Bafilipi 1:11 - Bibilia Ilagano Lya Kale 2015

¹¹ Nīyo ū mulī Kilisito mubize na matwajo mingī ga būtūngīlīja kūlw'ikūjo lya ng'wa Mulungu, na kūlwa kūkumīlījiwa kwakwe.

Sukuma New Testament 2000

¹¹ Nīyo ū mulī Kilisto mubize na matwajo mingī ga būtūngīlīja kūlw'ikūjo lya ng'wa Mulungu, na kūlwa kūkumīlījiwa kwakwe.

Ilagano Ipya Lya

¹¹ Ngʼokajiwe na matwajo ga butungilija, agabiza ho kuhva Yesu Kristo, kwikujo na kukumilijhva kwa Mulungu. Buyegi wa ngʼwa Paulo mu kuluhiwa kwakwe

Bafilipi 1:11 Iomraidhean Croise

Zabuli 1:3

Ū ng'wenūyo alī gītī ntī gūhambilwe hihi na myongo ya minzī, ūyo gūkatwajaga matwajo mu makanza gago, nī lidūūtū lyago lītanyaalaga; ū mu yose īyo akīītaga akīlūkīlagwa mbango.

Isaya 5:2

Akagahogagūla mo pye a mawe, hūna ūlīlīma, ūsolanhya mizabibu ya mbīyū soga ūhamba moi. Ūzenga mo na lūtala lwa balang'hani, n'ikamilo lya mizabibu ūsīmba mo. Hūna ūlindīīla mu kwisagīlwa, aliganika gīkī akūpandīka matwajo masoga ga mizabibu; alīyo ū ngūnda gūtwaja matwajo mabi, ga mizabibu ya mu mapoolu.

Isaya 60:21

A banhū bako pye a bose bakūbiza batūngīlīja, bakwīdima ī sī ībize yabo ilalī; a benaba bal'itambī lya ntī gwa kūhamba nene, nīmo gwa makono gane ng'wenekīlī, kūlwa koolecha ikūjo lyane.

Isaya 61:11

Nguno gīt'ūmo sī īkazwishaga shikolo sha kūzwa, nū mumo ngunda gūkazwishaga īsho shikahambagwa mo; h'ūmo ū Seeba MULUNGU akūbūzwisīja ū būtūngīlīja nū būgongooji hose pyī ū mu mahanga.

Isaya 61:3

kūlagīja kūlwa banhū abo bakūlīlaga ng'hūngū mu Sayuni; bapandīke ngikili ya būlabo a ha ng'wanya gwa mabu, maguta ga būyegi a ha ng'wanya gwa kūlīla ng'hūngū, na shizwalo sh'ikūjo a ha ng'wanya gwa moyo gūchongomeelile. Hūna bakwitanwa gīkī Mitūndū ya būtūngīlīja, shihamvwa sha ng'wa SEEBA kūlwa kūkumūcha ikūjo lyakwe we ng'wenekīlī.

Matayo 5:16

H'ūmo īlī nū kū bing'we, shiigelile ī lisana ling'we līyūbatiimīla a banhū, bashibone ī shītīle shing'we ī shawiza, bankūje ū Sīng'we ūyo alī ng'wigūlū.”

Yohana 15:16

Mutanisolile bing'we ū nene, ū nene hū namusolile a bing'we, nūng'winha nīmo gwa kūja mukūtwajaga matwajo. Hama a matwajo ging'we gabize ga kūshinga ho, hangī muyūnomba ū Baba būlī shikolo īsho mutogilwe, wang'winha mu lina lyane.

Yohana 15:2

Būlī itambī īlo līlī mulī nene ūlū lītatwajaga matwajo akalyīnjaga, alīyo būlī lyene īlo līkatwajaga matwajo akalīkongoolelaga lyabeela, lyongeja ū kūtwaja.

Yohana 15:8

Ū Baba akwinhwa ikūjo ūlū muyūtwaja matwajo mingī, nguno hū mukūbiza bahemba bane.

Balumi 15:28

Na lūūlū, ūlū nalagūmale ū nīmo gwenūyo, nabize naamana hape gīkī bashanukūla ī shikolo shenīsho, nakūbūūka ū lūgendo lwa kūja ī Spania, nabīte koi ū kū bing'we.

Balumi 6:22

Alīyo īkī ī haha mutungūlilwe ū mu būsese bo shibi, ng'wingījiwa mu būsese bo ng'wa Mulungu, mulī nayo ī solobo ying'we; hū kwejiwa, ī ng'halīlo yaho būpanga butashilaga.

