1 Bakolinto 11:3 - Bibilia Ilagano Lya Kale 2015

³ Gwike natogilwe mumane gīkī ū Kilisito alī ntwe gwa būlī ngosha, al'ū ntwe gwa nkīma ng'wene ngosha, hama ū ntwe go ng'wa Kilisito alī Mulungu.

Sukuma New Testament 2000

³ Kwike natogilwe mumane gīkī ū Kilisto alī ntwe gwa būlī ngosha, al'ū ntwe gwa nkīma ng'wene ngosha, hama ū ntwe go ng'wa Kilisto alī Mulungu.

Ilagano Ipya Lya

³ Aliyo natogilwe ngʼwitegeleje giki, ntwe gwa buli ngosha gwene Kristo; na ntwe gwa nkima gwene ngosha: na ntwe gwa ngʼwa Kristo gwene Mulungu.

1 Bakolinto 11:3 Iomraidhean Croise

wandījo 3:16

Ū Mulungu ūng'wīla ū nkīma gīkī, “Nakūbongeja ū būsaatu wa būsūngū wako ū ng'wikanza lya kūbyala baana, ūkūyūbyala mu kūsaatwa kūtaale no. Hama ū kwikūmva kwako kūkūbiza kūlī ngoshi wako; nīyo akūkūsuga ū bebe.”

Isaya 52:13

Managi gīkī ū ntūmami wane akūtūmama mu būdeeba; akūgūngūhiwa akūjiwe, abize higūlya no no no.

Isaya 55:4

Managi gīkī nantūūlile ho nene kūbiza nkanīīji kū banhū, ntongeeji na ntaale wa banhū.

Matayo 28:18

Hūna ū wei ū Yesu ūbegeela ūbawīla gīkī, “Pyī ū būdūla ūbo būlī ng'wigūlū nū bo mu sī ninhilwe nene.

Yohana 14:28

Ng'walī ng'wigwa aho nalūmuwīlaga gīkī nalīja; alīyo nakwiza hangī ū kū bing'we. Ūlū ni munitogilwe ni ng'wayega īkī nalīja kūlī Baba, nguno ū Baba alī ntaale kūtinda ū nene.

1 Bakolinto 3:23

Hama a bing'we mulī ba ng'wa Kilisito, ū Kilisito nang'hwe wa ng'wa Mulungu.

Baefeso 4:15

Alīyo tūbize ba kwīhaya ī ng'hana mu būtogwa, hama tūkūle mu yose ū mulī Kilisito ūyo alī Ntwe.

Bakolose 1:18

Ū wei alī Ntwe gwa mīlī, h'ī kanisa. Alī wandījo, Myalwa wa kwandya, ūyo akajūūka kūfuma mu bafu, gīkī abize ntaale mu shose.

Bakolose 2:10

Na a bing'we mushikanyiwe ū mulī we ū ng'wenūyo, ūyo alī Ntwe gwa būsugi na būdūla bose.

Bakolose 2:19

Atadimanile nago ū Ntwe, ūyo pyī ū mīlī gūdimanyiwe hamò kūlwa nguno yago, mu nzīla ya nge na matimba; nose gūkūlishiagwa gīkī gūkūle mu kakūlīle ka kūfuma kūlī Mulungu.

Bakolose 3:18

A bing'we bakīma ng'widohya ū kū bagoshi bing'we gīt'ūmo shiigelile kūlī Seeba.

1 Petro 3:1

Ning'we a bakīma abo mutoolilwe shiigelile kwidohya ū kū bagoshi bing'we, ūlū balīho bamò batagūzunije ū mhayo, ūlū yūdūlīka badutwe kūlwa nhūngwa ja bake babo, nūūlū īkabiza shilambu ū mu nzīla ya mhayo.