Bafilipi 1:6 - Bibilia Ilagano Lya Kale 2015

⁶ Namanile hape gīkī ūyo wandya nīmo gwawiza ū mu bing'we akongeja kūgwīta kūshisha kū būkalīkījo, ū mu lūshikū lo ng'wa Kilisito Yesu.

Sukuma New Testament 2000

⁶ Namanile hape gīkī ūyo wandya nīmo gwawiza ū mu bing'we akongeja kūgwīta kūshisha kū būkalīkījo, ū mu lūshikū lo ng'wa Kilisto Yesu.

Ilagano Ipya Lya

⁶ Mhayo uyu nasanije giki, Wei Uyo waandia kwita nimo gwa wiza mu mioyo yingʼwe, alagumalija kushisha ku lushiku lwa ngʼwa Yesu Kristo:

Bafilipi 1:6 Iomraidhean Croise

Zabuli 138:8

Ū SEEBA akwīshikīlīja īyo ayīhelile kūlwa nguno yane; ū būtogwa wako Ee SEEBA, būlī wa kūshinga ho shikū ja welelo na welelo. Ūtizīgumanīja ī milīmo ya makono gako.

Yohana 6:29

Ū Yesu ūbashokeja ūbawīla, Ū nīmo go ng'wa Mulungu gūlī gīkī, nzunyagi ūyo antūmile wei.”

Shītwa 11:18

Aho bīyigwa ī yenīyo būfulīka sele; banoga bandya kūnkumīlīja Mulungu balīhaya gīkī, “Hū kūhaya ū Mulungu wabinhaga kūgalūka nabo a banhū ba mahanga, bingīle mu būpanga.”

Shītwa 16:14

Walīho ūmò wabo, lina lyakwe Ludia, njinja ntaale wa myenda ya langi ya nzulunge, nshīke wa mu nzengo gwa Siatila, hangī munhū wa logohano kūlī Mulungu. Ū nkīma ng'wenūyo aho wigwa, ū Seeba wīlugūla īng'holò yakwe, ūyanukūla īyo yahayiagwa na Paulo.

1 Bakolinto 1:8

Nīyo h'ūyo akūmuhandatīja kūshisha kū būkalīkījo, mubize mutī na shilingo ū mu lūshikū lo ng'wa Seeba wise Yesu Kilisito.

2 Bakolinto 1:15

Hūna lūūlū, īkī nakasanya gīkī h'ūmo īlī, nakabiza na ng'hūmbū ja kwiza ūko mulī tame; gīkī ng'wīlūkīlwe lubango ng'hangala ibīlī.

2 Bakolinto 2:3

H'ī chene nakagwandīka ū mhayo gwenūyū, ībize gīkī ūlū nūshika ko, batizūnipīnīhaja a banhū abo shiigelile baniyeje. Nguno naalī nasanije gīkī, ū būyegi bone būlī wing'we na a bing'we.

2 Bakolinto 7:16

Hūna lūūlū nū nene nalī na būyegi, nguno nadūgije kūmusanya mu yose.

2 Bakolinto 9:4

A bana Makedonia batiziza hamò nane bamusange mutaalī ū kūmalīja ī milonjo tūkagooka; natūhayaga mukūgooka bing'we, nguno tūmusanije no.

Bagalatia 5:10

Gwike nalīnsanya Mulungu gīkī mutīko kūgalūcha a maganiko ging'we, na gīkī ūyo akūmuyebenganyaga ng'wenūyo akūgwakūla nsango, h'ūmo abizile.

Baefeso 4:12

kūlwa nguno ya kūbashikanya a beela, būbize ho būdūla bo kūgwīta ū nīmo, ū mīlī go ng'wa Kilisito gūzengwe.

Bafilipi 1:10

Mubize na būdūla bo kwīkomanya ī mihayo, banhū batūngīlīja abo batīko kūdalahwa ū mu lūshikū lwa ng'wa Kilisito.

