Bafilipi 1:1 - Bibilia Ilagano Lya Kale 2015

¹ Nene Paulo na Timotheo, basese ba ng'wa Kilisito Yesu: Kū beela bose abo balī mulī Kilisito Yesu, abo bazengile Filipi; hamò na a baasikofu, na a bagunanhi.

Sukuma New Testament 2000

¹ Nene Paulo na Timoteo, basese ba ng'wa Kilisto Yesu: Kū beela bose abo balī mulī Kilisto Yesu, abo bazengile Filipi; hamò na a baasikofu, na a bagunaani.

Ilagano Ipya Lya

¹ Paulo na Timoteo, basese ba ngʼwa Yesu Kristo, ku bela bose muli Kristo Yesu abali mu Filipi kihamo na balindi na binhilija.

Bafilipi 1:1 Iomraidhean Croise

Maliko 13:34

Īlī gītī namugī kwīnga ha ng'wakwe ūja lūgendo, wīleka ī kaya yakwe īlīlang'hanwa na batūmami bakwe, būlī ng'wene ūng'winha nīmo gokwe. Ū nang'hani o ha mita ūnkomeleja kwikala nzūgūlū matū!

Yohana 12:26

Ū wa kūnitūmamīla ni anilondeelage, nīyo aho nalī ū nene, nū ntūmami wane shing'wigelile abize henaho; ū wa kūnitūmamīla akūkūjiwa nū Baba!”

Shītwa 1:20

“Nguno ū mu shitabo sha Zabuli handīkilwe gīkī, ‘Ū wikalo bokwe būlekwe dalali, nīyo atizūzenga mo munhū ūngī;’ na gīkī, ‘Ū nīmo gokwe gūsolwe na ūngī.’

Shītwa 20:28

Hū kūhaya ilang'hanagi a bing'we benekīlī, nī lidale ī lyose īlo Moyo Ng'wela amutūūlile kūbiza balang'hani balyo; īdīīmagi ī kanisa ya ng'wa Mulungu, īyo wīpandīka mu kwita mininga gakwe wei ng'wenekīlī.

Shītwa 9:13

Nang'hwe ū Anania ūshosha ūhaya, “Seeba ū munhū ng'wenūyo nayigwile mingī ī mihayo yakwe īyo akūbīītīlaga a beela bako ī Yelusalemu.

Balumi 1:1

Nene Paulo nsese o ng'wa Kilisito Yesu, ūyo nitanwa kūbiza ntūng'wa, nguno nakomilwe kūlwa nīmo gwa Ng'hūlū Jawiza ja ng'wa Mulungu,

Balumi 1:7

bose abo mulī Lumi, abo Mulungu amutogilwe, na wang'witana kūbiza beela: Shigongo na mhola shibize hamò ning'we kūfuma kūlī Mulungu Sīswe, na kūfuma kūlī Seeba Yesu Kilisito.

1 Bakolinto 16:10

Ū Timotheo ūlū alize ū kū bing'we nang'hanagi, atizūbiza wa kwikala wisūsa sūsaga kūlwa booba; nguno nū ng'wene ntūmami wa nīmo go ng'wa Seeba, gīt'ūmo nakwītīlaga dūhū ū nene.

2 Bakolinto 1:1

Nene Paulo ntūng'wa wa ng'wa Kilisito Yesu kūlwa būtogwa bo ng'wa Mulungu, na ndūgū wise Timotheo. Kū kanisa ya ng'wa Mulungu īyo īlī mu Kolinto, na kū beela bose abo balī mu Akaya ī yose.

Bagalatia 1:10

Ī gīsī ū nene nalīkooba kī, kūkumīlījiwa na banhū, nūūlū na Mulungu? Nūūlū hamo nalīkooba kūyeja banhū? Ūlū ni nataalī nūkooba kūyeja banhū ni natī nsese wa ng'wa Kilisito na hado yaya!

Bagalatia 3:26

Nguno pye a bose mulī baana ba ng'wa Mulungu kūlwa kūnzunya Kilisito Yesu.

