1 Bakolinto 4:7 - Bibilia Ilagano Lya Kale 2015

⁷ Ī gīsī ū bebe wikīlile mu ginehe nabo a bangī? Nūūlū kī īsho ūtanukūlile ū bebe? Na lūūlū īkī nang'ho ūlī ng'wanukūji dūhū, nibūlī ūkūdoosaga, gītī gīkī ū bebe ūtī ng'wanukūji!

Sukuma New Testament 2000

⁷ Ī gīsī ū bebe wikīlile mu ginehe nabo a bangī? Nūūlū kī īsho ūtanukūlile ū bebe? Na lūūlū īkī nangho ūlī ng'wanukūji dūhū, nibūlī ūkūdoosaga, gītī gīkī ū bebe ūtī ng'wanukūji!

Ilagano Ipya Lya

⁷ Iki ni nani uyo wakubeja wikilile na ungi? hangi uli na ki icho utanukulile? na ulu waachanukula, ulikumilija giti utachanukulile ni buli?

1 Bakolinto 4:7 Iomraidhean Croise

Sumo 2:6

Nguno ū SEEBA akinhaga masala, ū mu nomo gwakwe būkafumaga būmani na witegeleja.

Ezekia 29:3

Yombaga nang'hwe ūng'wīle, Ū Seeba MULUNGU alīhaya gīkī, “Nalī na wilwisha nang'ho ū bebe Falao ntemi wa Misili, bebe ūyo ūl'iyoka itaale ūlambalalile mu myongo yako. Ūkikumīlījaga ūlīahaya, ‘Ū Mongo gwa Nile gwane, naagūtala nene kūlwa nguno yane.’

Danyeli 5:18

Baba ntemi, ū Mulungu wa Higūlya no walī wang'winha ū so ū Nebukadineza, būsugi na būtaale n'ikūjo, na lūkumo lwawiza.

Danyeli 5:23

A ha ng'wanya gwaho ū bebe witūūlaga higūlya ya ng'wa Seeba wa ng'wigūlū, ūlagījaga wenhelwa ī shikombe sha zahabu sha kūfuma mu hekalu yakwe. Hūna ū bebe ng'wenūyū na a banikūlū bako na a bake bako, na a bakīma bako a bangī ng'wūshing'wela divai, kūnū mukūkumīlījaga bamulungu ba zahabu na ba feza, ba shaba, na ba chūma, na ba mantī na ba mawe; abo batī na būdūla wa kūbona nūūlū kwigwa, nūūlū kwitegeleja. Alīyo ū Mulungu mutankūgije, ūyo abūdimīīlile mu nkono gwakwe ū būpanga wako nī nzīla jako pyī ī jose.

Luka 19:13

Ū munhū ng'wenūyo akitana basese bakwe ikūmi ūbagabanhya migabo ikūmi ya hela, ūbakomeleja alībawīla gīkī, ‘Jitūndanyagi jiibyale; nakwiza.’

Yohana 1:16

A bise bose tūkwanukūlaga mbango ja būlī mbika kūfuma kūlī we, ūyo okolile na kokolīle kose.

Yohana 3:27

Nang'hwe ū Yohana ūshosha ūhaya, Ū munhū atūdūla kwanukūla shikolo īsho atinhilwe kūfuma ng'wigūlū.

Balumi 1:5

Hū ng'wene ūyo mulī we twanukūlile shigongo na nīmo gwa būtūng'wa kūlwa mahanga gose; gīkī ū mu lina lyakwe banhū bose bazunye na babize bigwi.

Balumi 12:3

Nguno ū nene ninhwa būdūla kūlwa kūchīlwa shigongo; na lūūlū nalīng'hūgūla būlī ūmò wing'we gīkī, yaya ū kūbiza na maganiko ga kwigūngūhya kūtinda ūmo īng'wigeleelilwe kwiyiganikīla, alīyo ng'wiganika mu widohya, gīt'ūmo Mulungu angelekelile kūzunya būlī ng'wene.

Balumi 12:6

Nguno tūlī na shakwinhwa sha wikīla kīle, būlī ng'wene na kwīlūkīlwa kwakwe; ū wa būhangi ni ahangage gīt'ūmo kūzunya kwakwe kūlī.

1 Bakolinto 15:10

Alīyo kūlwa shigongo sha ng'wa Mulungu nalī gīt'ūmo nalī, hama ī shigongo shakwe ū kūlī nene shitagelelile kūcha mpandagīlo. Nakūtūmamaga kūbatinda pye, gwike nahene natī nene; alīyo shigongo sha ng'wa Mulungu īsho shilī hamò na nene.

1 Bakolinto 3:5

Ī gīsī ū Apolo ni nani, nū Paulo nang'hwe nani? Tūhaya a benabo batūmami dūhū abo mukazunya mu nzīla yabo, nīyo būlī ng'wene alī na kinhīlwe kakwe kūfuma kūlī Seeba?

1 Bakolinto 5:6

Ū wikumīlīja wing'we būtī būsoga; mutamanile gīkī ī shibimbya nūūlū shikabiza shigehu na ginehe shikadudumyaga būsu h'ūmo būkwīlīle ūlū shūlubanījiwa mo?

1 Bakolinto 7:7

Ahene ni nayega a banhū pye a bose ūlū ni babiza gīt'ūmo nalī ū nene; gwike būlī munhū alī na kinhīlwe kakwe wei ng'wenekīlī kūfuma kūlī Mulungu; ūyū kinhīlwe aka, nū yūyo kinhīlwe ako.

Yakobo 1:17

būlī kanong'helwe kawiza, na būlī inong'ho ishikanu līkafumaga kwigūlya, kūlī Sīswe w'isana, ūyo atī na magalū galū nūūlū hado; ndūhū nūūlū nengeeji gwago ū mhayo gwenūyo.

1 Petro 4:10

Būlī ūmò wing'we alī na kinhīlwe ako wanukūla; ng'wigunanha īkī mulī babīkījiwa bawiza ba mbika jose ja kinhīle ka ng'wa Mulungu.