Bafilipi 1:29

Nguno ū mhayo gwenūyū mutinhilwe gīkī mugelele kūnsanya dūhū ū Kilisito, alīyo nū kūluhiwa kūlwa nguno yakwe.

Bafilipi 2:12

Nose hū kūhaya gīkī badūgū bane batogwa, ongejagi ū kūbiza bigwi, gīt'ūmo mukwītīlaga na kale, ītī kūgonga nabize nalīho dūhū ū nene, alīyo ī no no no ī haha aho natīho; būlwīlīlagi bing'we benekīlī ū būpīji wing'we, mu logohano na kūdetema.

Bafilipi 2:13

Nguno ū Mulungu akūtūmamaga ū mu bing'we, hū ng'wene ūyo akūng'winhaga būkalalwa, hamò na būdūla bo kwīta īyo yīnyegije.

Bafilipi 2:16

Hangī nīyo gūhandatīlagi ū mhayo gwa būpanga, nalapandīke sha kūyegela a ha lūshikū lo ng'wa Kilisito, gīkī gashinaga natanogile kūtagamba dalali.

Bakolose 2:12

Ū mu kūbatījiwa mukajīkwa hamò nang'hwe, na hangī kūlwa kūbiza ū mulī we, mujūūchiwe hamò nang'hwe kūlwa nguno ya kūbūzunya ū būdūla bo ng'wa Mulungu ūyo akanjūūcha kūfuma mu bafu.

1 Batesalonike 1:3

Nī shītwa shing'we ī sha mu kūzunya gwa tūkūshizūkagwa ū kū būtongi bo ng'wa Mulungu Sīswe; pyī nī milīmo ī midito īyo mukūlwaga nayo kūlwa būtogwa, nū wiyūmīlīja ūbo mulī nabo kūlwa kūng'wisagīlwa Seeba wise Yesu Kilisito.

2 Batesalonike 1:11

Ū mu mhayo gwenūyū tūkūmulombelaga gwa, gīkī ū Mulungu wise amubale kūbiza ng'wigeleelilwe ū kūbiza mo ū mu witanwa, na gīkī ū mu būdūla bokwe amushikīlīgīje būlī mhayo gose, ūyo gūlī gwawiza mu katūmamīle ka kūzunya kwing'we.

2 Batesalonike 3:4

Tūlīnsanya Seeba gīkī īyo tūlīmukomeleja yenīyī mukwīyīta, na hangī mukwīta na kūtinda ho.

Filimoni 1:21

Nalīkwandīkīla mu kūsanya gīkī ūkwīta na kūtinda ūmo nalīkūwīlīla, nguno nabūmanile ū wigwi boko.

Bahebrania 10:35

Hūna lūūlū, yaya ū kūbūponya ū būshisha ng'holò wing'we wenūbo, nguno būlī na mheela nhaale no.

Bahebrania 12:2

ū kūnū tūnkalalīlile Yesu, ū ng'winhi na nshikanya wa kūzunya kwise, ūyo akiyūmīlīja kūluha ha nsalaba, wīdalaha ī minala kūlwa būyegi ūbo walī atūūlīlilwe; ī haha igashije kū nkono gwa būlyo gwī Isumbī lya būtemi lya ng'wa Mulungu.

1 Petro 5:10

Alīyo ūlū ng'ūlīkalīcha ī likanza lya kūluhiwa īlī, ū Mulungu wa shigongo shose, ūyo ang'witanile a bing'we mulī Kilisito gīkī ng'wingīle ng'wikūjo lyakwe lya shiku jose, wei ng'wenekīlī akūmushikanya, amujaamye na kūmuguzuhya mudūle kūhandatīla.

2 Petro 3:10

Ū lūshikū lo ng'wa Seeba lūkwiza mu shībya gītī ng'wibi, ū mu lūshikū lwenūlo ī ligūlū līkwīnjiwa ho mu shilundumo shitaale; ī shiseeng'wa shamo shikwabiwa na moto shishile, pyī nī sī nī milīmo ī yose īyo īlīmo īkwabiwa īshile ho!