1 Sang'weli 10:3 - Bibilia Ilagano Lya Kale 2015

³ Hama ūlū wīnga a henaho ūkūshimīza ūūkashika kū ntī ntaale gwa Tabooli. A henaho ūkūmanhya na bagosha badatū balīlinha kūja Beeseli kū numba ya ng'wa Mulungu. Ūmò wabo akūbiza abūūkije baana ba mbūli badatū, ūngī migatī idatū, ū ūngī shisaabo sha divai.

1 Sang'weli 10:3 Iomraidhean Croise

wandījo 35:3

Nguno tūlīnga a henaha tūje Beeseli, ūko nalīkazenga ng'walīlo kūlwa ng'wa Mulungu, ūyo akaniidīka aho naalīlaga ng'wikanza lya makoye gane; ūyo nīyo alī hamò nane būlī kwene ūko nakūjaga.”

wandījo 35:1

Hūna ū Mulungu ūng'wīla ū Yakobo gīkī, “Jaga Beeseli lūūlū ī haha ūkazenge kwenūko, ūbeeje na ng'walīlo koi kūlwa ng'wa Mulungu, ūyo akakwilongela aho wampeelaga nkūlūyo Esau.”

wandījo 28:22

A h'iwe īlo naalītūūla lyīmīīla gītī ng'hīngī lyenīlī, īkūbiza ho numba ya ng'wa Mulungu; nū mu shose īsho ūkūninha, nakūkwinha īmò ya ng'wikūmi.”

wandījo 28:19

Ī lipandī lyenīlo ūlitana Beeseli nūūlū īkī ū nzengo gwa kwenūko gwitanagwa Luzi.

Zabuli 89:12

Ī sukuma wībeeja bebe, nī dakama; Ī Taboli nī Helimoni, ī lina lyako shikalīkumīlījaga mu būyegi.

Balamuji 8:18

Hanuma ya henaho ūbabūūja a ba Zeba nū Zalimuna gīkī, “A bagosha abo mukababūlaga Tabooli baalī ba mbika kī?” Būnshokeja, “Baalī gīt'ūmo ūlī ū bebe gīko, baali gītī baana ba batemi.”

Balamuji 4:12

Ūwīlwa ū Sisela gīkī ū Balaaka ng'witūnja o ng'wa Abinoamu walinhaga kū lūgūlū lwa Tabooli.

Balamuji 4:6

Ū nshīke ng'wenūyo akatūma banhū kūja Kedeeshi kū sī ya lūganda lwa Nafutali, kūng'witana Balaaka ng'witūnja o ng'wa Abinoamu; ūng'wīla, “Ū Seeba Mulungu wa Baisilaeli alīkūlagīla gīkī, ‘Solaga banhū shihūmbī ikūmi kūfuma mu lūganda lwa Nafutali na Zabuloni, ūbatongeele kūja kū lūgūlū lwa Tabooli.

Yoshwa 19:22

Ī sī yabo yalī ībimbīkanilwe na Tabooli, Shahazuma, na Beti-shemeshi; hūn'ū lūbīmbī lwabo lūūkakalīkīla ha mongo gwa Yolodani. Yalī mizengo ikūmi n'ītandatū hamò na magūngūli gayo.

Yoshwa 19:12

Ū kwīnga ī Salidi lūūtūla kuluba kūlola kīya, lūūkabīmbīkanwa na sī ya Kisiloti-tabooli, lūūgoloola lūjile Dabeela, hūna lūūlinha kūja Yafia.

Bagabīji 23:13

Mukwīfunya hamò na shakwinha shayo sha būsu, kilo gītī ibīlī ja būsu būnogu būsangije maguta. Ī shenīsho shilī shakwinha kūlwa ng'wa SEEBA, sha kūpemva mu moto kūlwa ng'waso gwawiza; mukūfunya na shakwinha shaho sha kūng'wiwa, liita gītī īmò ya divai.

Bagabīji 7:13

Ūlū alenha ī shakwinha shakwe sha būsangī kūlwa kūlūmba, akūfunya na shakwinha sha migatī ībeejiwe na būsu būsangije shibimbya.

Bagabīji 3:12

Ī shitambò shakwe ūlū mbūli, akwīyenha kū būtongi bo ng'wa SEEBA;

Bagabīji 3:6

Hama ūlū munhū ūfunya ng'holo kūlwa ng'wa SEEBA gīkī ībize shitambò shakwe sha būsangī, akūfunya ng'osha nūūlū ng'hīma ītī na būka.

Bagabīji 1:10

Ī shitambò ūlū shifumile ng'widaale lya ng'holo nūūlū mbūli, akūfunya ng'osha ītī na būka.

1 Sang'weli 10:4

A banhū benabo bakūkūgīsha, hama būkwinha migatī idatū; nang'ho ūkwīyanukūla kūfuma ū mu makono gabo.

Yelemia 32:8

Na ng'hana gīt'ūmo SEEBA walī wahayīla, ū ng'wanobaaba ū Hanameli, wiza ū ng'wibīndo lya balang'hani; ūnīwīla, “Līgūlage ī lilaale lyane īlo līlī Anasosi mu sī ya Benjamini, nguno ū bebe h'īkwigeleelilwe kūlīkomoola ībize sabo yako; līgūlage lībize lyako lya wikomangīle.” Ū mu gīko hū nūdeeba gīkī ng'hana ū gwenūyo gwalī mhayo go ng'wa SEEBA;

Balamuji 20:18

Na lūūlū a Baisilaeli būja Beeseli kūbūūja kūlī SEEBA. Būūhaya gīkī, “Ūmo tūlī ng'wenūmu, nani atonge ū kūja kwilwisha na a banhū ba lūganda lwa Benjamini?” Ū SEEBA ūhaya, “Yuda ni atongage ū kūja.”

Balamuji 20:23

Gwike a Baisilaeli būja kūnīlīīla ū SEEBA taame; būnīlīīla na kūmūūja balīhaya, “Tūje hangī ū kū būlūgū tūkilwishe na a badūgū bise a banhū ba lūganda lwa ng'wa Benjamini?” Nang'hwe ū SEEBA ūbawīla, “Jagi ko mukalwe nabo.”

Balamuji 20:27

Hanuma būmūūja a Baisilaeli ū SEEBA, (ū mu shikū jenījo ī lisandīko lya būlagane bo ng'wa SEEBA lyalī kwenūko;