1 Bakolinto 2:6 - Bibilia Ilagano Lya Kale 2015

⁶ Na ng'hana ī chene ū kū banhū abo bakomeelile, tūkūlūngalūngaga ya masala; gwike gatī masala ga ng'wikanza īlī, nūūlū gatī ga basugi ba ng'wikanza īlī, abo balījīlīīla mu kūshila.

Sukuma New Testament 2000

⁶ Na nghana ī chene ū kū banhū abo bakomeelile, tūkūlūngalūngaga ya masala; kwike gatī masala ga ng'wikanza īlī, nūūlū gatī ga basugi ba ng'wikanza īlī, abo balījīlīīla mu kūshila.

Ilagano Ipya Lya

⁶ Tukugalungalungaga masala, hene, mu benabo bashikanu; nahene iti masala ga ikanza ili, nulu ga batale ba ikanza ili, abalihaya kwitwa kubiza dalali.

1 Bakolinto 2:6 Iomraidhean Croise

Bahebrania 5:14

Alīyo ī shilīwa ī shitimbu, ī shene shilī sha banhū bataale, abo bilanga kūfuma mu nzīla ya kūbona mingī; a masala gabo gūmana ū kwīkomanya ī yabūbi nī yawiza.

Yakobo 3:15

A masala ayo galī gīko gatizile ū mu sī kūfuma kwigūlya, a genayo galī ga mu sī na kale; gafumile kūlī Shetani.

2 Bakolinto 4:4

Nguno a bene ū mulungu wa mu sī wagabbokuja a maganiko gabo batizūzunya; ī Ng'hūlū Jawiza jitizūbatiimīla bakalībona ī likūjo lya ng'wa Kilisito, ūyo alī suso ya ng'wa Mulungu.

1 Petro 5:10

Alīyo ūlū ng'ūlīkalīcha ī likanza lya kūluhiwa īlī, ū Mulungu wa shigongo shose, ūyo ang'witanile a bing'we mulī Kilisito gīkī ng'wingīle ng'wikūjo lyakwe lya shiku jose, wei ng'wenekīlī akūmushikanya, amujaamye na kūmuguzuhya mudūle kūhandatīla.

1 Bakolinto 2:8

Ī mbisīla yenīyo, atīho nūūlū ūmò ū mu basugi ba ng'wikanza īlī ūyo ayīmanile, nguno ūlū ni bīmanile ni batankomile ha nsalaba ū Seeba w'ikūjo.

1 Bakolinto 1:28

Na hangī ū Mulungu ashisolile ī shikolo sha mu sī ī shigokolo, nī shisho shidalahilwe, īsho shitīho; gīkī ashidimye minala īsho shilīho.

Bakolose 4:12

Alīmugīsha nū Epafra ū nsese o ng'wa Kilisito Yesu, nang'hwe ū ng'wenūyo alī ūmò wing'we. Akūmulombelaga gwa na būkomeezu no no no, gīkī ng'wīmīīle mu būshikanu, hangī muyitegelegije īyo Mulungu ayītogilwe.

Baefeso 2:2

mihayo īyo ng'washimīzaga muyo a makanza gene, aho ng'walondeelaga nhūngwa ja mu sī, na ng'watongeelagwa nū nsugi wa mabūdūla ga myoyo misoso, ūyo alī Moyo nsoso ng'wenekīlī, na akūtūmamaga nī haha ū mu baana ba būshitiigwa!

Matayo 5:48

Hūna lūūlū, shiigelile mubize bashikanu gīt'ūmo alī ū Sīng'we ūyo alī ng'wigūlū.”

2 Bakolinto 1:12

A bise ū kwikumīlīja kwise kūlī mu būkaanīji ūbo tūlī nabo mu myoyo yise, gīkī ī nhūngwa jise ū mu sī, ī no no no ū kū bing'we, jalī mu widohya na mu būtūngīlīja bo ng'wa Mulungu, ītī mu masala ga mīlī; alīyo mu shigongo sha ng'wa Mulungu.

Zabuli 33:10

Ū SEEBA akabipyaga long'we ja banhū ba mahanga, a banhū akabasambaagūjaga kahelele kabo.

Ayubu 12:21

A bakūjiwa nabo akabahooleelaga būdalahwa, na a ba nguzu akabīngījaga ū būdūla.

Ayubu 12:19

A bagabīji akabapeejaga baaja balī dalali, na a banhū ba būdūla akabagwishaga.

Ayubu 1:1

Walīho munhū wikalaga mu sī ya Uzi, ī lina walī walī Ayubu; ū munhū ng'wenūyo walī ntūngīlīja, hangī atī na shilingo; nīyo walī na logoohano ū kūlī Mulungu, hama ū būbi walī atatogilwe nūūlū kwiyegeela nabo.

