1 Bakolinto 5:2 - Bibilia Ilagano Lya Kale 2015

² Nibūlī mukwikumīlījaga, aho yalī īng'wigeleelilwe kūpīnīhala, na kūnkīndīka ū munhū ūyo wagwītile ū mhayo gwenūyo?

Sukuma New Testament 2000

² Nibūlī mukwikumīlījaga, aho yalī īng'wigeleelilwe kūpīnīhala, na kūnkīndīka ū munhū ūyo wagwītile ū mhayo gwenūyo?

Ilagano Ipya Lya

² Na bingʼwe mulidosa, na kupinihala yaya, giki, injiwe ho mu bingʼwe ngʼwenuyo witile chitile cheniki.

1 Bakolinto 5:2 Iomraidhean Croise

2 Batemi 22:19

Īkī ī ng'holò yako yoolechaga hape gīkī wagalūkaga na kwidoohya ū kū būtongi bo ng'wa SEEBA aho wīyiigwa ī mihayo īyo nīhaya kūlwa nguno y'ipandī lyenīlī na a banhū baamo, ī gīkī bakūzung'wa, nī lipandī lyabo lībize buyīkī; na lūūlū ū bebe īkī watandūlaga na shizwalo shako ūlīla na kū būtongi bone, nakwigwaga, alīhaya ū SEEBA.

Zabuli 119:136

A miso gane gakūsejaga shisoji gītī myongo, nguno ī shilagīlo shako shitūdimagwa.

Yelemia 13:17

Alīyo ūlū mutiigwa, nakūlīla ū mu gatī ya ng'holò yane kūlwa wikumīlīja wing'we; a miso gane gakūlīla mu kūsaatwa kūtaale gahūūme shisoji, nguno ī lidaale lya ng'wa SEEBA līkūtwalwa mu būding'wa.

Ezekia 9:4

Ūng'wīla, “Bīta bītaga pye a hose ū mu nzengo gwa Yelusalemu, ūje ūkūbatūūlīlaga meng'ho abo bakapīnīhalaga na kūlīla kūlwa mihayo y'ipelanya īyo īkīītagwa ū mu nzengo gwenūyū.”

Ezekia 9:6

Būlagagi pye gete, banamhala, basūmba, banhya, bakīma na a baana; alīyo ose ose ūyo alī na lūmeng'ho yaya ū kūnkuumya. Andījagi ū ng'wipandī lyane lyeela.” Būbandīja a banamhala abo baalī kū būtongi bo hekalu.

Kūbala 25:6

Kwimanīla ngosha ūmò Ng'wisilaeli wenha nkīma, ūmò wa Bamidiani; ūng'wingīja mu numba ya ng'wawe, hape hape kū būtongi bo ng'wa Musa. Nī libità ī lyose līlolile; nīyo pye a banhū baalī kū būtongi w'iheema lya kwibilingīla bakūlīlaga!

1 Bakolinto 4:18

Gwike bamò bing'we bandije kwigīmba gīmba gītī gīkī natizaga ko ū nene!

1 Bakolinto 5:13

Nguno abo balī hanze akūbalamula Mulungu, a bing'we nsūngūlagi ū wabūbi mung'wīnje ū mu bing'we.

2 Bakolinto 12:20

Bing'we, nalogoha natizūshika ko namusange mutī gīt'ūmo natogelilwe, na a bing'we munibone ū nene natī gīt'ūmo mutogelilwe. Hamo nakūsanga mukūkoyiagwa wilemeelwa, wilu, kwisaayīla, wilwisha, būlwisanya, būsīgani, wikumīlīja na wiyugagūji.

2 Bakolinto 12:21

Nalīnomba ū Mulungu one atizūnidoheleja hangī ū kū būtongi wing'we, ūlū nalize ko! Nguno bingī abo baalī bīīta shibi bakūnilīja būpīna, ūlū nalabasange bataalī kūgalūka na kūlekana nabo ū būsoso nū būjingi, nū būbi ūbo baalī bawīta!