1 Bakolinto 4:5 - Bibilia Ilagano Lya Kale 2015

⁵ Nose hū kūhaya mutalamulage mihayo yose yose aho lītaalī ū kūng'wa ī likanza, kūshisha ize ū Seeba ūyo akwītendegesa ha ng'wape pyī īyo yibisile mu giiti, na a maganiko ga myoyo agooleche hape; hūna ū būkumīlījiwa wa būlī munhū būkūfuma kūlī Mulungu.

Sukuma New Testament 2000

⁵ Nose hū kūhaya mutalamulage mihayo yose-yose aho lītaalī ū kūng'wa ī likanza, kūshisha ize ū Seeba ūyo akwītendegesa ha ng'wape pyī īyo yibisile mu giiti, na a maganiko ga myoyo agooleche hape; hūna ū būkumīlījiwa wa būlī munhū būkūfuma kūlī Mulungu.

Ilagano Ipya Lya

⁵ Kulwa iyo mutizulekanya mhayo gose aho ikanza lyago litali kushika, kushisha Seba aho aliza, Uyo alafumbula ngʼwisana mihayo ya giiti iyo yali ibisile, hangi alagatenda hape maganiko ga mu ngholo; huna lulu buli munhu alabona kukumilijiwa kufuma kuli Mulungu.

1 Bakolinto 4:5 Iomraidhean Croise

Yakobo 5:7

Hūna lūūlū badūgū, bizagi biyūmīlīja kūshisha ize ū Seeba; ilangīlagi halī nīmi, ū ng'wene akalindīīlaga mu wiyūmīlīja gīkī a matwajo ayo agasanije gatūlwe mbula kwandīja ya kwandya kūshisha ya kūmalīja.

2 Bakolinto 5:10

Nguno a bose pye shitwigeleelilwe kwīmīīla kū būtongi w'isumbī lya kūlamulīla lya ng'wa Kilisito; būlī ng'wene anukūle mheela ya kūlenganīla nī yīyo akwītaga aho ataalī mu mīlī, ībize yawiza, nūūlū yabūbi.

1 Bakolinto 3:13

būlī ng'wene gūkūmanīka ū nīmo gokwe. Nguno ū lūshikū lwenūlo lūkūgoolecha hape, īkī lūkūbiza lo moto. Ū moto hū gwene ūyo gūkoolecha ūmo gūlī gete būlī nīmo go ng'wa munhū.

Bahebrania 4:13

Nīyo shitīho shiseeng'wa nūūlū shimò īsho shiibisile ū kū būtongi bokwe, ī shose shilī ng'waje; shiitendile ha ng'wape ū kūlī we, ūyo shiigelile twibūūle kū būtongi bokwe mu yose ī ya kikalīle kise!

2 Bakolinto 10:18

Nguno ūyo akakumīlījiagwa na Seeba hū ng'wene ūyo asanyiwe na Seeba, atī ūyo akikumīlījaga wei ng'wenekīlī.

Balumi 2:16

H'ūmo īkūbizīla nū mu lūshikū lo ng'wa Mulungu kwīlamula ī mihayo ya mbisīla ja banhū mu nzīla ya ng'wa Yesu Kilisito, ūmo joolekegije Ng'hūlū Jawiza ījo nakūjilomeelaga nene.

Balumi 2:1

Hūna lūūlū, ū bebe ūyo ūkūnamulaga ūngī, managa gīkī, nū bebe ūtī na sha kwibūūlīla; nīyo ūdeebe gīkī, ūmo ūkūnamulīlaga ng'wiyo hū ūkwilamulaga bebe ng'wenekīlī, nguno īyo ūkwībalaga kūbiza yabūbi, nū bebe ūkūyītaga.

Kukundulwa 20:12

Hama nūbabona a bafu, bataale na bado bīmīīlaga ū kū būtongi wī Isumbi lya būtemi, na mashitabo gūkundūlwa; na līshitabo līngī lyūkundūlwa, ī lya būpanga. A bafu būūlamulwa kūlwa kūlolwa īyo yalī yandīkilwe ū mu mashitabo genayo, kūlenganīla nū mumo yalī ī milīmo yabo.

Nomeji 12:14

Nguno ū Mulungu akūshitūūla h'ilamulīlo pyī ī shītīle; nī mihayo ī yose īyo īlī mu mbisīla, n'ībizage misoga nūūlū mibi.

1 Petro 1:7

ūbo būkūng'wizīīlaga kūlwa kūkūgema ū kūzunya kwing'we, ūko kūlī kwa mpango ntaale, kūtinda zahabu, ījo jikagemagwa bo kūbītiwa mu moto, jimanīke ū mpango gwajo, nūūlū īkī jilī ja kūkenaagūka. Na a bing'we mukūgemagwa ī haha, gīkī ūlū lyūshika ī likanza lya koolechiwa kwa ng'wa Yesu Kilisito, ū kūzunya kwing'we kwigengeleke gīkī kwigeleelilwe mu mhayo gw'ikūjo na kūkumīlīja na kūgongoola.

