Bafilipi 2:12 - Bibilia Ilagano Lya Kale 2015

¹² Nose hū kūhaya gīkī badūgū bane batogwa, ongejagi ū kūbiza bigwi, gīt'ūmo mukwītīlaga na kale, ītī kūgonga nabize nalīho dūhū ū nene, alīyo ī no no no ī haha aho natīho; būlwīlīlagi bing'we benekīlī ū būpīji wing'we, mu logohano na kūdetema.

Sukuma New Testament 2000

¹² Nose hū kūhaya gīkī badūgū bane batogwa, ongejagi ū kūbiza bigwi, gīt'ūmo mukwītīlaga na kale, ītī kūgonga nabize nalīho dūhū ū nene, alīyo ī no-no-no ī haha aho natīho; būlwīlīlagi bing'we benekīlī ū būpīji wing'we, mu logohano na kūdetema.

Ilagano Ipya Lya

¹² Kulwa iyo batogwa bane, gitumo ngʼwali mulyehela na kale, iti aho nali ndi ho gwike, aliyo kutinda no i haha aho nene nhi ko, tumamagi kushikilija bupimi wingʼwe mu kogoha na kuzuguma,

Bafilipi 2:12 Iomraidhean Croise

Ezila 10:3

Alilūūlū, tūtūūlagi ilagane a ha gatī yise nū Mulungu wise, tūbaleke a bakīma benaba pye a bose, na a baana babo, gīt'ūmo ūlītūganikīla baba; ūmo bahayīlile na a bangī abo baalī na logohano kū shilagīlo sha ng'wa Mulungu wise, nīyo ī lilagane lyenīlo lītūūlwe gīt'ūmo shihayīlile ī shilagīlo.

Zabuli 119:120

Ū mīlī gwane gūkūdetemaga kūlwa lyogohya lyako, nabogohile no ū būlamuji wako.

Zabuli 2:11

Ntūmamīlagi ū SEEBA mu logohano, nyegelagi kūnū mukūzugumaga.

Sumo 10:16

Ī mheela ya batūngīlīja Īkabatūngīījaga mu būpanga, īsho bakapandīkaga ba malofu shikabatwalīīlaga mu shibi.

Sumo 13:4

Ū ng'winogolelwa akikūmbagwa alīyo atapandīkaga, alīyo ū nkamu kū milīmo Ī ng'hūmbū jakwe jikashikīīlaga.

Isaya 66:2

Gūtī nkono gwane ūyo gwashibeeja pyī ī shenishi, hūna shūbiza ho? Alīhaya SEEBA. Ū munhū ūyū h'ūyo nakūnkūja: Ū wa moyo gūzunije kūlekana na būbi, na akadetemaga kūlwa mhayo gwane.

Isaya 66:5

Bing'we abo mukadetemaga kūlwa mhayo gwane, gwigwagi ū mhayo go ng'wa SEEBA: A baana ba ng'wing'we abo bamukolilwe, na bamusūngūlile kūlwa nguno ya lina lyane, bakwiwīlaga gīkī, “Ka nahene n'akūjiagwe shi ū SEEBA tūbūbone ū būyegi wing'we!” Alīyo bakūgooka dūhū.

Matayo 11:12

Nīyo kwīngīīla mu shikū ja ng'wa Yohana kūshisha lelo īyī, ū būtemi bo ng'wigūlū būkūluhiagwa hataale, gwike a bigaganīja bakūbūpandīkaga.

Matayo 11:29

Solagi ijoki, ng'wilange kūfuma kūlī nene, nguno ū nene nalī mfula na nalī ng'widohya ū mu ng'holò; ū mu gīko hū būkwifuula ū būpanga wing'we.

Shītwa 16:29

Ūlomba yenhwe tala, hūna wiza wangū wangū kūnū akūdetemaga, ūshika ūgwa ū kū būtongi bo ba Paulo nū Sila.

Shītwa 9:6

Alīyo būūkaga ūshikīīle ū mu nzengo, ūkūjūwīlwa ng'wenūmo ūyo gūkwigelile ūgwīte.”

Balumi 2:7

A biyūmīlīja mu kwīta yawiza, na kūkooba mihayo y'ikūjo na kūkumīlīja, a bachooji ba mihayo īyo ītī ya kūkenaagūka, a benabo akūbinha būpanga butashilaga.

1 Bakolinto 15:58

Hūna lūūlū bang'wise, batogwa bane; īmīīlagi muhandatīle, yaya ū kūtinginyiwa. Gūtūmamagi gwa gwa gwa ū nīmo go ng'wa Seeba, nīyo komeelagi no no no; managi gīkī ū būnoge wing'we būtī bo dalali ū kūlī Seeba.

1 Bakolinto 2:3

Aho naalī hamò ning'we, naalī mu būgokolo na booba, na kūdetema kūtaale.

