1 Bakolinto 4:9 - Bibilia Ilagano Lya Kale 2015

⁹ Nguno naliganika gīkī ū Mulungu atūtūūlile ho a bise batūng'wa, gīkī tūbize ba kūmalīja ū mu banhū abo basolilwe kūlwa kūbūlagwa. Tūlībiza gītī shiiloleelo ū mu sī, ū kū bamalaika nū kū banhū.

Sukuma New Testament 2000

⁹ Nguno naliganika gīkī ū Mulungu atūtūūlile ho a bise batūng'wa, gīkī tūbize ba kūmalīja ū mu banhū abo basolilwe kūlwa kūbūlagwa. Tūlībiza gītī shiiloleelo ū mu sī: ū kū bamalaika nū kū banhū.

Ilagano Ipya Lya

⁹ Iki niganika giki, Mulungu watolekije biswe a batungʼwa kubiza ba ku bukalikijo, giti banhu abakongʼwa kubulagwa: iki twaabiza cha kwilolelwa ku si, ku bamalaika, na ku banhu.

1 Bakolinto 4:9 Iomraidhean Croise

Zabuli 44:22

Alīyo līīmi ji tūkūbūlagagwa kūlwa nguno yako, tūbalilwe gītī tūlī ng'holo ja kūsīnzwa.

Zabuli 71:7

Nguno ū kū bingī nalī gītī shidagū, alīyo ū bebe ūl'ibūngīlò lyane lya nguzu.

Yelemia 20:18

Nibūlī nakafuma ū mu nda, kwiza kūmanhya na makoye na būpīna; nī shikū jane jikalīke nalī mu magooke?”

Shītwa 19:29

Pyī ū nzengo gūyuugūka, būbahaja biye ba ng'wa Paulo, ba Gayo na Alisitako bana Makedonia, būbatwala kwinumba lya kwiloleelela mabina na mawigusha; pye a banhū būlilimūka nhambo bajile ko.

Shītwa 19:31

Hama bamò ba batongeeji baalī banwani biye, būtūma nhūng'wa balīng'wikūmbīlīja atizūkiyoolecha ū kwinumba lyenīlo.

Balumi 8:36

H'ūmo gwandīkīlilwe; gīkī, “Līīmi ji tūkūbūlagagwa kūlwa nguno yako, tūbalilwe gītī tūlī ng'holo ja kūsīnzwa!”

1 Bakolinto 15:19

Ūlū gīkī ū kwisagīlwa kwise ū mulī Kilisito kūgelelile mu būpanga ūbū dūhū, numho a bise hū tūlī ba kūpīnīhalīlwa kūtinda pye a banhū!

2 Bakolinto 11:23

Balī batūmami ba ng'wa Kilisito? Nahaye gītī natīnīkile ntwe, ū nene na kūkīla ho a henaho! Ng'hangala ningī no nakūbizaga mu milīmo midito, nū kūtungwa mu jeela naho hingī, nū kūtūlwa naho hingī dūhū, pyī nū kūbiza mu nhabaala ja kūcha!

2 Bakolinto 6:9

Mu kūbiza gītī tūtamanīkile alīyo tūmanilwe chiza no, mu kūbalwa gītī tūchile alīyo mulībona tūlī bapanga, gītī tūkūtūlagwa mu kūhūgūlwa alīyo yaya ū kūbūlagwa.

1 Batesalonike 3:3

atizigela nūūlū ūmò wing'we wa kūtala kūlwa būluhiwa wenūbū. Nguno a bing'we benekīlī mumanile hape gīkī shitwigeleelilwe kūluhiwa.

Bahebrania 1:14

Angū, a bamalaika a bose batī myoyo mitūmami, īyo īkatūmagwa kūlwa nguno ya babo bakūbiza bingīji ū mu būpīji?

Bahebrania 10:33

Nguno makanza gamò a bing'we benekīlī ng'wasondagūlagwa na kūluhiwa bo hape hape; makanza gangī ng'wasangīlaga nabo abo bīītīlagwa ī mihayo yenīyo.

Bahebrania 11:36

Bangī bagwaga mu būgeng'wa būtaale no bo kwineenelegejiwa na kūtūlwa, hamò na kūyūtungwa baponyiwa mu jeela.