1 Bakolinto 10:11 - Bibilia Ilagano Lya Kale 2015

¹¹ Ali lūūlū, ī mihayo yenīyo īkabilongela a benabo, yūbiza būlolelo; hama yandīkwa kūlwa kūtūhūgūla a bise abo jatūpandīkile ī shikū ja kū būkalīkījo.

Sukuma New Testament 2000

¹¹ Ali lūūlū, ī mihayo yenīyo īkabilongela a benabo, yūbiza būlolelo; hama yandīkwa kūlwa kūtūhūgūla a bise abo jatūpandīkile ī shikū ja kū būkalīkījo.

Ilagano Ipya Lya

¹¹ Mihayo yeniyi yali yubagwila benabo kubiza mabulolelo, nayo yaandikwa kulwa kutuhugula biswe aba twapandikwa na bukalikijo wa makanza.

1 Bakolinto 10:11 Iomraidhean Croise

Balumi 15:4

Nguno būlī yene īyo yandīkilwe kūfuma kale, yandīkilwe kūlwa kūtūlanga, gīkī tūbize biyūmīlīja, na banhū ba kwisagīlwa kūlwa kūlūngūjiwa na shandīkwa.

Balumi 13:11

Hama ūlū mulīīta ī gīko managi gīkī ī haha tūlī ng'wikanza lya kūmisha kwīnga mu tūlo, na kūbūūka; nguno ī haha ū būpīji wise būlī hihī kūtinda aho tūkandīja kūzunya.

1 Yohana 2:18

Bing'we baana, ī likanza īlī līlī lya kū būkalīkījo; hūna lūūlū gīt'ūmo ng'wamala kwigwa gīkī akwiza Ng'wilwisha wa ng'wa Kilisito, nī haha balīho bingī a bilwisha ba ng'wa Kilisito. H'ī nguno yene tūlīmana gīkī tūlī ng'wikanza lya kū būkalīkījo.

1 Bakolinto 9:10

nūūlū alīhaya kūlwa nguno yise? Ūlī kūlwa nguno yise, īkī ū nīmi shing'wigeleelilwe alīme mu kwisagīlwa kwa kūpandīka matwajo; pyī nū ntūji wa būsīga nang'hwe gīko.

Bafilipi 4:5

Ū wiyūmīlīja wing'we būmanīke kū banhū bose, ū Seeba alī hihī.

Balumi 4:23

Gwike gūtandīkilwe gīkī akabalīlwa wei dūhū.

Bahebrania 10:25

Yaya ū kūgūleka ū mhayo gwa kwibilinga hamò, ūmo shilī shīmīle sha banhū bamò, alīyo twikomeleja; nīyo ī no no no īkī mulībona gīkī lwegeelaga kūshika ū lūshikū lwenūlo!

Bahebrania 10:37

Nguno lyasaagaga ikanza ido no, hūna ūyo aliza, akwiza; nīyo atūdīlaga.

1 Bakolinto 7:29

Ū mhayo ūyo nalīgūhaya badūgū bane gūlī gīkī, ī haha ī likanza lyagubbīng'haga; īlo lyasaagaga ho abo batoolile ni babizage gītī batatoolile.

Zabuli 102:18

Ī yenīyī ni yandīkagwe kūlwa shibyalīlwe Īsho shikūlondeela, banhū abo bataalī kūseeng'wa balankumīlīje ū SEEBA:

Ezekia 5:15

Ūlū nūmugwisīja nsango mu būdaki na būpelanu, na mu kahūgūlīle ka kūminya, mukūbiza bibengelejiwa na basondagūlwa, banhū ba kwikala mukūdūkagūlagwa; shikolo sh'igekemaja ū kū mahanga ayo gamupīndije hose hose. Nene SEEBA nalīhaya.

Matayo 13:39

Ū ng'wanishi, ū ng'hambi wa pūngū ng'wene Shetani. A magesa būlī būkalīkījo w'ikanza, a bagesi bamalaika.

Matayo 13:40

Ali lūūlū, ūmo pūngū jikakumingīlagwa japemva mu moto, h'ūmo īkūbizīla nū kū būkalīkījo w'ikanza.

Balumi 13:12

Bojaga ū būjikū, būlī hihī kwangalūka, na lūūlū tūshiponyagi ī shītīle sha mu giiti twitunge shilanga sha līīmi.

1 Bakolinto 10:6

Hūna lūūlū ī yenīyī īkaja gīko, būbize ho būlolelo kūlwa nguno yise, tūtizūbiza ba kwikūmva yabūbi gīt'ūmo bīītīlaga a boi.

Bagalatia 4:24

Ī mihayo yenīyī īlī shigemeng'hejo sha kūtoolekeja malagane abīlī, līmò lya kūfuma kū lūgūlū lo Sinai, īlo līkabyalaga baana ba mu būsese; hū nkīma ū Hagali.

wandījo 19:35

Na ng'hana nū būjikū wenūbo būng'winha walwa ū saabo, ūng'wa kūshisha ūleewa. Ū nshīke ū ndo nawe ūja ūkalaala nang'hwe. Walī atimanaga nūūlū hado, kwandīja aho alīlaala ho ū nshīke wakwe, kūshisha wīnga ho.