Bafilipi 1:27 - Bibilia Ilagano Lya Kale 2015

²⁷ Gwike dūhū shimīzagi gīt'ūmo jilangīlile Ng'hūlū Jawiza ja ng'wa Kilisito. Ūbize gīkī ūlū nūshika ko, namusange mukwītaga gīko. Nūūlū nūlemeelwa ū kūshika ko, nahene najiigwe ī mhola jing'we, gīkī ng'wīmīīlile na moyo gūmò; mukwigunanhaga nang'holò īmò ū mu wilwisha ūbo mulī nabo kūlwa kūjizunya ī Ng'hūlū Jawiza.

Sukuma New Testament 2000

²⁷ Kwike dūhū shimīzagi gīt'ūmo jilangīlile Nghūlū Jawiza ja ng'wa Kilisto. Ībize gīkī ūlū nūshika ko, namusange mukwītaga gīko. Nūūlū nūlemeelwa ū kūshika ko, nahene najiigwe ī mhola jing'we, gīkī ng'wīmīīlile na moyo gūmò; mukwigunaanaga na ngholó īmò ū mu wilwisha ūbo mulī nabo kūlwa kūjizunya ī Nghūlū Jawiza.

Ilagano Ipya Lya

²⁷ Aliyo kashiminzile kingʼwe kabize gitumo kayigelelilwe evangeli ya ngʼwa Kristo giki, nulu niza kwibona ningʼwe, nulu nukija, nahene, nigwe nghulu jingʼwe giki, mukuhandikilaga mu moyo gumo, mukukulwililaga kuzunya kwa mu evangeli na ngholo imo;

Bafilipi 1:27 Iomraidhean Croise

1 Mihayo ya Shikū 19:12

Ū Yoabu ūhaya, “A Baalamu ūlū būnilebya ī nguzu ū nene, ūkūnangūhīla; alīyo ūlū būkūlebya ū bebe a Baamoni numho ū nene nakūkwangūhīla.

Zabuli 122:3

Ī Yelusalemu gūlī nzengo ūyo gūzengilwe gūhelwa chiza, gūūdimanile gūbiza na nguzu.

Zabuli 133:1

Gūlī mhayo gwawiza no, na gwa būyegi būtaale, a badūgū ū kwikala hamò mu būsangī.

Sumo 22:23

Nguno ū SEEBA akūbalwīlīla ū mu mihayo yabo, na a babo bakūbiboneelaga akūbīngīja ū būpanga wabo.

Yelemia 32:39

Nakūbinha ng'holò ya widomanīja na būsangī ū mu kīītīle ka mihayo; badūle kūnogoha gwa gwa gwa, nī mihayo yabo na a baana babo ībabeelele.

Matayo 12:25

Nang'hwe ū Yesu ūgamana a maganiko gabo, ūbawīla gīkī, “Būlī būtemi ūlū būgabanīka hūna wandya kwilwisha boi wenekīlī na wenekīlī, būtūlama. Nūūlū nzengo, nūūlu kaya ūlū yandya kwiyūbūkīla yoyi yonekele, igūkūgwa; pyī nūūlū kaya ītūlama!

Shītwa 2:46

Būlī lūshikū bibilingaga ū mu hekalu na moyo gūmò; na bajaga bakūmegaga ngatī mu būlī kaya, nī shilīwa basangīlaga na moyo gwa būyegi na būmò,

Shītwa 24:24

Ū Feliki walī atoolile Nyudaya, lina lyakwe Dulusila. Jahayūbīta shikū ndebe wiza hangī hamò nū nke. Aho bashika ūtūmīja wenhwa ū Paulo, ūndegeleka ū būsombooji bokwe bo mihayo ya kūnzunya Yesu Kilisito.

Shītwa 4:32

Ū ng'wibita lya bazunya, pye a bose baalī nang'holò īmò, na moyo gūmò; walī atīho nūūlū ūmò wabo wa kūhaya gīkī ī sabo īyo walī nayo yalī yakwe ya ng'wenekīlī. Alīyo pyī ī shikolo shalī sha būsangī.

Balumi 1:16

Nguno ū nene natīko kūjibonela minala ī Ng'hūlū Jawiza, īkī ī joi hū jilī būdūla bo ng'wa Mulungu kūlwa kūmpīja ose ose ūyo ūzunya; kwandīja Bayudaya, na a ba mahanga a gangī.

Balumi 1:5

Hū ng'wene ūyo mulī we twanukūlile shigongo na nīmo gwa būtūng'wa kūlwa mahanga gose; gīkī ū mu lina lyakwe banhū bose bazunye na babize bigwi.

