Bafilipi 1:20 - Bibilia Ilagano Lya Kale 2015

²⁰ Ū nene ī ng'hūmbū jane ī nhaale, nū kwisagīlwa kwane kūlī gīkī, shitizilonga shose shose sha kūnenheleja kūgwa mu magooke. Alīyo ū Kilisito akumīlījiwe ū mu mīlī gwane mu būshisha ng'holò bose, ībize mu būpanga, nūūlū mu kūcha.

Sukuma New Testament 2000

²⁰ Ū nene ī nghūmbū jane ī nhaale, nū kwisagīlwa kwane kūlī gīkī, shitizilonga shose-shose sha kūnenheleja kūgwa mu magooke. Alīyo ū Kilisto akumīlījiwe ū mu mīlī gwane mu būshisha-ngholó bose: ībize mu būpanga, nūūlū mu kūcha.

Ilagano Ipya Lya

²⁰ Gitumo kuhahalila kwane na kwisagilwa kwane giki, nataladingʼwa minala mu mhayo gose, aliyo gitumo kale, giko ni haha, Kristo akukumiligijiwa mu mili gwane na butimbu bose, nulu ibize mu nzila ya kwikala mpanga, nulu mu nzila ya kucha.

Bafilipi 1:20 Iomraidhean Croise

Zabuli 119:116

Nihandatījage gīt'ūmo kūlī kwisagīja kwako, nadūle kwikala nalī mpanga; ūtizūnilekanīja nabize gītī nakwisagīlagwa mabu ng'wizungu, nakūgooka.

Zabuli 119:80

Ī ng'holò yane ni ībizage ītī na shisembo ū mu katongeelele kako, natizūgwa mu magooke.

Zabuli 25:2

Nakwisagīlilwe bebe, Ee Mulungu wane, ūtizūnilekanīja nakagwa mu magooke. Nūūlū ūtizūbaleka a banishi bane banipyene.

Zabuli 62:5

Ee būpanga wane, nindīīlage Mulungu wike, ū kwisagīlwa kwane kūfumile kūlī wei.

Sumo 10:28

Ū kwisagīlwa kwa batūngīlīja kūlī būyegi, alīyo ū kwisagīlwa kwa bakenaagūji kūkachaaga mpandagīlo.

Sumo 23:18

Kūlīho kwisagīlwa ū kū shikū ja kū būjiiwa; nīyo ū kwisagīlwa kwako gūtūponyiwa na hado yaya.

Isaya 45:17

Alīyo ū Isilaeli akūpījiwa na SEEBA būpīji wa welelo na walelo; mutūgishiwa sonī nūūlū mutūgooka.

Isaya 50:7

Ū Seeba MULUNGU alī ngunanhi wane, nose natīko kūding'wa minala. Hūna lūūlū ū būshū wane būkwikala būdiimu gītī iwe; nīyo namanile gīkī natīko kūgooka.

Isaya 54:4

Lekaga ū kogoha, ūtūgooka; yaya ū kūzwangana, ūtūpondwa soni; ūkūgīība a magooke ga ha walūki wako; nū wibengelejiwa ūbo wītīlagwa kūlwa kūchīlwa ngoshi wako.

Yohana 21:19

Ū mukūgūhaya ū gwenūyo, akoolecha ūmo akūchīla ū Petelo, kūlwa kūnkūja Mulungu. Aho wamala kūhaya gīko ūng'wīla; “Nilondeelage.”

Shītwa 20:24

Alīyo nahene ū nene natūbūbalaga ū būpanga bone gīkī būlī na solobo ū kūlī nene, kūtinda kūlūmalīja ū lūgendo lwane, nū nīmo gwa kūkumūcha Ng'hūlū Jawiza ja shigongo sha ng'wa Mulungu, nīmo ūyo nakagwanukūla kūfuma kūlī Seeba Yesu.

Shītwa 21:13

Alīyo ū Paulo ūshosha ūhaya gīkī, “Bing'we mulīīta mhayo kī ū gwenūyū, mulīlīla gīkī munigwishe ng'holò? Managi gīkī ū nene natazunije kūtungwa dūhū, alīyo nūūlū kūchīla ko ī Yelusalemu, kūlwa lina lya ng'wa Seeba Yesu!”

Shītwa 4:31

Aho balomba gīko, ī lipandī lyenīlo aho baalī lyūtinginyiwa, pye a bose bokajiwa na Moyo Ng'wela. Būgūlomeela mu būgimu ū mhayo go ng'wa Mulungu.

Balumi 12:1

Ali lūūlū badūgū bane, nalīng'wikūmbīlīja kūlwa shigongo sha ng'wa Mulungu; gīkī, ifunyagi ī mibīlī ying'we ībize shitambo shipanga na sheela sha kūnyeja Mulungu, hū kene a kalamīje king'we ako kigeleelilwe.

Balumi 5:5

Hama ū kwisagīlwa kūtīko kūtūdimya minala, nguno ū Mulungu wamala kūpumunhīla būtogwa bokwe ū mu myoyo yise kūlwa ng'wa Moyo Ng'wela ūyo watwinha.

Balumi 6:13

Na hangī yaya nūūlū kūfunya ibudīka lyose lyose lya mīlī gwing'we, gīkī lībize shitūmamīlo kū mihayo ītī ya būtūngīlīja, kūlwa kwīta shibi. Alīyo ifunyagi kūlī Mulungu, mubize gītī mulī bapanga kūfuma mu bafu, na a mabudīka ga mibīlī ying'we gabize shilanga sha būtūngīlīja kūlwa ng'wa Mulungu.

