Bafilipi 2:17 - Bibilia Ilagano Lya Kale 2015

¹⁷ Alīyo ī haha nūūlū būkitwa ū būpanga bone gītī shitambo na shitūmamīlo kūlwa nguno ya kūzunya kwing'we, nalī na būyegi; hangī nalīyega hamò ning'we pye a bose.

Sukuma New Testament 2000

¹⁷ Alīyo ī haha nūūlū būkitwa ū būpanga bone gītī shitambo na shitūmamīlo kūlwa nguno ya kūzunya kwing'we, nalī na būyegi; hangī nalīyega hamò ning'we pye a bose.

Ilagano Ipya Lya

¹⁷ Ali chene, nulu nutambilwa ha kitambo na kwinhilija sha kuzunya kwingʼwe, nahene nuyega, hangi nayegela hamo na bingʼwe bose:

Bafilipi 2:17 Iomraidhean Croise

Kūbala 28:6

Ī shenīshi h'ī shitambò sha kūpemva mu moto, īsho shikalagīlwa aho balī kū lūgūlū lwa Sinai, gīkī shikūyūpemva mu moto būlī lūshikū, shibize sha kwenha ng'waso gwawiza kūlī SEEBA.

Kūbala 28:7

Ī shakwinha sha kūng'wiwa īsho shikūja hamò nī shitambò shenīshi, shikūbiza liita īmò ya divai, kū būlī ng'holo īyo īlafunyiwe. Ī shakwinha sha kūng'wiwa shenīsho shikwitwa kū būtongi bo ng'wa SEEBA, a hipandī ī lyeela.

Shītwa 20:24

Alīyo nahene ū nene natūbūbalaga ū būpanga bone gīkī būlī na solobo ū kūlī nene, kūtinda kūlūmalīja ū lūgendo lwane, nū nīmo gwa kūkumūcha Ng'hūlū Jawiza ja shigongo sha ng'wa Mulungu, nīmo ūyo nakagwanukūla kūfuma kūlī Seeba Yesu.

Shītwa 21:13

Alīyo ū Paulo ūshosha ūhaya gīkī, “Bing'we mulīīta mhayo kī ū gwenūyū, mulīlīla gīkī munigwishe ng'holò? Managi gīkī ū nene natazunije kūtungwa dūhū, alīyo nūūlū kūchīla ko ī Yelusalemu, kūlwa lina lya ng'wa Seeba Yesu!”

Balumi 12:1

Ali lūūlū badūgū bane, nalīng'wikūmbīlīja kūlwa shigongo sha ng'wa Mulungu; gīkī, ifunyagi ī mibīlī ying'we ībize shitambo shipanga na sheela sha kūnyeja Mulungu, hū kene a kalamīje king'we ako kigeleelilwe.

Balumi 15:16

Nguno nakīītwa kūbiza ntūmami wa ng'wa Kilisito Yesu kūlwa banhū ba mahanga; nīmo gwa būgabīji bo kūfunya shitambo sha Ng'hūlū Jawiza ja ng'wa Mulungu, gīkī a banhū ba mahanga banukūlwe, babize shitambo sheela kūlwa kwejiwa na Moyo Ng'wela.

2 Bakolinto 12:15

Ū nene nalī na būyegi no ū kūshitūmamīla īsho nalī nasho, nū kwifunya nene ng'wenekīlī kūlwa nguno ya būpanga wing'we. Nīyo namutogilwe hataale no, a bing'we hū mugelele kūnitogwa hado dūhū?

2 Bakolinto 4:12

Nose hū kūhaya gīkī, kūcha kūkūtūmamaga ū mu bise, lelo ū mu bing'we būpanga.

2 Bakolinto 6:10

Gītī tūlī bapīna alīyo tūlī na būyegi gwa gwa gwa, gītī tūlī bahabī alīyo tūkūsabyaga banhū, gītī tūlī bagayiwa alīyo pyī ī shikolo shilī shise.

2 Bakolinto 7:4

Nalī nayo mingī ī ya kūninha kūmusanya, na hangī nakwikumīlījaga no kūlwa nguno ying'we a bing'we. Nalī na kūlūngūjiwa kūtaale no, ū būyegi bone būkūseesekelaga nūūlū aho tūlī mu kūluhiwa.

Bafilipi 1:20

Ū nene ī ng'hūmbū jane ī nhaale, nū kwisagīlwa kwane kūlī gīkī, shitizilonga shose shose sha kūnenheleja kūgwa mu magooke. Alīyo ū Kilisito akumīlījiwe ū mu mīlī gwane mu būshisha ng'holò bose, ībize mu būpanga, nūūlū mu kūcha.

Bafilipi 2:18

Na a bing'we shing'wigeleelilwe kūyega, na ng'hana yegagi hamò nane.

Bafilipi 2:30

Nguno walī wendil'ūcha kūlwa nīmo go ng'wa Kilisito, akaweega ū būpanga bokwe gīkī ayīshikīlīje īyo mukalebya ho a bing'we ū mu kūnigunanha.

Bafilipi 4:18

Ī shose īsho nalī nasho shinigelile na kūtinda ho. Aho nanukūla nī shisho akenha Epafradito kūfuma kū bing'we nongeja ū kūkwīja; ī shoi shilī ng'waso gwa kūnung'ha chiza, shitambo shizunīlījiwe sha kūnyeja Mulungu.

Bakolose 1:24

Ī haha nalī na būyegi ū mu būluhiwa ūbo būkūnigwīlaga kūlwa nguno ying'we; īkī ū mu mīlī gwane nakwīshikīlījaga īyo īsaagīīlile ū mu būluhiwa bo ng'wa Kilisito kūlwa nguno ya mīlī gokwe, h'ī kanisa.

1 Batesalonike 2:8

Hūna lūūlū īkī twalī tūmusaatilwe no no no gīko, tūkayega ū kūng'winha, ītī Ng'hūlū Jawiza ja ng'wa Mulungu dūhū, alīyo nū būpanga wise gete, īkī mukabiza batogwa bise.

2 Timoteo 4:6

Nguno ū nene naamalile kūfunyiwa gītī shitambo, ī likanza lya kwīnga kwane lyashikaga.

1 Petro 2:5

Na a bing'we ī haha mulī gītī mawe mapanga, ayo gakūzengagwa kūbiza numba ībeejiwe mu kazengele ka ng'wa Moyo, ng'wingīle mu būgabīji wela kūlwa kūntūmamīla Mulungu mu katongeelelwe ka ng'wa Moyo, ako kazunīlījiwe mulī Yesu Kilisito.

1 Yohana 3:16

Ū būtogwa tūbūmanile mu mhayo ūyū, gīkī ū wei akafunya būpanga bokwe kūlwa nguno yise. Hūna lūūlū na a bise shitwigeleelilwe twifunye ū būpanga wise kūlwa nguno ya badūgū.