1 Bakolinto 4:1 - Bibilia Ilagano Lya Kale 2015

¹ Na lūūlū ū mu yenīyī, būlī munhū ni atūbalage a bise gīkī tūlī batūmami ba ng'wa Kilisito, na babilisīlwa ba mbisīla ja mihayo ya ng'wa Mulungu.

Sukuma New Testament 2000

¹ Na lūūlū ū mu yenīyī, būlī munhū ni atūbalage a bise gīkī tūlī batūmami ba ng'wa Kilisto, na babilisīlwa ba mbisīla ja mihayo ya ng'wa Mulungu.

Ilagano Ipya Lya

¹ Munhu ose atubale biswe giki, tuli batumami ba ngʼwa Kristo, na babikijiwa ba ya kwigeniha ya Mulungu.

1 Bakolinto 4:1 Iomraidhean Croise

Matayo 13:11

Nang'hwe ūbashokeja ūhaya, “A bing'we ng'winhilwe būmani, mujimane ī mbisīla ja būtemi bo ng'wigūlū; alīyo a boi batinhilwe.

Matayo 24:45

“Ī gīsī, nsese kī ū nsanyiwa na ng'witegeleja, ū wa kūtūūlwa na ise būgonzo ha būtaale bo kaya yakwe, gīkī ayūbagabanhya banhū ba ha ng'wakwe būlī ng'wene shilīwa shakwe ng'wikanza īlo ligeleelilwe?

Maliko 4:11

Nang'hwe ūbawīla gīkī, “A bing'we ng'winhilwe ī mbisīla ja būtemi bo ng'wa Mulungu. Alīyo ū kū ba hanze, pyī ī mihayo īlī mu shigemeng'hejo dūhū.

Luka 1:2

kūlenganīla nū mumo baatūwīlīlile a batūmami, abo bakūjikumūchaga ī Ng'hūlū jenīji; a bambona bayo ī mihayo kūfuma aho īkandīja.

Luka 12:42

Nang'hwe ū Seeba ūhaya, “Ī gīsī nani ū mīkījiwa ū nsanyiwa na ng'witegeleja, ūyo ashikile kūtūūlwa na ise būgonzo ha nīmo gwa kūbagabanhya batūmami ba ha kaya mheela jabo ng'wikanza īlo ligeleelilwe?

Luka 8:10

Nang'hwe ūbawīla gīkī, “A bing'we ng'winhilwe būmani, mujimane ī mbisīla ja būtemi bo ng'wa Mulungu, alīyo ū kū bangī shilī shigemeng'hejo dūhū; ībize gīkī, ‘Ū kūlola balole, alīyo batizūbona; nū kwigwa bigwe, alīyo batizitegeleja.’”

Balumi 11:25

Nguno badūgū bane gūlīho mhayo gwa mbisīla, ūyo natatogilwe muleke ū kūgūmana, nose ng'wikale mukwikumīlījaga. Balīho Baisilaeli bamò bagūnu, nīyo bakwikala gīko kūshisha līng'we ī lisaabu lya banhū ba mahanga a bingīji.

Balumi 16:25

Ali lūūlū, kūlī we ūyo adūgije kūmuguzuhya mu nzīla ya Ng'hūlū Jawiza ījo ninhwa nene, na būlomeeji ūbo Yesu Kilisito akūlomeelagwa, ūmo īloolekeja mihayo ya mbisīla īyo yalī ībisilwe makanza malīhu,

1 Bakolinto 2:7

Alīyo tūkūlūngalūngaga mu masala ga ng'wa Mulungu mbisīla īyo ībisilwe; īyo kūfuma kale kūko ikanza lītaalī kūshika, ū Mulungu walī ayītūūlile ho kūlwa nguno y'ikūjo lise.

1 Bakolinto 3:5

Ī gīsī ū Apolo ni nani, nū Paulo nang'hwe nani? Tūhaya a benabo batūmami dūhū abo mukazunya mu nzīla yabo, nīyo būlī ng'wene alī na kinhīlwe kakwe kūfuma kūlī Seeba?

