1 Bakolinto 2:1 - Bibilia Ilagano Lya Kale 2015

¹ Hūna lūūlū badūgū bane, ū nene aho nakiza ū kū bing'we gīkī namulomeele ī mbisīla ya mhayo go ng'wa Mulungu, natizile kūyomba ning'we mu kalūngalūngīle ka kūgaliila galiila, mu nyasala sala.

Sukuma New Testament 2000

¹ Hūna lūūlū badūgū bane, ū nene aho nakiza ū kū bing'we gīkī namulomeele ī mbisīla ya mhayo go ng'wa Mulungu, natizile kūyomba ning'we mu kalūngalūngīle ka kūgaliila-galiila, mu nyasala-sala.

Ilagano Ipya Lya

¹ Na nene, badugu bane, aho nali niza ku bingʼwe, nali natizile na kalungalungile ka nyagaliligalili nulu ka masala aho numulomela u bukaniji wa Mulungu.

1 Bakolinto 2:1 Iomraidhean Croise

Kūfuma 4:10

Ū Musa ūng'wīla ū SEEBA, “SEEBA, ū nene natī nyombi; h'ūmo nalī kūfuma kale, nūūlū ū kūfuma aho wandījaga kūyomba nane ū nene nsese wako, ūlībona gīkī nalī ndito ū mu nomo; ū lūlīmi lwane lūdito.”

Isaya 8:20

Jagi kū shilagīlo na kū būkaanīji! Ūlū batayombile ūmo gūhayīlile ū mhayo gwenūyū, numho ī lisana lītaalī ū kūbaakīla.

Shītwa 20:21

Najaga nūbahūgūla a Bayudaya na a Bayunani, gīkī bangalūkīle Mulungu na kūnzunya Seeba wise Yesu Kilisito.

Shītwa 22:18

Nūmona alīniwīla gīkī, ‘Kangīlījaga wangū wīnge ū mu Yelusalemu, nguno batūbūzunya ū būkaanīji ūbo ūlīnikaanīla kūbo.’

Balumi 16:18

Nguno a banhū gītī benabo batantūmamīlaga Seeba wise Kilisito, bakatūmamīlaga nda jabo dūhū. Balemba lembi bang'holò ja banhū bawiza, kūlwa kalūngalūngīle kabo kakondooku ka kūlaalīkīja!

Balumi 16:25

Ali lūūlū, kūlī we ūyo adūgije kūmuguzuhya mu nzīla ya Ng'hūlū Jawiza ījo ninhwa nene, na būlomeeji ūbo Yesu Kilisito akūlomeelagwa, ūmo īloolekeja mihayo ya mbisīla īyo yalī ībisilwe makanza malīhu,

1 Bakolinto 1:17

Nguno ū Kilisito atanitūmile ū nene kūja nūbatīīja, alīyo kūja nūlomeela Ng'hūlū Jawiza; nīyo hangī ītī mu mihayo ya masala sala, gūtizūsūūkīlījiwa ū nsalaba go ng'wa Kilisito.

1 Bakolinto 1:6

gīt'ūmo būkaanīji bo ng'wa Kilisito bomalile koolechiwa mu bing'we.

1 Bakolinto 2:13

Ūyo tūkwīsomboolaga ītī mu mihayo ya kūlangwa mu masala ga banhū, alīyo ya kūlangwa na Moyo; ī yoi īlī ya Kiimoyo, na tūkūyideedeng'hanyaga mu Kiimoyo.

1 Bakolinto 2:4

Hama pyī ū būsombooji nū būlomeeji wane, walī būtī mu mihayo ya masala ga kūduta banhū; alīyo mu koolecha katūmamīle ka ng'wa Moyo, na mu būdūla.

1 Bakolinto 2:7

Alīyo tūkūlūngalūngaga mu masala ga ng'wa Mulungu mbisīla īyo ībisilwe; īyo kūfuma kale kūko ikanza lītaalī kūshika, ū Mulungu walī ayītūūlile ho kūlwa nguno y'ikūjo lise.

2 Bakolinto 10:10

Nguno bangī bakūhayaga gīkī, “Ahene ū ng'wing'wana ī nyalūba jakwe jilī na ntili, nīyo jilī na nguzu; lelo ūlū ūmona ū wei ng'wenekīlī, nyangīlīzu o banyangīlīzū, hama nī mihayo yakwe migokolo ya nyaleele leele!”

2 Bakolinto 11:6

Īkī nūūlū nakabiza nagehelilwe būdūla mu kalūngalūngīle, alīyo ītī gīko ū mu witegeleja; nguno h'ūmo twang'oolekegije mu yose.

2 Batesalonike 1:10

Ū ng'wikanza lya kwiza kwakwe lyenīlo, a beela bakwe bakūnkumīlīja, nīyo pye a bazunya bakūnyegela; na a bing'we mukūbiza mo, nguno mubūzunije ū būkaanīji wise ūbo tūkang'winha.

1 Timoteo 1:11

ayo gizunīlīgije nī Ng'hūlū Jawiza ja ng'wa Mulungu nkumīlījiwa; ījo waninha nene.

2 Timoteo 1:8

Hū kūhaya yaya ū kūding'wa minala ū kūnkaanīla ū Seeba wise, nū nene ūyo nalī ntungwa kūlwa nguno yakwe; alīyo zunyaga ū kūbiza mo ū mu būsangī bo kūluha kūlwa nguno yajo ī Ng'hūlū Jawiza, mu būdūla bo ng'wa Mulungu,

1 Yohana 4:14

Nīyo tūzunije, na tūkūkaanīlaga gīkī, ū Sīswe wamala kūntūma ū Ng'wana wakwe kūbiza Mpīja wa ba mu sī.

Kukundulwa 1:2

ūyo walī nkaanīji wa mhayo go ng'wa Mulungu, na wa būkaanīji bo ng'wa Yesu Kilisito mu yose, gīt'ūmo walī wībonela.

Kukundulwa 1:9

Nene Yohana, ndūgū wing'we na ng'wiching'wi mu būluhi, nū mu būtemi; pyī nū mu wiyūmīlīja kūlwa nguno ya ng'wa Yesu. Naalī ng'wijinga līkitanagwa Patimo, kūlwa nguno ya mhayo go ng'wa Mulungu, na kūlwa kūnkaanīla Yesu.

Kukundulwa 19:10

Nūgwa kū magūlū gakwe gīkī naanamye; alīyo ūniwīla, “Lekaga ū kwīta gīko, nū nene nalī ntūmami ng'wiyo dūhū, hamò na a badūgū bako abo balī na būkaanīji bo ng'wa Yesu. Namyage Mulungu, nguno ū būkaanīji bo ng'wa Yesu gūlī moyo gwa būhangi!”