1 Bakolinto 2:9 - Bibilia Ilagano Lya Kale 2015

⁹ Alīyo īlī gīt'ūmo gwandīkilwe; gīkī, “Mihayo īyo liso lītaalī kwībona, nūūlū gūtū gūtaalī kwīyigwa; na ītaalī nūūlū kwingīla mu moyo go ng'wa munhū; mihayo īyo Mulungu abalonja longegije abo bantogilwe we.”

Sukuma New Testament 2000

⁹ Alīyo īlī gīt'ūmo gwandīkilwe; gīkī, “Mihayo īyo liso lītaalī kwībona, nūūlū gūtū gūtaalī kwīyigwa; na ītaalī nūūlū kwingīla mu moyo go ng'wa munhū; mihayo īyo Mulungu abalonja-longegije abo bantogilwe we.”

Ilagano Ipya Lya

⁹ Aliyo gitumo gwaandikwa giki, Mihayo iyo liso litibonaga, nulu kutu gutayigwaga, nulu itingilaga mu ngholo ya munhu, ya yeniyo yose Mulungu waababegeja abo abantogilwe.

1 Bakolinto 2:9 Iomraidhean Croise

Zabuli 31:19

Ū wiza wako būlī būtaale no, ūbo ūbabīkīlile abo bakogohile bebe; ūbo ūkawītaga mu būtongi wa banhū bose, abo bakapeelelaga kūlī bebe.

Isaya 64:4

Kūfuma shikū ja kale atīho nūūlū ūmò ūyo wigwa, nūūlū kwitegeleja na gūtū gwakwe; hama lītīho liso īlo lyabīta kūmona Mulungu ose ose ūlū ūtī bebe dūhu, ūyo akīītaga mitaale kūlwa nguno ya banhū abo bakanindīīlaga.

Isaya 65:17

Managi gīkī nalīseema igūlū ipya na sī mhya; Ī mihayo ya kale ītalizūkīlwa hangī, nūūlū ū mu maganiko ītiza.

Matayo 20:23

Ūbawīla, “Na ng'hana mukūshing'wa ī shikombe shane; alīyo ū gwa kwigasha kū nkono gwane gwa būlyo na gwa lūmoso, gūtī gwa kūmuzunīlīja nene; ū gwene gūlī gwa banhū abo balonja longejiwe na Baba.”

Matayo 25:34

Ha numa ya yenīyo, ū Ntemi akūbawīla abo balī kū nkono gwakwe gwa būlyo gīkī, ‘Nzūgi a bing'we, abo mulī na lubango ja ng'wa Baba. Ingīlagi ū mu būtemi ūbo mulonja longejiwe kūfuma ha kūseeng'wa kwa sī.

Yohana 3:16

Nguno ū Mulungu abatogilwe no a ba mu sī, kūshisha nose ūmfunya Ng'wana wakwe ūmò wike; gīkī būlī ng'wene ūyo ūnzunya atizūyagala, alīyo abize na būpanga butashelaga.

Balumi 8:28

Tūmanile gīkī, ū kū banhū abo bantogilwe Mulungu, abo bitanwa mu kasolele kakwe, pyī ī shikolo shikatūmamaga mu būsangī būmò kūlwa kwenha yawiza.

Bahebrania 11:16

Alīyo bakasangwa balī na ng'hūmbū ja kūbiza mu nzengo gwawiza kūtinda, h'ū ng'wigūlū; h'ī nguno yene ū Mulungu atī na minala ū kwitanwa gīkī alī Mulungu wabo, nguno wamala kūbalonja longeja nzengo.

Yakobo 1:12

Ūlū munhū wiyūmīlīja mu būgeng'wa, akūbiza na lubango, nguno ūlū ūpyena, akwanukūla ngikili ya būpanga, īyo Mulungu abisagīgije abo bantogilwe.

Yakobo 2:5

Alidegelekagi badūgū batogwa, ū Mulungu atabasolile a bahabī ba mu sī gīkī babize basabi ū mu kūzunya, na babize bingīji ba mu būtemi ūbo abisagīgije abo abatogilwe!

1 Petro 1:12

Bakoolekejiwa gīkī baalī batitūmamīlaga boi benekīlī, alīyo batūmamaga kūlwa nguno ying'we. Basomboolaga mihayo īyo mukūwīlagwa ī haha na a babo bakūmulomeelaga Ng'hūlū Jawiza, mu nguzu ja ng'wa Moyo Ng'wela, ūyo wenhilwe kūfuma ng'wigūlū. Ī mihayo yenīyo na a bamalaika balī na ng'hūmbū ja kwībona.

1 Yohana 4:19

A bise tūlī na būtogwa, nguno ū Mulungu h'ūyo akandya ū kūtūtogwa a bise.