1 Bakolinto 10:31

Hūna lūūlū, ūlū mulīlya nūūlū mulīng'wa, nūūlū mulībeeja mhayo gose gose; beejagi pyī ī yose kūlw'ikūjo lya ng'wa Mulungu.

2 Bakolinto 9:10

Hūna lūūlū ūyo akang'winhaga mībi mbīyū na shilīwa sha kūlya, na a bing'we akūng'winha ī mbīyū. Hama a matwajo ging'we ga būtūngīlīja akūgakwīja gabize mingī;

Baefeso 1:12

A bise abo tūlī batongi kūng'wisagīlwa ū Kilisito, tūsolilwe gīkī tūbize ho kūlw'ikūjo na kūkumīlījiwa kwakwe.

Baefeso 1:14

Hū ng'wene ūyo alī lūmeng'ho lwa wingīji wise kūshisha būshikīīle ū būkomoolwa wa banhū bakwe kūlwa kūkumīlījiwa kw'ikūjo lyakwe.

Baefeso 2:10

Nguno tūlī shiseeng'wa sha ng'wa Mulungu, tūbeejiwe mulī Kilisito Yesu kūlwa shītwa shawiza, īsho ashilonja longije kūfuma kale gīkī tūshimīzīle musho.

Baefeso 5:9

(Īkī ī litwajo lya ng'wisana līlī mu wiza bose na būtūngīlīja na ng'hana).

Bafilipi 4:17

Ītī gīkī nalī nchooji wa shakwinhwa, alīyo nalīgayegela a matwajo ayo galongeja kūkwīla kūlwa kūng'wenhela lubango a bing'we.

Bakolose 1:10

Mudūle kūshimīza gīt'ūmo īng'wigeleelilwe kū būtongi bo ng'wa Seeba, munyeje mu yose, mubize na matwajo mu būlī nīmo gwawiza; hangī mukūle ū mu kūmana ū Mulungu.

Bakolose 1:6

Ījo jamupandīkile, na jikūjaga jūtwaja matwajo na kongeja kwigalīhīja hose pyī ū mu sī, gīt'ūmo jikwītīlaga nū mu bing'we, kwandīja lūshikū ūlo mukajiigwīla, nī shigongo sha ng'wa Mulungu ng'ūshimana mu ng'hana.

2 Batesalonike 1:12

Ū mu gīko ī lina lya ng'wa Seeba wise Yesu līkūkumīlījiwa ū mu bing'we, na a bing'we ū mulī wei, gīt'ūmo shilī shigongo sha ng'wa Mulungu wise na Seeba Yesu Kilisito.

Tito 3:14

Nīyo a banhū bise ni bilangage kwīta yawiza, bayūgunanha aho būlīho būgehelwa, batizūbiza batī na matwajo.

Bahebrania 12:11

Pye a banhū gūtabayejaga ū mhayo gwa kūhūgūlwa ū ng'wikanza īlo gūlītūmama, nguno gūkaminyaga; alīyo ū kū shikū ja kū būtongi gūkatwajaga matwajo ga mhola na būtūngīlīja, ū mu banhū abo bakilangaga kūfuma mugo.

1 Petro 2:12

Bizagi na kashimīzīle kawiza ū kū būtongi bo banhū abo batamanile Mulungu, ībize nūūlū balīmuhaya kībi gīkī mulī bīīti ba mihayo yabūbi, alīyo ū mu kūshibona ī shītwa shing'we ī shawiza balankumīlīje Mulungu, ū mu lūshikū lo kūsangwa.

1 Petro 2:5

Na a bing'we ī haha mulī gītī mawe mapanga, ayo gakūzengagwa kūbiza numba ībeejiwe mu kazengele ka ng'wa Moyo, ng'wingīle mu būgabīji wela kūlwa kūntūmamīla Mulungu mu katongeelelwe ka ng'wa Moyo, ako kazunīlījiwe mulī Yesu Kilisito.

1 Petro 2:9

Alīyo a bing'we mulī būbyīle bose wa būsolwa, būgabīji bo nyatemi, ihanga lyeela, banhū bakwe ba wikomangīle kūlwa kūkumūcha wiza bokwe ūyo wang'witana kūfuma mu giiti kwingīla ng'wisana lyakwe īlo līlī na wiza būkīlanīgije.

1 Petro 4:14

Ūlū mulīsondagūlwa kūlwa lina lya ng'wa Kilisito ibalagi gīkī mulī na lubango, nguno ū Moyo w'ikūjo na wa ng'wa Mulungu alī hamò ning'we.