Bafilipi 2:13 - Bibilia Ilagano Lya Kale 2015

¹³ Nguno ū Mulungu akūtūmamaga ū mu bing'we, hū ng'wene ūyo akūng'winhaga būkalalwa, hamò na būdūla bo kwīta īyo yīnyegije.

Sukuma New Testament 2000

¹³ Nguno ū Mulungu akūtūmamaga ū mu bing'we, hū ng'wene ūyo akūng'winhaga būkalalwa, hamò na būdūla bo kwīta īyo yīnyegije.

Ilagano Ipya Lya

¹³ Iki ali Mulungu Uyo akutumamaga mu bingʼwe kulagila na kwita iyo atogilwe Wei.

Bafilipi 2:13 Iomraidhean Croise

1 Batemi 8:58

Nī ng'holò jise ajigalūche jingalūkīle wei, tūbize na būdūla wa kūshimīzīla ū mu nzīla jakwe, nū kūshidima ī shilagīlo shakwe na a malange gakwe, pye na a kahelele kakwe, gīt'ūmo wabawīlīla bakūlūgenji bise.

2 Mihayo ya Shikū 30:12

Na hangī nīyo ū mu Yuda ū nkono go ng'wa SEEBA gwalī hamò nabo a banhū, kūlwa kūbinha būmò wa maganiko gīkī bīīshikīlīje īyo walī wīlagīla ū ntemi na a batūmami bakwe; gīt'ūmo gūhayīlile mhayo go ng'wa SEEBA.

Ezila 1:1

Mu ng'waka go ng'wa Koleshi kwandya kūbiza ntemi wa Būajemi, ū mhayo go ng'wa SEEBA gūkashikīlījiwa, ūyo gwalī gwahayiwa na Yelemia. Ū SEEBA wīyīta ī ng'holò ya ng'wa Koleshi, ū ntemi wa Būajemi kūbiza na ng'hūmbū ja kūfunya shilagīlo hose pyī ū mu būsugi bokwe; hūna ūshandīka alīhaya:

Ezila 1:5

Hūna bīmīīla a batongeeji ba kaya ja bakūlūgenji babo, ū mu ng'anda ja mu Yuda na Benjamini, na bagabīji na a Balawī; būlī munhū ūyo moyo gwakwe gūkakuumiwa na Mulungu kūlwa kwīta nīmo gwa kwīzenga hang'ī hekalu ya ng'wa SEEBA īyo īlī Yelusalemu.

Ezila 7:27

Akumīlījiwe ū SEEBA, ū Mulungu wa bakūlūgenji bise, ūyo akatūūla mhayo gītī gwenūyū ū mu ng'holò ya ntemi, kūlwa kwībeeja chiza gīko ī numba ya ng'wa SEEBA īyo īlī mu Yelusalemu.

Nehemia 2:4

Ū ntemi ūnibūūja, “Ī gīsī lūūlū ūlū kwīta mhayo kī?” Nane nūnomba ū Mulungu wa ng'wigūlū,

Ayubu 33:29

Ū Mulungu akang'wītīlaga ū munhū pyī ī yenīyī, akūshisha ng'hangala ibīlī nūūlū idatū,

Zabuli 110:3

Ū mu lūshikū lwako lwa kūtongeela mabità gako mu wela w'ikūjo, a banhū bako bakwifunya mu wiyaabī wabo boi benekīlī. Kūfuma wandījo w'ikīngo, ū būdinha wako būkūkūshokela gītī lūme lwa dilū.

Zabuli 119:36

Īgalūchage ī ng'holò yane īlolele kū būkaanīji wako, ītī kū nhūngwa ja kwikūmvwa sabo.

Zabuli 141:4

Ūtizīlekela ī ng'holò yane īdutwe na būbi, nikale nakwītaga mihayo ītigelile, hamò na banhū ba nhūngwa ja malofu; nī shizeeze shabo yaya ū nene ū kūshilya.

Sumo 21:1

Ī ng'holò ya ntemi īlī mu nkono go ng'wa SEEBA gītī myongo ya minzī, akīīlogejaga hose hose ūko ūtogelwa wei ng'wenekīlī.

Isaya 26:12

Ee SEEBA, bebe h'ūyo ūkatūbeegejaga mhola, shose shose īsho tūkashibeejaga, bebe h'ūyo ūkatwītīlaga.

Yelemia 31:33

Alīyo ū SEEBA alīhaya gīkī, “Hanuma ya shikū jenījo, nakūbeeja ilagane nī numba ya Isilaeli; Ī shilagīlo shane nabatūūlīle ū mu maganiko gabo, nashandīke nū mu ng'holò jabo. Nakūbiza Mulungu wabo, na a boi bakūbiza banhū bane.

Yelemia 32:38

Bakūbiza banhū bane, nū nene nakūbiza Mulungu wabo.

Luka 12:32

“A bing'we ī chene mulī idale ido, gwike mutogohage, nguno ū Sīng'we gūnyegije gwa kūng'winha ū būtemi a bing'we.

Luka 2:14

“Ikūjo lībize kūlī Mulungu higūlya no, nū mu sī ībize ho mhola ū kū banhū abo banyegije.”