1 Bakolinto 4:14

Natūng'wandīkīlaga ī yenīyī gīkī namudimye minala, alīyo nalīmuganikīla gītī baana bane batogwa.

2 Bakolinto 7:15

Ūlū owizūkwa ū wigwi wing'we nū mumo mukang'wanukūlīla, ng'wikūjo na logohano, ū būtogwa bokwe ū kū bing'we būkūbīlīlaga hataale no.

Baefeso 6:5

Ning'we basese ng'widohya ū kū basīng'we būgonzo mu mīlī; bizagi n'ikūjo na logohano, nū mung'holò jing'we mubize na kwifunya gītī kūlī Kilisito.

Bafilipi 1:27

Gwike dūhū shimīzagi gīt'ūmo jilangīlile Ng'hūlū Jawiza ja ng'wa Kilisito. Ūbize gīkī ūlū nūshika ko, namusange mukwītaga gīko. Nūūlū nūlemeelwa ū kūshika ko, nahene najiigwe ī mhola jing'we, gīkī ng'wīmīīlile na moyo gūmò; mukwigunanhaga nang'holò īmò ū mu wilwisha ūbo mulī nabo kūlwa kūjizunya ī Ng'hūlū Jawiza.

Bafilipi 1:29

Nguno ū mhayo gwenūyū mutinhilwe gīkī mugelele kūnsanya dūhū ū Kilisito, alīyo nū kūluhiwa kūlwa nguno yakwe.

Bafilipi 1:5

nguno ya būsangī wing'we, ū mu nīmo gwa kūjilomeela ī Ng'hūlū Jawiza, kūfuma ha wandījo kūshisha nī haha.

Bafilipi 1:6

Namanile hape gīkī ūyo wandya nīmo gwawiza ū mu bing'we akongeja kūgwīta kūshisha kū būkalīkījo, ū mu lūshikū lo ng'wa Kilisito Yesu.

Bafilipi 2:19

Ali lūūlū, nalī na kwisagīlwa mulī Seeba Yesu gīkī, nakūntūma Timotheo ize wangū ū kū bing'we, nane nīmane ī mihayo ying'we, nayege.

Bafilipi 4:1

Hūna lūūlū badūgū bane abo namusaatilwe, abo mulī būyegi bone na ngikili yane, handatīlagi batogwa ū mulī Seeba.

Bafilipi 4:15

A bing'we Bafilipi mumanile gīkī kūfuma a ha wandījo wa nīmo gwa Ng'hūlū Jawiza, aho nīnga Makedonia yalī ītīho kanisa yīngī īyo yasangīlaga hamò nane ū mu mhayo gwa kūfunya na kwanukūla, ūlū ītī bing'we bike.

1 Batesalonike 1:3

Nī shītwa shing'we ī sha mu kūzunya gwa tūkūshizūkagwa ū kū būtongi bo ng'wa Mulungu Sīswe; pyī nī milīmo ī midito īyo mukūlwaga nayo kūlwa būtogwa, nū wiyūmīlīja ūbo mulī nabo kūlwa kūng'wisagīlwa Seeba wise Yesu Kilisito.

2 Timoteo 2:10

H'ī nguno yene nakwiyūmīlījaga mu mihayo yose kūlwa basolwa, gīkī nabo ū mulī Kilisito Yesu banukūle ikūjo lya shiku jose.

Bahebrania 12:1

Hūna lūūlū īkī tūpīndiwe n'ilunde itaale gīko lya bakaanīji, hū kūhaya tūlekanagi na būlī mhayo gose ūyo gūkūtūdidohyaga, nī shibi īsho shitwitaligīngije. Twiyūmīlīje ū kūpeela ū mu wishiganhīlwa ūbo tūtūūlīlilwe;

Bahebrania 4:1

Nose īkī ū wisagījiwa bo kwifuula būtaalī būlīho, togohagi atizilonga nūūlū ūmò wing'we wa kūleba ū kwingīla mo.

Bahebrania 4:11

Hūna lūūlū tūdīlīlagi, nise twingīle ū mu kwifuula kwenūko; atizilonga wa kūgwa gīt'ūmo bakīītīla kūlwa nguno ya būshitiigwa.

Bahebrania 5:9

Hūna lūūlū aho washikanyiwa, ūbiza ng'winhi wa būpīji butashilaga ū kū bigwi.

1 Petro 2:11

Batogwa nalīng'wikūmbīlīja gītī bashimīzi na bageni, īpeelagi pyī ī mihayo ya kwikūmva kwa mīlī, īyo īkwilwishaga nang'holò jing'we.

2 Petro 3:18

Alīyo kūlagi ū mu shigongo sha ng'wa Seeba na Mpīja wise Yesu Kilisito, pyī nū mu witegeleja. Ikūjo lībize kūlī we kwandīja haha kūshisha shiku jose. Alichene.