Balumi 1:9

Ū Mulungu ūyo nakantūmamīlaga na moyo gwane gose mu nīmo gwa kūlomeela Ng'hūlū Jawiza ja Ng'wana wakwe, alī nkaanīji wane gīkī būlī gwa nakūng'wizūkagwa a bing'we.

Balumi 10:8

Nose ī gete gūlīyomba ginehe? “Ū mhayo gūlī hihī nang'ho, nīyo gūlī mu nomo na mung'holò yako.” Hū gwene ū mhayo gwa kūzunya ūyo tūkūgūlomeelaga.

Balumi 15:16

Nguno nakīītwa kūbiza ntūmami wa ng'wa Kilisito Yesu kūlwa banhū ba mahanga; nīmo gwa būgabīji bo kūfunya shitambo sha Ng'hūlū Jawiza ja ng'wa Mulungu, gīkī a banhū ba mahanga banukūlwe, babize shitambo sheela kūlwa kwejiwa na Moyo Ng'wela.

Balumi 15:29

Hama namanile gīkī ūlū nalize ūko mulī, nakūbiza nalī mu būshikanu bose wa lubango ja ng'wa Kilisito.

1 Bakolinto 1:10

Bing'we badūgū bane, nalīng'wikūmbīlīja mu lina lya ng'wa Seeba wise Yesu Kilisito, gīkī mubize na widomanīja ū mu kalūngalūngīle. Yaya ū kūbiza na būgabanīki ū mu bing'we! Ni ībizage ho gwīnda ū mu maganiko ging'we nū mu kalomanīle king'we.

1 Bakolinto 15:58

Hūna lūūlū bang'wise, batogwa bane; īmīīlagi muhandatīle, yaya ū kūtinginyiwa. Gūtūmamagi gwa gwa gwa ū nīmo go ng'wa Seeba, nīyo komeelagi no no no; managi gīkī ū būnoge wing'we būtī bo dalali ū kūlī Seeba.

2 Bakolinto 13:11

Ū gwa kūmalīja bang'wise ikalagi mhola, ikondelagi, nīyo ng'wihūgūla; bizagi na būsangī ū mu maganiko, na mubize banhū ba mhola. Ū Mulungu wa būtogwa na mhola akūbiza hamò ning'we.

2 Bakolinto 4:4

Nguno a bene ū mulungu wa mu sī wagabbokuja a maganiko gabo batizūzunya; ī Ng'hūlū Jawiza jitizūbatiimīla bakalībona ī likūjo lya ng'wa Kilisito, ūyo alī suso ya ng'wa Mulungu.

2 Bakolinto 9:13

Banhū bakūnkumīlīja Mulungu kūlwa nguno ya kūgūbona ū nīmo gwenūyū, nū widohya wing'we ū mu kūjikaanīla ī Ng'hūlū Jawiza ja ng'wa Kilisito, nū wiza ng'holò wing'we ū mu kūsangīla nabo, hamò na a banhū a bangī.

Bagalatia 1:7

Gwike ī jenījo jitī Ng'hūlū Jawiza; alīyo balīho dūhū banhū balebe bandije kūmuyebenganya, nguno batogilwe kūjihūbya ī Ng'hūlū Jawiza ja ng'wa Kilisito!

Baefeso 1:13

Nū kū bing'we īlī gīko ū mulī we, aho ng'wagwigwa ū mhayo gwa ng'hana, ī Ng'hūlū Jawiza ja būpīji wing'we ījo mukajanukūla hūna ng'ūnzunya, mukameng'hwa na Moyo Ng'wela wa kwisagījiwa.

Baefeso 1:15

Hūna lūūlū, īkī nane naajiigwile ī mhola jing'we ūmo munsanīgije ū Seeba Yesu, nū būtogwa wing'we ū kū banhū bose,

Baefeso 4:1

Nose lūūlū nalīng'wikūmbīlīja ū nene ūyo nalī ntungwa kūlwa ng'wa Seeba, mushimīze gīt'ūmo kalī kitanīlwe king'we ako ng'witanwa mubize mo.

Bafilipi 1:5

nguno ya būsangī wing'we, ū mu nīmo gwa kūjilomeela ī Ng'hūlū Jawiza, kūfuma ha wandījo kūshisha nī haha.

