Bafilipi 1:9 - Bibilia Ilagano Lya Kale 2015

⁹ Hama nakūlombaga gīkī ū būtogwa wing'we bongeje no no no ū kūkwīla, mushike mu būshikanu wa būmani na witegeleja bose.

Sukuma New Testament 2000

⁹ Hama nakūlombaga gīkī ū būtogwa wing'we bongeje no-no-no ū kūkwīla, mushike mu būshikanu wa būmani na witegeleja bose.

Ilagano Ipya Lya

⁹ Uku kwene kulomba kwane giki, butogwa wingʼwe wiyongeje kukwila no mu bumani bose na mu kwitegeleja kose giki,

Bafilipi 1:9 Iomraidhean Croise

Ayubu 17:9

Gwike a batūngīlīja bakwīmīīla ū mu nzīla jabo, abo balī beela mu makono gabo bakongejaga kūpandīka nguzu.

Zabuli 119:66

Nilangage witegeleja na kalamulīle kawiza, nguno nashizunije ī shilagīlo shako.

Sumo 4:18

A kashimīzīle ka batūngīlīja kabange gītī būūpe w'ikīngo lya mu dilū, Īlo līkongejaga kwaaka, kūshisha mu makanza ga līīmi, mu būtang'anhīzu w'isana.

1 Bakolinto 14:20

Badūgū bane, yaya ū kūbiza baana ū mu maganiko, alīyo ū kū yabūbi bizagi beleele; lelo ū mu maganiko kūlagi.

2 Bakolinto 8:7

Nose īkī mulī basabi mu yose, gītī mu kūzunya, mu kalūngalūngīle, mu witegeleja, mu būkomeezu wa mbika jose, nū mu kūtūtogwa; hadīkījagi musabe nū mu nīmo gwenūyū.

Baefeso 5:17

Nose kūlwa nguno yenīyī yaya ū kūbiza bahūnga hūnga, alīyo shiigelile ng'wīmane ī mihayo īyo ayītogilwe ū Seeba.

Bakolose 1:9

H'ī nguno yene na a bise tūtaalī ū koya ū kūmulombela kūfuma lūshikū ūlo tūkandīja kūjiigwa ī mhola jing'we. Tūkūnombaga ū Mulungu ang'okaje būmani būshikanu ū mu yose īyo ayītogilwe, ng'wīmane mu masala gose na witegeleja wa mu moyo.

Bakolose 3:10

ng'ūnzwala munhū mpya, ūyo akongejaga kūbeejiwa būpya ū mu witegeleja, ongeje kūbiza mu suso ya nsūmbi wakwe.

1 Batesalonike 3:12

Na a bing'we, ū Seeba ang'winhe kūbiza na būtogwa wingī bo kūseesekela na kūseesekela, ng'witogwe a bing'we benekīlī, pye na a banhū a bangī, gīt'ūmo tūkwītīlaga a bise ū kū bing'we.

1 Batesalonike 4:1

Hūna lūūlū badūgū, ū gwa kūmalīja gūlī gīkī, tūlīmulomba na kūng'wikūmbīlīja mulī Seeba Yesu, mushimīzīle mu nhūngwa ja kūnyeja Mulungu, gīt'ūmo mukanukūlīla kūfuma kū bise. Shimīzagi gīko, nīyo jangīīlagi no no no.

2 Batesalonike 1:3

Badūgū, shitwigeleelilwe kūnūmba Mulungu būlī gwa kūlwa nguno ying'we. Īlī yawiza twīte gīko nguno ū kūzunya kwing'we kūkūjaga kongeja kūkūla na kūbiza na nguzu; nū būtogwa wing'we ūmo ng'witogelilwe būlī munhū na ng'wiye būkūjaga bongeja kūkwīla.

Filimoni 1:6

Na lūūlū nalīkūlomba ū būzunya wako ūbūtūmamīle mu būsangī, hūna ūkwīdeeba mu ng'hana pyī ī yawiza īyo īlī yise mulī Kilisito.

Bahebrania 5:14

Alīyo ī shilīwa ī shitimbu, ī shene shilī sha banhū bataale, abo bilanga kūfuma mu nzīla ya kūbona mingī; a masala gabo gūmana ū kwīkomanya ī yabūbi nī yawiza.

1 Petro 1:22

Nose īkī ū būpanga wing'we wamalile kwela kūlwa kwīzunya ī ng'hana, itogagwi mu būtogwa bo nyadūgū ūbo būtī na wibeeleja, itogagwi mu ng'hana kūfuma mu gatī ya ng'holò.

2 Petro 3:18

Alīyo kūlagi ū mu shigongo sha ng'wa Seeba na Mpīja wise Yesu Kilisito, pyī nū mu witegeleja. Ikūjo lībize kūlī we kwandīja haha kūshisha shiku jose. Alichene.