1 Bakolinto 4:8 - Bibilia Ilagano Lya Kale 2015

⁸ Ī haha a bing'we ng'wapandīkile ī sha kūng'wigela, ng'wasabile, ng'wabizile batemi nūūlū aho tūtī hamò ning'we; na ng'hana temagi na a bise tūteme hamò ning'we.

Sukuma New Testament 2000

⁸ Ī haha a bing'we ng'wapandīkile ī sha kūng'wigela, ng'wasabile, ng'wabizile batemi nūūlū aho tūtī hamò ning'we; na nghana temagi na a bise tūteme hamò ning'we.

Ilagano Ipya Lya

⁸ Ngʼwamala kwiguta nose, ngʼwamala kusaba, mutemile na kutema biswe tuti ho; ni yabela ulu ni ngʼwatema gete, niswe tuteme hamo ningʼwe.

1 Bakolinto 4:8 Iomraidhean Croise

Sumo 13:7

Munhū ashikile kwigīmba gīkī nsabi, alīyo gashi atī na shose shose; hama alīho ūngī wa kūbiza gītī atī nsabi, alīyo hū nsabi kalalamba.

Sumo 25:14

Ūmo gakabizīlaga malunde madūhū na nyaga nkalamuku, h'ūmo alī nū wa kwikumīlīja akūhayaga alī na sha kūbinha banhū, alīyo atī nasho.

Isaya 5:21

Balī mu kwihīga abo bakibonaga boi benekīlī gīkī balī na masala; nū mu kalolele kabo bakibonaga gīkī bamani.

Yelemia 28:6

ūng'wīla, Alichene! Ū SEEBA ni ītage chene! Ū SEEBA ni ayīshikīlīje ī mihayo yako īyo wīhanga yenīyī, ī shiseme sha mu numba ya ng'wa SEEBA ashishoshe aha kūfuma ī Babuloni, pye na a banhū abo baasaamījiwe kwenūko.

Kūbala 11:29

Nang'hwe ū Musa ūshosha alīhaya, “Bebe wanīītīla wilu shi ī gete? Ū nene ī ng'hūmbū jane jilī gīkī pye a banhū ba ng'wa SEEBA babize bahangi, na gīkī ū SEEBA abatūūlīle Moyo wakwe!”

Matayo 5:1

Aho wagabona a mabita ga banhū, ūlinha mu lūgūlū ūūkigasha. Bahayūng'wegeela a bahemba bakwe,

Luka 6:25

Mulī mu kwihīga abo mulī nasho ī sha kūng'wigela ī haha, nguno mukūtuuba. Mulī mu kwihīga abo mukūsekaga ī haha, nguno mukūpīnīhala na kūlīla!

Shītwa 26:29

Nang'hwe ū Paulo ūnshokeja ūhaya, “Ū nene nalīnomba ū Mulungu gīkī nūūlū ni lyabiza ikanza iguhī, nūūlū ilīhu, ītī bebe gwike; alīyo pye a bose abo mulīnidegeleka mubize gīt'ūmo nalī ū nene, kwīnja ho dūhū ī nhendele īji!”

Balumi 12:3

Nguno ū nene ninhwa būdūla kūlwa kūchīlwa shigongo; na lūūlū nalīng'hūgūla būlī ūmò wing'we gīkī, yaya ū kūbiza na maganiko ga kwigūngūhya kūtinda ūmo īng'wigeleelilwe kwiyiganikīla, alīyo ng'wiganika mu widohya, gīt'ūmo Mulungu angelekelile kūzunya būlī ng'wene.

1 Bakolinto 1:5

Nguno ū mulī we mulī na būsabi būtaale, ū mu kalūngalūngīle nū mu witegeleja bose,

1 Bakolinto 4:18

Gwike bamò bing'we bandije kwigīmba gīmba gītī gīkī natizaga ko ū nene!

1 Bakolinto 5:6

Ū wikumīlīja wing'we būtī būsoga; mutamanile gīkī ī shibimbya nūūlū shikabiza shigehu na ginehe shikadudumyaga būsu h'ūmo būkwīlīle ūlū shūlubanījiwa mo?

2 Bakolinto 11:1

Nalīmulomba mugeme ho hangī hado ū kwiyūmīlīja nabo ū būchilū chilū bone, gīt'ūmo mukīītīlaga na kale!

2 Bakolinto 13:9

A bise tūkūyega nūūlū tūgogoloha, shitange a bing'we mubize na būdūla; nīyo ū būlombi wise būlī gīkī mubize bashikanu.

Bagalatia 6:3

Nguno ūlū munhū akwiyiganikīlaga wei ng'wenekīlī gīkī alī shikolo sha solobo alīyo gashi atī chene, ū ng'wenūyo akwilembaga wei ng'wenekīlī.

Bafilipi 1:27

Gwike dūhū shimīzagi gīt'ūmo jilangīlile Ng'hūlū Jawiza ja ng'wa Kilisito. Ūbize gīkī ūlū nūshika ko, namusange mukwītaga gīko. Nūūlū nūlemeelwa ū kūshika ko, nahene najiigwe ī mhola jing'we, gīkī ng'wīmīīlile na moyo gūmò; mukwigunanhaga nang'holò īmò ū mu wilwisha ūbo mulī nabo kūlwa kūjizunya ī Ng'hūlū Jawiza.

Bafilipi 2:12

Nose hū kūhaya gīkī badūgū bane batogwa, ongejagi ū kūbiza bigwi, gīt'ūmo mukwītīlaga na kale, ītī kūgonga nabize nalīho dūhū ū nene, alīyo ī no no no ī haha aho natīho; būlwīlīlagi bing'we benekīlī ū būpīji wing'we, mu logohano na kūdetema.

Kukundulwa 3:17

Nguno ūkwigīmbaga ūhaya gīkī, “Nalī nsabi, naasaba natī na būgehelwa bose bose!” Alīyo ūtamanile gīkī ūlī na makoye, ūlī kunese wa bakunese wa kūpīnīhalīlwa; hangī ūlī mboku, na ūlī dūūhū!

Kukundulwa 5:10

Wabīītile kūbiza būtemi kūlwa ng'wa Mulungu wise; ūbīīta kūbiza bagabīji, na bakūbiza basugi ū mu sī.”