Bagalatia 3:28

Būtīho būsolanhyiwa a ha gatī ya Nyudaya nū w'ihanga līngī, na a ha gatī ya nsese nū yūyo alī mu wiyabī, nūūlū a ha gatī ya ngosha na nkīma; nguno ū mulī Kilisito Yesu pye a bose mulī būmò.

Baefeso 1:1

Nene Paulo ntūng'wa wa ng'wa Kilisito Yesu, kūlwa būtogwa bo ng'wa Mulungu. Kū beela ba Efeso, abo banzunije Kilisito Yesu.

Baefeso 1:15

Hūna lūūlū, īkī nane naajiigwile ī mhola jing'we ūmo munsanīgije ū Seeba Yesu, nū būtogwa wing'we ū kū banhū bose,

Baefeso 6:24

Shigongo shibize hamò na bose abo bantogilwe Seeba wise Yesu Kilisito, mu būtogwa būtī bo kūkenaagūka.

Bafilipi 2:19

Ali lūūlū, nalī na kwisagīlwa mulī Seeba Yesu gīkī, nakūntūma Timotheo ize wangū ū kū bing'we, nane nīmane ī mihayo ying'we, nayege.

Bafilipi 2:5

Ning'we bizagi nalyo ī liganiko īlo walī nalyo ū Kilisito Yesu;

Bafilipi 3:12

H'ītī kūhaya gīkī ū nene naamalile kūheeba, nūūlū gīkī naashikile a ha ngelelo ya būshikanu, alīyo nataalī nakūzegejaga, nane nagūdime ūyo Kilisito Yesu anidimile kūlwa nguno yago.

Bafilipi 3:3

Nguno a bise h'abo tūsaalilwe, a bise abo tūkalamyaga mu kūtongeelwa na Moyo wa ng'wa Mulungu, na tūkayegelaga mulī Kilisito Yesu; abo tūtasendamīlile mīlī.

Bafilipi 3:8

Hangī nīyo na kūtinda ho a henaho, nguno pyī ī mihayo nakwībalaga kūbiza ya dalali kūlwa wiza būtaale wa kūmana Kilisito Yesu Seeba wane, ūyo kūlwa nguno yakwe naajimīīja pyī ī shikolo. Nīyo nakūshibalaga kūbiza gītī maashi, gīkī nampandīke ū Kilisito,

1 Batesalonike 1:1

Nene Paulo, hamò na Silwano na Timotheo; kū kanisa ya Batesalonike īyo īlī mulī Mulungu Sīswe na Seeba Yesu Kilisito. Shigongo na mhola shibize hamò ning'we.

1 Batesalonike 2:2

Mumanile gīkī aho twalī mu Filipi twalī na makoye no, na gīkī twasondagūlagwa kībi no. Alīyo nahene nūūlū īkī twalī mu makoye mingī, twalī na būshisha ng'holò kūfuma kūlī Mulungu wise; h'ī nguno yene tūkamulomeela ū mhayo gokwe.

2 Batesalonike 1:1

Nene Paulo, hamò na Silwano na Timotheo; kū kanisa ya Batesalonike, īyo īlī mulī Mulungu Sīswe na Seeba Yesu Kilisito.

2 Batesalonike 1:10

Ū ng'wikanza lya kwiza kwakwe lyenīlo, a beela bakwe bakūnkumīlīja, nīyo pye a bazunya bakūnyegela; na a bing'we mukūbiza mo, nguno mubūzunije ū būkaanīji wise ūbo tūkang'winha.

1 Timoteo 1:2

Kūlī Timotheo ng'wana wane gete ū mu kūzunya; shigongo na wiza na mhola shibize hamò nang'ho, kūfuma kūlī Mulungu Sīswe na Kilisito Yesu Seeba wise.

1 Timoteo 3:8

Na a bagunanhi nabo shibigelile babize banhū abo bigeleelilwe ikūjo, batī na magalū galū, batizūbiza bakolwa walwa, nūūlū batizūbiza bayegelile sabo ja būnyeecha.