Yakobo 3:2

Nguno pye a bose tūkipamaga mu mihayo ya mbika na mbika; ūlū alīho munhū atipamaga mu kayombele, ū ng'wenūyo nshikanu; hangī ashikile kūgūlang'hana pyī ū mīlī gokwe.

2 Bakolinto 13:11

Ū gwa kūmalīja bang'wise ikalagi mhola, ikondelagi, nīyo ng'wihūgūla; bizagi na būsangī ū mu maganiko, na mubize banhū ba mhola. Ū Mulungu wa būtogwa na mhola akūbiza hamò ning'we.

1 Bakolinto 14:20

Badūgū bane, yaya ū kūbiza baana ū mu maganiko, alīyo ū kū yabūbi bizagi beleele; lelo ū mu maganiko kūlagi.

1 Bakolinto 2:13

Ūyo tūkwīsomboolaga ītī mu mihayo ya kūlangwa mu masala ga banhū, alīyo ya kūlangwa na Moyo; ī yoi īlī ya Kiimoyo, na tūkūyideedeng'hanyaga mu Kiimoyo.

1 Bakolinto 2:1

Hūna lūūlū badūgū bane, ū nene aho nakiza ū kū bing'we gīkī namulomeele ī mbisīla ya mhayo go ng'wa Mulungu, natizile kūyomba ning'we mu kalūngalūngīle ka kūgaliila galiila, mu nyasala sala.

Luka 16:8

Ū ise būgonzo o nang'hani ū nyeecha ng'wenūyo akankumīlīja, īkī akatūmamīla masala ū kwīyīta ī yenīyo. Nguno a baana ba mu sī bachagūku ū kū mihayo yabo, kūtinda a baana ba ng'wisana ū mu shibyalīlwe shabo.

Matayo 19:21

Ū Yesu ūnshokeja ūng'wīla gīkī, “Ūlū ūtogilwe kūbiza nshikanu, jaga ūkashijinje ī shikolo shako ūbinhe bahabī. Ū wibīkīja wako wa sabo būkūbiza ng'wigūlū, hūna wize ūnilondeele.”

Matayo 13:22

Hama ī mbīyū ījo jikagwīla mu ming'hwa, ū ng'wene alī ūyo akagwigwaga ū mhayo, gwike gwashitelejiwa na myatīla ya būlī lūshikū, na būlemba lembi bo sabo; gwagaiwa a matwajo!

Isaya 40:23

Hū ng'wene akabīītaga bataale ba sī babiza sumvwa na ndūhū, na a basugi ba mu sī akabīītaga kūbiza batī na ngofyoolo.

Zabuli 37:37

Ū munhū ūyo atī na būbi nolage gete; ng'wideedeng'hanyage ū munhū wa shimīzīle īgoloolile; ū munhū wa mhola ū kū būjiiwa alī na būbyīle.

Zabuli 146:4

Ī myūyī ya ng'wa munhū ūlū yīnga, akashokaga mu malongo ga hasī; ū mu lūshikū lwenūlo pyī īyo ayīhelile Īkakalīkaga.

1 Bakolinto 3:1

Hūna lūūlū badūgū bane, ū nene nakalemeelwa ū kūmusomboolela gītī banhū ba nhūngwa ja Kiimoyo, nūgelela kūmusomboolela gītī banhū ba nhūngwa ja mīlī dūhū; gītī banīgīnī ū mulī Kilisito.

1 Bakolinto 12:8

Nguno ū mu kinhīle ka ng'wa Moyo, ūngī akwinhwa masala, alīyo ūngī winhwa būdūla bo kwitegeleja, gīt'ūmo alatogelwe ū Moyo ng'wenūyo.

2 Bakolinto 4:3

Hūna lūūlū, ī Ng'hūlū Jawiza jise ūlū jibize jibisilwe, numho jibisilwe kū banhū abo bajile mu kūyagala dūhū.

Bakolose 1:28

A bise hū tūkūmulomeelaga ng'hūlū jakwe ū ng'wenūyo; nīyo tūkūng'hūgūlaga būlī munhū na kūnanga mu witegeleja bose, gīkī būlī ng'wene ajaame ū mulī Kilisito, tūdūle kūnshisha kū būtongi bo ng'wa Mulungu.

Bahebrania 6:1

Nose hū kūhaya twīngagi ū mu malange a ga kwandīja ū mu mhayo go ng'wa Kilisito, tūsegejagi twingīle mu mihayo ya nyataale; yaya ū kwikala twishokeela kwilanga mihayo h'iyene dūhū, gītī ya kūgalūka kwīnga mu nhūngwa jichile, na ya kūnsanya Mulungu;