1 Sang'weli 5:2 - Bibilia Ilagano Lya Kale 2015

² Hūna ī lisandīko lya ng'wa Mulungu būlītūūla mu hekalu ya ng'wa Dagoni.

1 Sang'weli 5:2 Iomraidhean Croise

Balamuji 16:23

Lwise lūmò a basugi ba Bafilisiti bikuminga kūlw'ikanza lya kūfunya shitambò shitaale kūlī mulungu wabo Dagoni, na kūlya shigukulu. Nguno bakahaya gīkī, “Ū mulungu wise wantūūlile mu makono gise ū ng'wanishi wise ū Samsoni.”

Danyeli 5:23

A ha ng'wanya gwaho ū bebe witūūlaga higūlya ya ng'wa Seeba wa ng'wigūlū, ūlagījaga wenhelwa ī shikombe sha zahabu sha kūfuma mu hekalu yakwe. Hūna ū bebe ng'wenūyū na a banikūlū bako na a bake bako, na a bakīma bako a bangī ng'wūshing'wela divai, kūnū mukūkumīlījaga bamulungu ba zahabu na ba feza, ba shaba, na ba chūma, na ba mantī na ba mawe; abo batī na būdūla wa kūbona nūūlū kwigwa, nūūlū kwitegeleja. Alīyo ū Mulungu mutankūgije, ūyo abūdimīīlile mu nkono gwakwe ū būpanga wako nī nzīla jako pyī ī jose.

Danyeli 5:2

Ū Belishaza aho akūng'waga ī divai yakwe, akīīta ūlagīja gīkī shenhwe ī shikombe sha zahabu nī sha feza, īsho ise Nebukadineza walī washīnja mu hekalu ya Yelusalemu, gīkī ū ntemi na a banikūlū bakwe na a bake bakwe, na a bakīma bakwe a bangī bize bashing'wele.

1 Mihayo ya Shikū 10:10

Ī shilanga shakwe būshitūūla mu hekalu ya bamulungu babo, ū ntwe gwakwe būgūnungeleja mu hekalu ya ng'wa Dagoni.

Habakuki 1:16

Hūna ū ntego gwakwe wayūgūfunīja shitambò, nī ligokoolo lyakwe wayūlīzuukīja shitambò sha ng'waso gwawiza. Nguno kūfuma ū mu ntego gwakwe akapandīkanga sha kwiyeja mu būpanga bokwe, akalīīlaga mo shizeeze wigūta.

Habakuki 1:11

Bakahūhūūtījaga gītī nshūūlūlū bang'ula bajile. Gwike balī mu kwihīga a benabo, abo nguzu jabo h'ū mulungu wabo.

1 Mihayo ya Shikū 10:8

Ī ntondo yaho a Bafilisiti aho biza kūsola ī shikolo sha banhū abo baalī babūlagwa, būnsanga ū Saulo mu lūgūlū lwa Giliboa, achile hamò na a bitūnja bakwe a badatū.