Balumi 2:29

Alīyo ū Nyudaya wa ng'hana, ng'wene alī wa būmunhū bo mu gatī, nū būsaalwa bo ng'hana būlī mu ng'holò, mhayo gwa mu moyo, ītī mu kūlondeela wandīke dūhū. Ū kūkumīlījiwa kwa ng'wa munhū ūyo alī gīko kūtafumaga kū banhū, kūkafumaga kūlī Mulungu!

2 Bakolinto 4:2

Alīyo tūkwīlemaga ī mihayo ya minala, ī ya nyaguukuubi; pye na a kashimīzīle ka nyasala sala. Yaya nūūlū ni kūgūtūmamīla ū mhayo go ng'wa Mulungu kwipandīkīla nīīlo. Ī ng'hana tūkwīyoolechaga ha ng'wape, na a bise benekīlī tūkwiyoolechaga ha ng'wape, būlī munhū atūkaanīle mu būgololoku bo moyo gokwe kū būtongi bo ng'wa Mulungu.

Balumi 14:4

Ū bebe ūlī nani nose ūkūnamulaga ntūmami o ng'wa munhū ūngī? Ū wei akwīmīīla, nūūlū akūgwa kū būtongi bo ng'wa ise būgonzo; na ng'hana akwīmīīla dūhū, nguno ū Seeba adūgije kūng'wīmīlīja.

Yohana 5:44

Ī gīsī a bing'we īkī mukanukūlaga ikūjo kūfuma kū banhū biching'wi, mudūgije ginehe ū kūzunya alīyo mutakoobaga ikūjo lya ng'wa Mulungu ūyo alī we ūmò wike?

Yakobo 4:11

Badūgū bane, yaya ū kwisondagūla bing'we bike. Ūlū munhū wandya kūnsondagūla ndūgūye nūūlū kūnamula, numho alīshisondagūla na kūshilamula shilagīlo. Hūna lūūlū, ū bebe ūlū wandya kūshilamula shilagīlo, numho wabizaga ūtī nshikīlīja washo, ūlī namuji washo.

Luka 6:37

“Mutabalamulage a biching'wi, ning'we mutūlamulwa, mutasolage banhū būbi, ning'we mutūsolwa būbi; lekejagi ning'we mukūlekejiwa.

Matayo 24:46

Ū nsese ng'wenūyo ūlū ūsangwa nū ise būgonzo akwītaga īyo alagīlilwe, akūbiza na mbango ningī no.

Kukundulwa 1:7

Managa gīkī, akwiza na malunde, na būlī liso līkūmona, pye na a babo bakanchima. Hama a ba mu sī ng'anda jose, bakūlīla kūlwa nguno yakwe. Ee, alichene!

1 Petro 5:4

Hūna ū Ndīīmi Ntaale ūlū wiza mukwanukūla ngikili y'ikūjo lītī lya kūshila.

1 Batesalonike 5:2

Nguno a bing'we benekīlī mumanile, gīkī ū lūshikū lo ng'wa Seeba lūkūshika gīt'ūmo ng'wibi akizaga būjikū.

Yohana 21:22

Ū Yesu ūng'wīla “Ī gīsī gūlīho mhayo kī ū kūlī bebe, ūlū nūbiza natogilwe ū ng'wenūyū ashinge ho kūshisha nashoke? Ū bebe ng'wene nilondeelage dūhū!”

2 Petro 3:4

na kūhaya gīkī, “Hama kūlī halī lūūlū ū kwisagīja kwa kūshoka kwakwe? Nguno kūfuma kūko bachīla a bakūlūgenji bise, pyī ī mihayo ītaalī gīt'ūmo īlī na kale kwīngīīla kū wandījo wa kūseeng'wa kwayo!”

Matayo 25:23

Nū ng'wene ūng'wīla ū ise būgonzo gīkī, ‘Būgatū; ūlī nsese wawiza na ntūngīlīja. Īkī wabizile ng'wishigwa mu shigehu nakūkūtūūla higūlya ya shikolo shingī, ingīlaga mu būyegi bo ng'wa so būgonzo.’

Malaki 3:18

Hūna lūūlū a henaho mukūbona hangī ūmo bikīlīlile a batūngīlīja na a babūbi, abo bakantūmamīlaga Mulungu na a babo batantūmamīlaga.

Yuda 1:14

Nū Enoka, ūyo walī munhū wa mpungatī kūfuma halī Adamu akahanga, ūbahaya a banhū benaba gīkī, “Lolagi, ū Seeba alī na mabita ga banhū bakwe shihūmbī makūmi na makūmi.

2 Petro 3:12

Nguno ū kwiza kwa lūshikū lo ng'wa Mulungu ūlo mulūlindīīlile kūtūdīlaga; ū mu lūshikū lwenūlo ī ligūlū līkūbaka moto līshile ho, nī shiseeng'wa ī shingī shaabe!