1 Bakolinto 4:13

Nūūlū twasondagūlwa tūkūshoshaga mu būlyehu; kūshisha haha tūkūbonagwa gītī tūlī mapalala ga mu sī; gītī būsoso wa būsoso bose!

1 Bakolinto 4:2

Ūyo gūgongilwe ho a henaho gūlī gīkī, būlī milisīlwa abize nsanyiwa.

2 Bakolinto 11:23

Balī batūmami ba ng'wa Kilisito? Nahaye gītī natīnīkile ntwe, ū nene na kūkīla ho a henaho! Ng'hangala ningī no nakūbizaga mu milīmo midito, nū kūtungwa mu jeela naho hingī, nū kūtūlwa naho hingī dūhū, pyī nū kūbiza mu nhabaala ja kūcha!

2 Bakolinto 12:6

Gwike nahene nūūlū nakikumīlīja natūbiza nchilū chilū, nguno nakūbiza nalīhaya ya ng'hana. Alīyo nakwilemejaga, nguno natatogilwe munhū ose ose anibalīle mitaale kūtinda ūmo akūnibonelaga, nū mumo akwīyigwīlaga īyo nakwīyītaga.

2 Bakolinto 4:5

A bise tūtī balomeeji ba mihayo yise ya benekīlī, alīyo ya ng'wa Kilisito Yesu, gīkī alī Seeba; lelo a bise bene tūlī batūmami bing'we kūlwa ng'wa Yesu.

2 Bakolinto 6:4

Alīyo mu būlī mhayo tūkwiyoolechaga mu wiyūmīlīja būtaale gīkī tūlī batūmami ba ng'wa Mulungu; ībize mu būluhi, mu būgehelwa, nūūlū mu būpīna.

Baefeso 1:9

Nī mbisīla ya kahelele kakwe ūtūmanīkīja, gītūmo būlī ū wiza bokwe, ūbo awiganikile ū mulī Ng'wenūyo.

Baefeso 6:19

Nū nene ng'ūnilombela ninhwe mhayo, nongeje kūgūtūmamīla ū nomo gwane mu būgimu, nīkumūche ī mbisīla ya Ng'hūlū Jawiza.

Bakolose 2:2

Nalī na ng'hūmbū balūngūjiwe ū mu ng'holò jabo, hangī babize na būsangī ū mu būtogwa, nū mu būsabi ū bose ūbo balī nabo kūlwa kūbūmana mu ng'hana ū witegeleja, nū mu kūmana mu būshikanu bose ū Kilisito, ūyo alī mbisīla ya ng'wa Mulungu.

Bakolose 4:3

Na a bise ng'ūtūlombela, ū Mulungu atūlugūlīle nyango tūgūlomeele ū mhayo gwa mbisīla ya ng'wa Kilisito, ūyo nalī ntungwa ī haha kūlwa nguno yago.

1 Timoteo 3:16

Ī mbisīla ya logohano kūlī Mulungu īlī nhaale no, a henaho ītīho halalī. Akigengeleka mu mīlī, oolechiwa na Moyo gīkī alī ntūngīlīja, wiloleelwa na bamalaika; ūkumūchiwa kū mahanga, wanukūlwa mu sī. Hama ūtwalwa kwigūlya ng'wikūjo.

1 Timoteo 3:6

Atizūbiza mpya ū mu kūzunya, nguno adūgije kūdoosa agwe mu nsango go ng'wa Shetani.

1 Timoteo 3:9

Babize bagūdimile ū mhayo gwa mbisīla ya kūzunya mung'holò neela.

Tito 1:7

Nguno ū nang'hani wa kanisa ng'wene mīkījiwa o ng'wa Mulungu, hūna lūūlū shing'wigelile abize atī na shilingo, atī wa kwiyeja wei ng'wenekīlī dūhū. Atī ng'wangū kūpelana, atī nkolwa walwa, atī ntūji banhū, nūūlū atī nchooji wa shikolo mu nzīla ja minala.

1 Petro 4:10

Būlī ūmò wing'we alī na kinhīlwe ako wanukūla; ng'wigunanha īkī mulī babīkījiwa bawiza ba mbika jose ja kinhīle ka ng'wa Mulungu.