Bafilipi 1:16 - Bibilia Ilagano Lya Kale 2015

¹⁶ A benaba bakūlomeelaga mu būtogwa, īkī bamanile gīkī natūūlilwe ho kūlwa nguno ya kūjilwīlīla ī Ng'hūlū Jawiza.

Sukuma New Testament 2000

¹⁶ A benaba bakūlomeelaga mu būtogwa, īkī bamanile gīkī natūūlilwe ho kūlwa nguno ya kūjilwīlīla ī Nghūlū Jawiza.

Ilagano Ipya Lya

¹⁶ Bangi bakulomelaga ya ngʼwa Kristo kulwa butogwa iki bamanile giki, nene natuulwa ho kuhva kwilwilila i evangeli;

Bafilipi 1:16 Iomraidhean Croise

Ayubu 16:4

Nūūlū a bing'we ūlū ni mulī mu mbika īyo nalī nayo ī haha, ū nene nane ni nalīyomba gīt'ūmo mulīyombela a bing'we; ni nalīmulomeela kīngī nasho nīyo, kūnū nakūshingishaga na ntwe.

Ayubu 6:14

Ū munhū ūlū alī mu makoye, a banwani biye bakang'olekejaga ng'holò niiza, nūūlū akajimīīja ū logohano ū kūlī Ndūji wa shose.

Zabuli 69:26

Nguno bakabaluhyaga abo ūkabatūlaga bebe; hama kūlwa būsīīgani wabo, bakabongegejaga makoye abo ūkabaminyaga bebe.

1 Bakolinto 9:17

Nguno ūlū nūjilomeela kūlwa kūtogwa nene ng'wenekīlī numho nalī na mheela, alīyo ūlū ītī kūlwa būtogwa bone, numho hū kūhaya nabilisīlilwe sabo ya bangī.

2 Bakolinto 2:17

A bise tūtī gīt'ūmo bingī bakwītīlaga, abo bakūgūtūmamīlaga ū mhayo go ng'wa Mulungu kwikoobela nīīlo; alīyo tūkūsomboolaga mu ng'hana kū būtongi bo ng'wa Mulungu, gīt'ūmo shibigelile banhū ba ng'wa Mulungu mulī Kilisito.

Bafilipi 1:10

Mubize na būdūla bo kwīkomanya ī mihayo, banhū batūngīlīja abo batīko kūdalahwa ū mu lūshikū lwa ng'wa Kilisito.

Bafilipi 1:12

Badūgū bane, natogilwe mumane gīkī ī mihayo īyo yanilongelile yenīyī, yabizile ya kūjitwala kū būtongi ī Ng'hūlū Jawiza.

Bafilipi 1:5

nguno ya būsangī wing'we, ū mu nīmo gwa kūjilomeela ī Ng'hūlū Jawiza, kūfuma ha wandījo kūshisha nī haha.

Bafilipi 1:7

Ū nene īnigeleelilwe kūng'wiganikīla gīko pye a bing'we ū mu mhayo gwenūyū, nguno mulī ha moyo gwane gete; īkī pye a bose mukūsangīlaga hamò nane ū mu būtungwa bone nū mu kūjilwīlīla ī Ng'hūlū Jawiza, pyī nū mu kwīyoolecha ī ng'hana yajo.

Bafilipi 2:22

Alīyo ū wei muumanile ī nhūngwa jakwe, nī gīkī ū nene nū wei twalī hamò ū mu kūgūtūmama ū nīmo gwa Ng'hūlū Jawiza, gītī munhū na ng'witūnja wakwe.

Bafilipi 4:15

A bing'we Bafilipi mumanile gīkī kūfuma a ha wandījo wa nīmo gwa Ng'hūlū Jawiza, aho nīnga Makedonia yalī ītīho kanisa yīngī īyo yasangīlaga hamò nane ū mu mhayo gwa kūfunya na kwanukūla, ūlū ītī bing'we bike.

Bafilipi 4:3

Alichene, nū bebe ntūmami ng'wichane ntūngīlīja nalīkwikūmbīlīja ūbagunanhe a bashīke benabo, nguno nabo balī hamò nane ū mu nīmo gwa kūjilwīlīla ī Ng'hūlū Jawiza; pyī nū Kelementi, na a batūmami bichane a bangī, abo mina gabo galī mu shitabo sha būpanga.