Tito 1:1

Nene Paulo nsese o ng'wa Mulungu, na ntūng'wa o ng'wa Yesu Kilisito, kūlwa kūbagunanha basolwa ba ng'wa Mulungu mu kūzunya kwabo; bayitegeleje ī ng'hana īyo yigwīndanije na wela,

Tito 1:7

Nguno ū nang'hani wa kanisa ng'wene mīkījiwa o ng'wa Mulungu, hūna lūūlū shing'wigelile abize atī na shilingo, atī wa kwiyeja wei ng'wenekīlī dūhū. Atī ng'wangū kūpelana, atī nkolwa walwa, atī ntūji banhū, nūūlū atī nchooji wa shikolo mu nzīla ja minala.

Filimoni 1:1

Nene Paulo ntungwa kūlwa ng'wa Kilisito Yesu, na ndūgū Timotheo. Kūlī ntūmami ng'wichiswi ntogwa Filimoni,

Bahebrania 13:23

Managi gīkī ū ndūgū wise ū Timotheo walekelilwe, ūlū alangūhe ū kwiza, nakwiza nang'hwe ko, twize tūmubone.

Yakobo 1:1

Nene Yakobo, nsese wa ng'wa Mulungu na wa ng'wa Seeba Yesu Kilisito, kū ng'anda ikūmi n'ibīlī ījo jisambaalile hose hose: Nalīmugīsha.

1 Petro 2:25

Nguno ī kwandya ng'walī gītī ng'holo jijimīīlile; alīyo ī haha ng'wanshokelile ū Ndīīmi, ūyo hangī alī Nang'hani wa būpanga wing'we.

2 Petro 1:1

Nene Simioni Petelo, nsese na ntūng'wa o ng'wa Yesu Kilisito; kū banhū abo kūlwa būtūngīlīja bo ng'wa Mulungu na Mpīja wise Seeba Yesu Kilisito, bamala kwanukūla kūzunya gītī kwise, ūyo gūlī mhayo gwa mpango ntaale.

Yuda 1:1

Nene Yuda nsese wa ng'wa Yesu Kilisito, na ng'wana wa ng'wawe wa ng'wa Yakobo. Kū batogwa abo balī bitanwa, hangī balang'hanilwe na Mulungu Sīswe mulī Yesu Kilisito.

Kukundulwa 1:1

Ū wenūbū būlī būsombooji bo mihayo īyo Yesu Kilisito akinhwa na Mulungu, kūboolekeja a basese bakwe īyo yigelile ībize ho wangū. Wīkundūla na kwīyoolecha mu nzīla ya kūntūma malaika wakwe kūlī ntūmami wakwe Yohana,

Kukundulwa 1:20

Ī mbisīla ya Sonda mpungatī ījo wajibonaga mu nkono gwane gwa būlyo, na a makīndīkīlo mpungatī ga tala a ga zahabu, yīyī, ī Sonda mpungatī balī bamalaika ba kanisa mpungatī, alīyo a makīndīkīlo ga tala ayo mpungatī, a gene h'ī kanisa mpungatī jenekīlī.

Kukundulwa 19:10

Nūgwa kū magūlū gakwe gīkī naanamye; alīyo ūniwīla, “Lekaga ū kwīta gīko, nū nene nalī ntūmami ng'wiyo dūhū, hamò na a badūgū bako abo balī na būkaanīji bo ng'wa Yesu. Namyage Mulungu, nguno ū būkaanīji bo ng'wa Yesu gūlī moyo gwa būhangi!”

Kukundulwa 2:12

“Nū malaika wa kanisa ya Peligamo ng'wandīkīlage gīkī, ‘Ī mihayo īyī alīyīhaya ūyo alī na līlūshū lyūgī lya būūgī būbīlī:

Kukundulwa 2:8

“Nū malaika wa kanisa ya Similina ng'wandīkīlage gīkī, ‘Ī mihayo īyī alīyīhaya ūyo alī wa Kwandya na wa Kūmalīja, ūyo akacha, alīyo ūbiza mpanga hangī:

Kukundulwa 22:9

Alīyo ū wei ūniwīla, “Lekaga ū kwīta ī gīko, ū nene nane nalī ntūmami ng'wiyo dūhū, hamò na a badūgū bako a bahangi, na a babo bīdimile ī mihayo ya mu shitabo shenīshi, namyage Mulungu!”