Bafilipi 2:12

Nose hū kūhaya gīkī badūgū bane batogwa, ongejagi ū kūbiza bigwi, gīt'ūmo mukwītīlaga na kale, ītī kūgonga nabize nalīho dūhū ū nene, alīyo ī no no no ī haha aho natīho; būlwīlīlagi bing'we benekīlī ū būpīji wing'we, mu logohano na kūdetema.

Bafilipi 2:24

Alīyo nalī na kūsanya mulī Seeba gīkī, nū nene natūdīla ū kwiza ko.

Bafilipi 3:18

Nguno nakūmuwīlaga gwa gwa gwa; hangī nī haha nalīmuwīla, nīyo mu kūlīla, gīkī balīho bangī ū mu shimīzīle yabo balī banishi ba nsalaba go ng'wa Kilisito.

Bafilipi 3:20

Alīyo a bise ū būjigajiga wise būlī ng'wigūlū, hama nīyo ū kūfuma ko ū kwenūko, tūnindīīlile mpīja Seeba Yesu Kilisito;

Bafilipi 4:1

Hūna lūūlū badūgū bane abo namusaatilwe, abo mulī būyegi bone na ngikili yane, handatīlagi batogwa ū mulī Seeba.

Bakolose 1:10

Mudūle kūshimīza gīt'ūmo īng'wigeleelilwe kū būtongi bo ng'wa Seeba, munyeje mu yose, mubize na matwajo mu būlī nīmo gwawiza; hangī mukūle ū mu kūmana ū Mulungu.

Bakolose 1:4

Nguno twajiigwile ī mhola ja kūzunya kwing'we ū mulī Kilisito Yesu, nū būtogwa ūbo mulī nabo ū kū beela pye a bose.

1 Batesalonike 3:6

Alīyo ī haha ū Timotheo wamalile kūshoka kūfuma ū kū bing'we, ī ng'hūlū ja būzunya nū būtogwa wing'we ījo watwenhelile jilī jawiza no, nīyo ūtūwīla nū gwa gīkī būlī gwa mukūtwizūkagwa; na hangī mulī na ng'hūmbū ja kūtūbona gīt'ūmo na a bise tūlī na ng'hūmbū ja kūmubona a bing'we.

1 Batesalonike 4:1

Hūna lūūlū badūgū, ū gwa kūmalīja gūlī gīkī, tūlīmulomba na kūng'wikūmbīlīja mulī Seeba Yesu, mushimīzīle mu nhūngwa ja kūnyeja Mulungu, gīt'ūmo mukanukūlīla kūfuma kū bise. Shimīzagi gīko, nīyo jangīīlagi no no no.

1 Timoteo 1:11

ayo gizunīlīgije nī Ng'hūlū Jawiza ja ng'wa Mulungu nkumīlījiwa; ījo waninha nene.

1 Timoteo 1:19

Ūbize na kūzunya, na wiyangūji wawiza ū mu moyo; nguno ī haha balīho bangī balī mu nhabaala ya kūtubīla, kūlwa kūleka kūkūdīlīla ū kūzunya.

2 Timoteo 4:7

Naabūlwishije chiza ū būlūgū mu kūkūlang'hana ū kūzunya, naalūkalīchaga ū lūdīīma lwane.

Tito 2:10

Hangī batizūbiza banyeecha ba shikolo, alīyo booleche mu yose gīkī balī basanyiwa na bawiza, a kalangīle ka ng'wa Mulungu mpīja wise kakūjiwe mu yose.

Filimoni 1:5

Nguno nakūjiigwaga ī ng'hūlū ja kūzunya kwako, nū būtogwa wako ūmo ūntogelilwe ū Seeba Yesu, na a beela pye a bose.

Yakobo 3:18

Ī litwajo lya būtūngīlīja, īlo līkahambagwa na babeeja ba mhola, lyene mhola.

2 Petro 3:11

Ali lūūlū īkī ī shikolo shenīshi shikwabiwa gīko, a bing'we shiigelile mubize banhū ba nhūngwa ja mbika kī ū mu wela, nū mu kūnkūja ū Mulungu?

2 Petro 3:14

Hūna lūūlū batogwa īkī ng'wīlindīīlile ī mihayo yenīyī, komeelagi mubize mutī na būbi nūūlū shilingo ū kūlī Mulungu, musangwe mulī mu mhola.

Yuda 1:3

Batogwa, naalī na ng'hūmbū ja kūng'wandīkīla mihayo ya būpīji ūbo būlī wise pye a bose. Alīyo nabona īnigeleelilwe nang'wandīkīle ya kūmuguzuhya ū mu kūkūlwīlīla ū kūzunya, ūko benhelilwe beela lūkangala lūmò na lūmò dūhū.