Bafilipi 2:15 - Bibilia Ilagano Lya Kale 2015

¹⁵ Mubize mutī na shilingo nūūlū būbi, baana ba ng'wa Mulungu abo batī na shisembo, nūūlū ū ng'wikanza īlo mukwikalaga hamò na shibyalīlwe shikenaagūkile na shilyūngūmile; īsho mukūng'weka ng'wekaga musho gītī kūng'weka kwa sonda mu sī.

Sukuma New Testament 2000

¹⁵ Mubize mutī na shilingo nūūlū būbi, baana ba ng'wa Mulungu abo batī na shisembo, nūūlū ū ng'wikanza īlo mukwikalaga hamò na shibyalīlwe shikenaagūkile na shilyūngūmile; īsho mukūng'weka-ng'wekaga musho gītī kūng'weka kwa sonda mu sī.

Ilagano Ipya Lya

¹⁵ Mubize muti na kilingo nulu buhwiganu, mubize muli bana ba Mulungu, abati na buka hagati ya kibyalilwe ichigomagomile na kitigwa, mubo bingʼwe mukwakaga mu si giti sonda;

Bafilipi 2:15 Iomraidhean Croise

Zabuli 122:5

H'ūko galī a masumbī ga kūlamulīla, masumbi ga būtemi ga numba ya ng'wa Daūdi.

Kūfuma 34:35

Ū būshū bokwe bobatemaga kūlwa kūteemagīla. Na lūūlū ū Musa walitungaga hangī ī līng'wenda ū kū būshū bokwe, kūshisha wingīla hangī kūhoya nū SEEBA.

Sumo 4:18

A kashimīzīle ka batūngīlīja kabange gītī būūpe w'ikīngo lya mu dilū, Īlo līkongejaga kwaaka, kūshisha mu makanza ga līīmi, mu būtang'anhīzu w'isana.

Sumo 8:8

Pyī ī mihayo ya kūfuma mu nomo gwane ītūngīlīgije; gūtīho ūyo gwigoma gomile, nūūlū gwa nyahūnga.

Isaya 60:1

Būūkaga, wandye kwaaka, nguno ī lisana lyako lyashikaga; nī likūjo lya ng'wa SEEBA lyakwikīīlaga.

Danyeli 6:4

Ū mu shikū jenījo a batongeeji na a basugi būyūgema kūbeeja nzīla gīkī bapandīke nguno ya kūmūūlīla ū Danyeli kūbītīla mu mbika ya katūmamīle ka milīmo yakwe ū mu selekali, alīyo batadūgije. Batamonile na būbi bose bose, nguno ū wei walī munhū nsanyiwa jigi, walī atī na nkono nīhu, nūūlū būtūdīlīla.

Matayo 10:16

“Managi gīkī nalīmutūma gītī ng'holo kūja kwisanja ng'widale lya mhūge; bizagi bachagūku gītī nzoka, alīyo balyehu gītī ng'hūūlū.

Matayo 17:17

Ū Yesu ūshosha ūhaya, “Bing'we shibyalīlwe sha būtūzunya na shihūbīkile, nakwikala ning'we kūshisha nanalī? Nakwiyūmīlīja ning'we kūshisha nanalī? Ng'wenhagi halī nene.”

Matayo 5:45

Ū mu gīko hū mukūbiza baana bakwe ū Sīng'we ūyo alī ng'wigūlū. Nguno ū ng'wene atī na būsolanhya, akabaakījaga ī līīmi lyakwe pye a banhū, a babūbi na a bawiza; nī mbula akabinhaga a batūngīlīja na a batī batūngīlīja.

Matayo 5:48

Hūna lūūlū, shiigelile mubize bashikanu gīt'ūmo alī ū Sīng'we ūyo alī ng'wigūlū.”

Luka 1:6

A bose būbīlī wabo, baalī batūngīlīja ū kūlī Mulungu. Hangī ū mu kashimīzīle kabo baalī bashidimile pyī ī shilagīlo sha ng'wa Seeba; nū mu katongeelele kakwe baalī batī na shisembo.

Luka 6:35

Alīyo a bing'we batogagwi a banishi bing'we, hangī ng'ūbabeegeja yawiza. Na bizagi binhi abo batī ba kwikala bisagīlagwa solobo, ū mu gīko ī linong'ho ling'we līkūbiza itaale. Hūna mukūbiza baana bakwe ūyo alī higūlya no, nguno ū wei alī na shigongo kū banhū bose; abo batalūmbaga na a babūbi.”

Yohana 5:35

Ū munhū ng'wenūyo walī chenge, shabakaga na kūmutiimīla; na hangī lyamuyejaga ī lisana lyakwe nūūlū īkī lyalī ly'ikanza iguhī.

Shītwa 2:40

Akabinha na būkaanīji būngī mu mihayo mingī, ūbakomeleja alīhaya gīkī, “Ipījagi ng'wīnge ū mu shibyalīlwe ī shabūbi īshi!”

Shītwa 20:30

Hama nū mu bing'we benekīlī bakwandya kwigela banhū ba kūja bakūyombaga mihayo īchaama chaamile, bayūbahūmbūūla a bahemba gīkī babalondeele boi.

Balumi 16:19

Alīyo a bing'we ī haha ū wigwi wing'we būkumūkile kū banhū bose; nose nalī na būyegi kūlwa nguno ying'we, gwike natogilwe mubize bangū ū kū yawiza, alīyo ū kū yabūbi mubonekane mulī bachilū chilū.

