu myongo ya minzī Ītūkūjaana. Nūūlū ūbīte mu moto gūtūkūbbiisha, Ī ndali jago jitīko kūkoocha.

Yelemia 10:24

Ee SEEBA, nihūgūlage; gwike mu būlamuji bo wīīma, ītī mu būpelanu wako ūtizūnimala.

Yelemia 45:3

Ū bebe ūkūdaayaga ūhaya gīkī, ‘Yee Naaluha būlī! Ū SEEBA akūmanagūnongeja būpīna a higūlya ya mayanga gane; nose naaseedeekile kūlwa kwikala nūpīīmīla, ndūhū na wifuulīlo.’”

Yelemia 8:18

Ee nūngūja mu būpīna wane, Ī ng'holò yane īlī n'isūngū itaale.

Habakuki 3:2

SEEBA, naalwigwa ū lūkumo lwako; Ee Seeba, ī milīmo yako yanogohije. Ī hīmbūūchage nū mu shikū jise īji, wīyooleche īmanīke ū mu myaka yise; nūūlū ūpelana izūkagwa kūchīla shigongo.

Shītwa 9:37

Ū mu shikū jenījo ūsaata, ūzumalīka. Aho bamala ū kūng'ooja, būntūūla kū chumba sha kū golofa.

1 Bakolinto 10:13

Kūtaalī kūng'wizīīla kūgeng'wa, ūlū ītī gīt'ūmo kūkabizīīlaga banhū na kale. Gwike ū Mulungu alī ng'wishigwa no, atīko ū kūmulekanīja mugeng'we kūtinda ūmo būlī ū būdūla wing'we; alīyo ū mu kūgeng'wa kwenūko, akūbeeja nī nzīla ya kūpīlīla, mudūle ū kwiyūmīlīja.

2 Bakolinto 2:7

Īlī hambū hambū mumonele shigongo na kūnūngūja, atizūminyiwa būdito wa būpīna, nose agwe ng'holò.

Bafilipi 2:26

Nīyo wamukūmbūlile no pye a bose, hama akūkoyaga ū mu maganiko īkī ng'walī ng'wigwile gīkī walī wasaatile.

Bafilipi 2:28

Hūna lūūlū, ī haha nalīntūma hangī ū kū bing'we, mu kwisagīlwa kūtaale gīkī mukūyega ūlū mulamone, nane būnigehele ū būpīna.

Bafilipi 2:30

Nguno walī wendil'ūcha kūlwa nīmo go ng'wa Kilisito, akaweega ū būpanga bokwe gīkī ayīshikīlīje īyo mukalebya ho a bing'we ū mu kūnigunanha.