Yohana 3:27

Nang'hwe ū Yohana ūshosha ūhaya, Ū munhū atūdūla kwanukūla shikolo īsho atinhilwe kūfuma ng'wigūlū.

Yohana 6:45

Ū mu shandīkwa shing'we handīkilwe gīkī, ‘Pye bakūbiza balangilwe na Mulungu.’ Hūna lūūlū, būlī ng'wene ūyo akwigwaga kūfuma kūlī Baba wahūgūka, akwizaga ū kūlī nene.

Yohana 6:65

Ongeja hangī kūhaya, “Hī nguno yene naalī namuwīla gīkī ndūhū nūūlū ūmò ūyo adūgije kwiza kūlī nene, ūlū atinhilwe būdūla kūfuma kūlī Baba.”

Shītwa 11:21

Ū nkono go ng'wa Seeba gwalī hamò nabo, banhū bingī būzunya, būngalūkīla Seeba.

Balumi 12:3

Nguno ū nene ninhwa būdūla kūlwa kūchīlwa shigongo; na lūūlū nalīng'hūgūla būlī ūmò wing'we gīkī, yaya ū kūbiza na maganiko ga kwigūngūhya kūtinda ūmo īng'wigeleelilwe kwiyiganikīla, alīyo ng'wiganika mu widohya, gīt'ūmo Mulungu angelekelile kūzunya būlī ng'wene.

Balumi 9:11

A baana aho bataalī kūbyalwa, bataalī kwīta mhayo gose gose gwawiza nūūlū gwabūbi, yalī gīkī kashikīīle a kasolele ka būgabanhya bo ng'wa Mulungu;

Balumi 9:16

Nose ū mhayo gwenūyū gūtakūūbīlījaga gīkī ūyū nganja kūtinda, nūūlū gīkī hamo mpeeji no; ū goi gūlī mu kasolele ka ng'wa Mulungu, ūyo akachīlaga shigongo.

1 Bakolinto 12:6

Nī milīmo īlīho ya mbika ja shinabūyaga, alīyo ū Mulungu ūyo akībeejaga ī yose mu bose, hū ng'wene dūhū.

1 Bakolinto 15:10

Alīyo kūlwa shigongo sha ng'wa Mulungu nalī gīt'ūmo nalī, hama ī shigongo shakwe ū kūlī nene shitagelelile kūcha mpandagīlo. Nakūtūmamaga kūbatinda pye, gwike nahene natī nene; alīyo shigongo sha ng'wa Mulungu īsho shilī hamò na nene.

2 Bakolinto 3:5

Ītī gīkī a bise twigeleelilwe kūbalīlwa mhayo gose gose gīkī gūlī gwise gwa benekīlī; ū būdūla wise būfumile kūlī Mulungu.

Baefeso 1:11

Hama nīyo ū mulī wei tūsolilwe kūfuma kale, kūlenganīla na kahelele kakwe wei ng'wenekīlī, ūyo akatongeelagwa na kalamulīle ka maganiko gakwe.

Baefeso 1:5

Kūfuma kale ū Mulungu ahelile gīkī, tūbize baana bakwe mu nzīla ya ng'wa Yesu Kilisito, kūlenganīla nū wiza bo kasolele kakwe.

Baefeso 1:9

Nī mbisīla ya kahelele kakwe ūtūmanīkīja, gītūmo būlī ū wiza bokwe, ūbo awiganikile ū mulī Ng'wenūyo.

Baefeso 2:8

Nguno mupījiwe kūlwa shigongo, kūlwa kūzunya; ū mhayo gwenūyū gūtafumile mu bing'we benekīlī, līl'inong'ho lya ng'wa Mulungu.

2 Batesalonike 1:11

Ū mu mhayo gwenūyū tūkūmulombelaga gwa, gīkī ū Mulungu wise amubale kūbiza ng'wigeleelilwe ū kūbiza mo ū mu witanwa, na gīkī ū mu būdūla bokwe amushikīlīgīje būlī mhayo gose, ūyo gūlī gwawiza mu katūmamīle ka kūzunya kwing'we.

2 Timoteo 1:9

ūyo watūpīja. Hangī watwitana mu kwitana kwela, ītī kūlwa wiza bo shītīle shise; alīyo kūlwa kasolele kakwe na shigongo shakwe, gīt'ūmo atwinhīlile mulī Kilisito Yesu kūfuma kale, kūko ikanza lītaalī kwandya kūbiza ho.

Bahebrania 13:21

leki amushikanye mu būlī mhayo gwawiza, mudūle kūbeeja īyo yīnyegije; nū mu bise agwīte ūyo gūlīnyeja mulī Kilisito Yesu; ūyo ikūjo līlī lyakwe we, shikū jose ja shiku jose: Alichene.

1 Petro 1:3

Akumīlījiwe ū Mulungu, Ise wa ng'wa Seeba wise Yesu Kilisito; ūyo kūlwa shigongo shakwe shitaale watwingīgije mu kwisagīlwa kūpanga, ūtwīta kūbyalwa būpya mu nzīla ya būjūūko bo ng'wa Yesu Kilisito kūfuma mu bafu.