1 Bakolinto 1:8

Nīyo h'ūyo akūmuhandatīja kūshisha kū būkalīkījo, mubize mutī na shilingo ū mu lūshikū lo ng'wa Seeba wise Yesu Kilisito.

2 Bakolinto 6:17

Hūna lūūlū īngagi mo, lekanagi nabo,” alīhaya Seeba; “Hama yaya ū kūkuumya shikolo shisoso, hūna nakūng'wanukūla.

Baefeso 5:27

ipandīkīle kanisa y'ikūjo, īyo ītī na kabbado nūūlū būka, nūūlū mhayo gūngī gwa mbika yenīyo, alīyo ībize neela ītī na shilingo.

Kūshokeela 32:5

Bang'wītīlile yabūbi no būbipa, na lūūlū batī baana bakwe nguno baasosohalile; balī shibyalīlwe shabūbi na shihūlūganīkile.

Bafilipi 1:10

Mubize na būdūla bo kwīkomanya ī mihayo, banhū batūngīlīja abo batīko kūdalahwa ū mu lūshikū lwa ng'wa Kilisito.

Bafilipi 3:6

Ū mu būjangīīzu naalī nuhya wa kanisa, hama ū mu būtūngīlīja ūbo būfumile mu shilagīlo, naalī natī na shilingo!

1 Batesalonike 5:23

Hūna lūūlū leki ū Mulungu wa mhola ang'weje wei ng'wenekīlī, na amulang'hane ū mu myoyo nū mu ng'holò, pyī nī mibīlī ying'we. Mubize banhū bashikanu, batī na shilingo ū mu lūshikū lwa kūshoka kwa ng'wa Seeba wise Yesu Kilisito.

1 Timoteo 3:10

Nabo a benaba shibigelile bayūgeng'wa tame; ūlū būbiza batī na shilingo, bagūtūmame ū nīmo gwa būgunanhi.

1 Timoteo 3:2

Hūna lūūlū shing'wigelile ū nang'hani wa kanisa abize atī na shilingo, abize ngoshi wa nkīma ūmò, ng'wilang'hani, ng'witegeleja, ngaliili na ng'wiza ng'holò, hangī amanile kūlanga.

1 Timoteo 5:14

Hūna lūūlū natogilwe a bachīlwa a bashīke bayūtoolwa, babize banisaale, babyale baana. Yaya ū kūng'winha ng'wanya gwa kūtūsondagūla ū ng'wanishi.

1 Timoteo 5:20

Ūbahūgūla hape hape abo balī mu nhūngwa ja shibi, babize na logohano a bangī.

1 Timoteo 5:7

Nī yenīyī balangage, batizūgwa mu būbi.

Tito 1:6

Ūyo igeleelilwe kūtūūlwa ha būnamhala abize atī na shilingo, atoolile nkīma ūmò. A baana bakwe babize bazunya, na batī na lūkumo lwa būlūūlū, nūūlū būlambu.

Tito 2:10

Hangī batizūbiza banyeecha ba shikolo, alīyo booleche mu yose gīkī balī basanyiwa na bawiza, a kalangīle ka ng'wa Mulungu mpīja wise kakūjiwe mu yose.

Tito 2:15

Hoyaga nabo ī mihayo yenīyī, ūbakomeleje na kūbahūgūla mu būdūla bose. Nīyo ūtizūng'winha munhū nūūlū ūmò ng'wanya gwa kūkūdalaha.

Bahebrania 7:26

Na ng'hana ībeelelile tūbize na Ngabīji Ntaale wa mbika yenīyo, Ng'wela na Ntūngīlīja; ūyo atī na shilingo nūūlū shibi gīt'ūmo balī banhū bangī, nīyo alī higūlya kūtinda pye a mapandī g'igūlū.

1 Petro 2:12

Bizagi na kashimīzīle kawiza ū kū būtongi bo banhū abo batamanile Mulungu, ībize nūūlū balīmuhaya kībi gīkī mulī bīīti ba mihayo yabūbi, alīyo ū mu kūshibona ī shītwa shing'we ī shawiza balankumīlīje Mulungu, ū mu lūshikū lo kūsangwa.

1 Petro 2:9

Alīyo a bing'we mulī būbyīle bose wa būsolwa, būgabīji bo nyatemi, ihanga lyeela, banhū bakwe ba wikomangīle kūlwa kūkumūcha wiza bokwe ūyo wang'witana kūfuma mu giiti kwingīla ng'wisana lyakwe īlo līlī na wiza būkīlanīgije.

2 Petro 3:14

Hūna lūūlū batogwa īkī ng'wīlindīīlile ī mihayo yenīyī, komeelagi mubize mutī na būbi nūūlū shilingo ū kūlī Mulungu, musangwe mulī mu mhola.

Kukundulwa 2:5

Hūna lūūlū, izūkīlaga aho wagwīlile ūgalūke, wandye hangī kwīta ī milīmo īyo wītaga ī kwandya. Ūlū ītī chene nakwiza ū kūlī bebe, nalyīnje ī likīndīkīlo lyako lya tala a ha lwandī lwalyo.

Kukundulwa 3:9

Managa gīkī a ba ng'wisinagogi lya ng'wa Shetani abo bakūlomalomaga bihaya gīkī Bayudaya alīyo batī bene, nakūbīīta bize batuje mazwi kū mhambala jako; hama nakūbīīta bamane gīkī nakūtogilwe.