1 Bakolinto 15:23

Alīyo būlī ng'wene mu kwihela kwakwe; wa kwandya Kilisito, hama a ba ng'wa Kilisito ūlū washoka.

1 Bakolinto 11:26

Nguno būlī ikanza ūlū mulīgūlya ū ngatī gwenūyū, nūūlū mulīshing'wa ī shikombe shenīshi, mukūkūkumūchaga ū kūcha kwa ng'wa Seeba kūshisha ize.

1 Bakolinto 1:7

Nguno mutī na būgehelwa mu shakwinhwa shose shose aho mutaalī mulīlindīīlile ī likanza lya koolechiwa kwa ng'wa Seeba wise Yesu Kilisito.

Balumi 2:7

A biyūmīlīja mu kwīta yawiza, na kūkooba mihayo y'ikūjo na kūkumīlīja, a bachooji ba mihayo īyo ītī ya kūkenaagūka, a benabo akūbinha būpanga butashilaga.

Matayo 24:30

Hūna lūūlū ū ng'wilunde shikūbonwa shimanīkījo sha Ng'wana wa Munhū. Pyī ī ng'anda ja banhū ba mu sī bakūlīla ng'hūngū; hama bakūmona ū Ng'wana wa Munhū alī mu malunde ga ng'wigūlū aliza, na būdūla n'ikūjo itaale.

Nomeji 11:9

Bebe ng'walūki yegaga aho ūtaalī ndinha, leka ī ng'holò yako īkūyeje ū mu shikū ja walūki wako, shimīzīlaga mo dūhū ū mu katongeelele ka ng'holò yako, na kūshilondeela shose īsho miso gako gakūshibonaga. Gwike managa gīkī, ū Mulungu akūkūlamula ū mu yose yenīyo.

1 Bakolinto 3:8

Nguno ū ng'hambi nū ng'witīīji batikīlile; būlī ng'wene akwanukūla mheela yakwe gīt'ūmo galī a matwajo gakwe.

Matayo 25:21

Ū ise būgonzo ūng'wīla, ‘Būgatū ū bebe ūlī nsese wawiza na ntūngīlīja. Īkī wabizile ng'wishigwa mu shigehu nakūkūtūūla higūlya ya shikolo shingī, ingīlaga mu būyegi bo ng'wa so būgonzo.’

Ayubu 12:22

Īsho shiibisile mu giiti akashitendegesaga ha ng'wape, nī giiti h'ūmo shikūlīle akashigalūchaga shabiza isana.

Yelemia 16:17

A miso gane gajibonile pyī ī nzīla jabo; jitibisile ū kūlī nene, nūūlū ī shibi shabo shitashīkījiwe ū kū miso gane.

Yelemia 23:25

Nakīyigwaga ī mihayo īyo bakīyombaga a bahangi abo bakahangaga būlomolomo mu lina lyane bakūhayaga, “Naalootaga shilooti! Naalootaga shilooti!

Hosea 8:13

Bakafunyaga shitambò kūlwa nguno yane, ī nyama bakalyaga boi; alīyo ū SEEBA atabayegelaga. Ī haha akūwizūkwa ū būbi wabo, akūbinha nsango kūlwa shibi shabo: Bakūshoka Misili hangī.

Matayo 10:26

“Mutabogohage a banhū, nguno gūtīho mhayo gūkundīkīgije, ūyo gūtūkundūlīlwa; nūūlū gwibisile, ūyo gūtūtendwa ha ng'wape.

Yohana 21:23

Hūna ū mu badūgū gūkumūka gwa gīkī ū ng'hemba ng'wenūyo atūcha! Alīyo ū Yesu atahayile gīkī atūcha. Akahaya dūhū gīkī, “Ī gīsī gūlīho mhayo kī ū kūlī bebe, ūlū nūbiza natogilwe ū ng'wenūyū ashinge ho kūshisha nashoke?”

1 Bakolinto 3:14

Munhū ose ose ūlū gūpūlūgūka ū nīmo ūyo alasangwe wagūzengela ho, akwanukūla mheela.

1 Bakolinto 11:16

Ūlū alīho ose ose ūyo atogilwe halalī, a bise tūtī na shīmīle shilī gīko, nūūlū nī kanisa ja ng'wa Mulungu.

Yakobo 5:9

Badūgū, yaya ū kwikala ng'widugumīla, mutizūgwa mu nsango; nguno ū namuji wegeelaga, alī ha nyango wīmīīlga.

Sumo 12:8

Ū munhū akakumīlījiagwa kūlwa masala gakwe, alīyo a ba maganiko gasalīkile bakadalahagwa.

2 Bakolinto 10:9

Ū nene natatogilwe niganikīlwe gīkī nakūmukangaga ū mu nyalūba jane.