1 Bakolinto 7:2 - Bibilia Ilagano Lya Kale 2015

² Alīyo kūlwa nguno ya kogoha būjingi, būlī ngosha ni abizage na nke wakwe ng'wenekīlī, na a bakīma gīko; nabo būlī ng'wene abize na ngoshi wakwe ng'wenekīlī.

Sukuma New Testament 2000

² Alīyo kūlwa nguno ya kogoha būjingi, būlī ngosha ni abizage na nke wakwe ng'wenekīlī, na a bakīma gīko; nabo būlī ng'wene abize na ngoshi wakwe ng'wenekīlī.

Ilagano Ipya Lya

² Aliyo kulwa kuwihunga bujingi, buli ngosha abize na nke wakwe ngʼwenekele, na buli nkima abize na ngoshi wakwe ngʼwenekele.

1 Bakolinto 7:2 Iomraidhean Croise

Sumo 18:22

Ūyo ūpandīka nke wapandīkaga munhū wa mpango ntaale, wīlūkīlagwa wiza kūfuma kūlī SEEBA.

Sumo 19:14

Ū wingīji bo manumba na sabo būkafumaga kū babyaji, alīyo ū ngosha akapandīkaga nke ng'witegeleja kūfuma kūlī SEEBA.

Malaki 2:14

Mulīyūbūūja, “Nibūlī?” Īlī kunguno ū SEEBA alī na būkaanīji a ha gatī yako nū nke wako wa ha būsūmba; ū bebe ūtī nsanyiwa ū kūlī we nūūlū īkī ū ng'wenūyo ng'wiyo gete, nke wako mu nzīla y'ilagane lya witooji.

Matayo 5:32

Alīyo ū nene nalīmuwīla gīkī, ūyo ūneka nke wakwe kūlwa nguno yīngī yose yose, ūlū ītī kūlwa nguno ya būshihani, wang'wītaga kūbiza nshihani; hangī nū ngosha ūyo ūntoola nkīma alekilwe, nang'hwe wingīlaga mu būshihani.”

1 Bakolinto 6:18

Bing'we, būpeelagi ū būjingi; shibi shose shose īsho munhū wīta shilī hanze ya mīlī gokwe, alīyo ūlū wīta būjingi, aliyītīla shibi mu mīlī gokwe wei ng'wenekīlī.

1 Bakolinto 7:1

Ali lūūlū ū mu mihayo īyo ng'wanandīkīlile, īlī hambū hambū ū munhū atizūtoola nūūlū kūtoolwa.

1 Bakolinto 7:3

Ū ngosha ang'wītīle ū nke gīt'ūmo shiigelile; nū nkīma ang'wītīle chene ū ngoshi wakwe.

1 Bakolinto 7:9

Gwike ūlū būlemeelwa ū kwilang'hana, ni batoolage nūūlū kūtoolwa, nguno īlī chiza ū kūtoola nūūlū kūtoolwa, kūtinda kūminyiwa makoye ga kwikūmva.

Baefeso 5:28

H'ūmo shibigelile na a bagosha kūbatogwa a bake babo, gītī mibīlī yabo benekīlī. Ūyo antogilwe nke wakwe, itogilwe wei ng'wenekīlī.

Baefeso 5:33

Gwike h'ūmo īlī nū kū bing'we, būlī ng'wene antogwe ū nke wakwe, nū nkīma abize na logohano ū kūlī ngoshi wakwe.

1 Batesalonike 4:4

Būlī ūmò wing'we amane ū kūgūlang'hana ū mīlī gokwe mu wela n'ikūjo.

1 Timoteo 4:3

Bakūyūlemeja na mihayo gītī ya witooji, nūūlū kūlya shilīwa īsho shibeejiwe na Mulungu, gīkī shanukūlwe mu būyegi na a bazunya abo bayīdeebile ī ng'hana.

Balamuji 21:22

A basaabo nūūlū a basīza babo ūlū biza kūtūwīla, tūkūhooya nabo tūbawīle gīkī, ‘Tūchīlagi shigongo tūbagunaane, nguno tūkilewa ū kūbapandīkīla a bakīma ū ng'wikanza lya būlūgū. A bing'we mutī na būbi nguno mutī bing'we abo mulībinha a bashīke bing'we ū kūbo.’”