Balumi 6:19

Nalīlūngalūnga ning'we mu mbika ya kalūngalūngīle ka banhū bose, nguno ya būgokolo bo būmunhū wing'we. Nose hū kūhaya gīkī, ūmo ng'wagafunījaga a mabudīka ga mibīlī ying'we ī kale kū būsese wa būsoso na būbi, gīkī ng'wīte ya malofu, ī haha gafunyagi lūūlū a mabudīka ging'we genayo gabize mu būsese ha sīlīlī ya būtūngīlīja, gejiwe.

Balumi 8:19

Nīyo ī shiseeng'wa shilindanile mu kwisagīlwa kūtaale kūshisha līshike ī likanza lya koolechiwa a baana ba ng'wa Mulungu, bamanīke.

Balumi 9:33

Īlī gīt'ūmo gwandīkilwe, “Managa gīkī, nalītūūla mu Sayuni iwe lya kwipamya; shiganga sha kūgwisha, ūyo ūlīsanya atūding'wa minala.”

1 Bakolinto 15:31

Badūgū bane, ū nene nakūchaaga būlī shikū nguno ya wikumīlīja, ūbo nalī nabo mulī Kilisito Yesu Seeba wise kūlwa nguno ying'we.

1 Bakolinto 6:20

Nguno mugūlilwe na mpango ntaale; na lūūlū nkūjagi Mulungu ū mu mibīlī ying'we.

1 Bakolinto 7:34

nose hū kūhaya ū ng'wenūyo agabanīkile. Nū nkīma ūyo atatoolilwe, pyī nū munhya; nang'hwe akateeganīlaga ya ng'wa Seeba, gīkī abize ng'wela ū mu mīlī nū mu moyo. Alīyo ū nkīma ūyo atoolilwe, ū ng'wene akateeganaga kūlwa mihayo ya mu sī, ūmo alanyegeje ū ngoshi.

2 Bakolinto 10:8

Nguno nūūlū nakabiza gītī naja no ū mu wikumīlīja kūlwa būdūla wise ūbo watwinha Seeba, gīkī tūmuzenge, tūtizūmusambagūla, nahene natūgooka.

2 Bakolinto 3:12

Hūna lūūlū, īkī ū kwenūkū hū kwisagīlwa kwise, tūlī mu kwisandaala kūtaale no.

2 Bakolinto 4:10

Būlī gwa tūkūbūūchaga kūcha kwa ng'wa Yesu ū mu mīlī, ū būpanga bo ng'wa Yesu nabo boolechiwe ū mu mīlī gwise.

2 Bakolinto 5:15

Akacha kūlwa nguno ya bose, gīkī a bapanga batizūbiza bapanga hangī kūlwa nguno yabo; alīyo kūlwa nguno yakwe ūyo akabachīlīla, hama ūjūūka.

2 Bakolinto 7:14

Natagookile nūūlū īkī naalī nang'wīla ī mihayo ying'we mu kwikumīlīja; nguno gīt'ūmo yalī ya ng'hana pyī ī mihayo īyo tūkamuwīla, nū kwikumīlīja kwise ū kūlī Tito kwabizile kwa ng'hana.

2 Bakolinto 7:4

Nalī nayo mingī ī ya kūninha kūmusanya, na hangī nakwikumīlījaga no kūlwa nguno ying'we a bing'we. Nalī na kūlūngūjiwa kūtaale no, ū būyegi bone būkūseesekelaga nūūlū aho tūlī mu kūluhiwa.

Bafilipi 1:14

Nīyo ū būtungwa bone wenūbū boguzuhije banhū bingī ū mulī Seeba, na lūūlū bandije kūgūlomeela na būgimu ū mhayo.

Bafilipi 2:17

Alīyo ī haha nūūlū būkitwa ū būpanga bone gītī shitambo na shitūmamīlo kūlwa nguno ya kūzunya kwing'we, nalī na būyegi; hangī nalīyega hamò ning'we pye a bose.

Bakolose 1:24

Ī haha nalī na būyegi ū mu būluhiwa ūbo būkūnigwīlaga kūlwa nguno ying'we; īkī ū mu mīlī gwane nakwīshikīlījaga īyo īsaagīīlile ū mu būluhiwa bo ng'wa Kilisito kūlwa nguno ya mīlī gokwe, h'ī kanisa.

1 Batesalonike 5:23

Hūna lūūlū leki ū Mulungu wa mhola ang'weje wei ng'wenekīlī, na amulang'hane ū mu myoyo nū mu ng'holò, pyī nī mibīlī ying'we. Mubize banhū bashikanu, batī na shilingo ū mu lūshikū lwa kūshoka kwa ng'wa Seeba wise Yesu Kilisito.

1 Petro 4:16

Alīyo ūlū ūluhiwa īkī alī wa ng'wa Kilisito, ni ankumīlījage Mulungu ū mu lina lyenīlo; yaya ū kūcha soni.

1 Yohana 2:28

Hūna lūūlū ī haha baana, ikalagi mulī wei. Ūlū ng'wīta gīko tūtūbiza na booba ūlū oolechiwa, tūtūgooka ū kū būtongi bokwe a h'ikanza lya kūshoka kwakwe.