Bafilipi 4:8 - Ilagano Ipya Lya

⁸ Ya kumalija, badugu, mihayo yose iyili ya nghana, mihayo yose iyili ya ishima, mihayo yose iyili ya butungilija, mihayo yose iyili miela, mihayo yose iyitogije, na mihayo yose iyili ya lukumo lwa wiza; ulu buli ho bugalili, ulu guli ho mhayo gose gwa kukumilijiwa, idedekanyagi mihayo yeniyi.

Sukuma New Testament 2000

⁸ Badūgū, ū gwa kūmalīja gūlī gīkī, yose-yose īyo īlī ya nghana, yose-yose īyo yigeleelilwe logohano, yose-yose īyo ītūngīlīgije, yose-yose īyo yigeleelilwe kūlwa wela, yose-yose īyo īdūgije kūkumīlījiwa, yose-yose īyo īdūgije kwanukūlwa; ūlū būlīho wiza bose-bose, ūlū līlīho ikūjo lyose-lyose, yideedenghanyagi ī mihayo yenīyo.

Bibilia Ilagano Lya Kale 2015

⁸ Badūgū, ū gwa kūmalīja gūlī gīkī, yose yose īyo īlī ya ng'hana, yose yose īyo yigeleelilwe logohano, yose yose īyo ītūngīlīgije, yose yose īyo yigeleelilwe kūlwa wela, yose yose īyo īdūgije kūkumīlījiwa, yose yose īyo īdūgije kwanukūlwa; ūlū būlīho wiza bose bose, ūlū līlīho ikūjo lyose lyose, yideedeng'hanyagi ī mihayo yenīyo.

Bafilipi 4:8 Iomraidhean Croise

Matayo 22:16

Na bubatuma kuli Wei bahemba babo hamo na Baherode, buhaya giki, Nangi, tumanile Bebe uli munhu wa nghana, hangi ukulangaga nzila ya Mulungu mu nghana, na utunkalalwa munhu ose, iki utulolaga bushu wa banhu.

Maliko 6:20

Iki Herode wali ungʼogoha Yohana, walamanile giki, ali ntungilija na ngʼwela; na uninda chiza; na aho undegeleka, wali wita mihayo mingi; ubyundegeleka na kuyega.

Luka 16:15

Nanghwe ubawila giki, Bingʼwe muli abo mukwitungiligijaga benekele mu miso ga banhu; aliyo Mulungu amanile ngholo jingʼwe; iki iyikumiligije mu banhu yene ya malofu mu miso ga Mulungu.

Luka 2:25

Na mu Yerusalemi walali mo munhu, lina lyakwe Simeoni, munhu ngʼwenuyu walali ntungilija na wa logohano, hangi akukulindilaga kulungujiwa kwa Israeli, na Moyo Ngʼwela ubiza hali wei.

Luka 23:50

Na lolaga, ngosha umo lina lyakwe Yusufu, namhala wa ibanza, munhu wa wiza, hangi ntungilija;

Yohana 7:18

Uyo akulungalungaga yakwe ya ngʼwenekele, akukobaga ikujo lyakwe lya ngʼwenekele; aliyo Uyo akukobaga ikujo lya Ngʼwenuyo uwaantuma, Ngʼwene ali wa nghana, na butibutungilija buti mo muli Wei.

Shītwa 10:22

Buhaya giki, Kornelio ntale wa bashilikale igana, munhu ntungilija, uyo angʼogohile Mulungu, hangi uyo akanililwe chiza na ihanga lyose lya Bayudaya, ngʼwenuyo wali ulagilwa na malaika ngʼwela kumutumila nhungʼwa, uje ku kaya yakwe, akigwe mihayo hali bebe.

Shītwa 22:12

Huna lulu ngosha umo, lina lyakwe Anania, namya ngʼwishigwa mu shilagilo, uyo wali ukanilwa chiza na Bayudaya bose abali bazengile kwenuko,

Shītwa 6:3

Kulwa iyo, badugu, solagi mu bingʼwe, bagosha mpungati bakanilwa giki, bali ba wiza, bizulile na Moyo Ngʼwela na masala, abo tubatuule ba kusuga nimo gwenuyu.

Balumi 13:13

Tushiminze chiza, gitumo kashiminzile ka mu limi umo kali: iti mu mbina na kukolwa shikoji, iti mu bujingi na wimilizu, iti mu buyombo na wilu.

Balumi 13:3

Iki basugi bati lyogohya lya ku shitile sha wiza, aliyo ku sha bubi. Utogilwe kwikala uti na boba ku butale? itaga ya wiza, na bebe ukulumva nabo;

Balumi 14:18

Iki uyo untumamila Kristo mu mihayo yeniyi, akunyejaga Mulungu, hangi uzunilijiwa na banhu.

Balumi 2:29

Aliyo Nyudaya wa mugati u ngʼwene Nyudaya gete; na kusalwa kwa gete kwene uko kwa ngholo, kwa ki-moyo, kuti mu shandikwa; kukumilijiwa kwakwe kuti kwa banhu, aliyo kwa Mulungu.

1 Bakolinto 4:5

Kulwa iyo mutizulekanya mhayo gose aho ikanza lyago litali kushika, kushisha Seba aho aliza, Uyo alafumbula ngʼwisana mihayo ya giiti iyo yali ibisile, hangi alagatenda hape maganiko ga mu ngholo; huna lulu buli munhu alabona kukumilijiwa kufuma kuli Mulungu.

2 Bakolinto 13:7

Twanomba Mulungu giki, mutizita mhayo gose gwa bubi; iti giki, biswe tubonwe tuti na buka, aliyo giki, bingʼwe ngʼwite iyo igelile, nulu biswe tubize giti tuli balengʼwa.

2 Bakolinto 6:8

Kulwa kukujiwa na kudalahwa, kulwa kutulanyiwa na kukumilijiwa; giti tuli balembalembi, aliyo tuli ba nghana;

2 Bakolinto 8:18

Twantumaga hamo nanghwe ndugu uyo, kukumilijiwa kwakwe mu evangeli kukumukile mu kanisa jose;

2 Bakolinto 8:21

Iki tuli na iganiko giki, kwita mihayo yose wima, iti mu miso ga Mulungu gwike, aliyo hangi na mu miso ga banhu.

Bagalatia 5:22

Aliyo matwajo ga Moyo gene aya: kwitogwa, kuyega, mhola, kwiyumilija, wizangholo, wila, wishigwa,

Baefeso 4:25

Kulwa iyo, iki ngʼwaazula bulomolomo, hayagi ya nghana buli munhu na nzenganwa ngʼwiye; iki tuli mabudika ga benekele na benekele.

Baefeso 5:9

(Iki matwajo ga isana gali mu wiza bose na butungilija na nghana),

Baefeso 6:14

Nahene handikilagi lulu, abo ngʼwitungile mikimbili yingʼwe na nghana, na muzwalile cha mu kikuba, chene butungilija.

Bafilipi 3:1

Huna lulu, badugu bane, yegagi muli Seba. Kungʼwandikila bingʼwe mihayo yeniyo ituninojaga, aliyo ku bingʼwe guli mhayo gwa kumuhandikija.

Bakolose 4:5

Shiminzagi kisala mu butongi wabo abali hanze, mubizukomola makanza.

1 Batesalonike 4:12

Giki, mushiminze mu butengeke mu butongi wabo abali hanze, mubize muti na kugayiwa kose.

1 Timoteo 2:2

Kulwa batemi na kulwa batale bose; twikale bapanga mu mhola na mu bulembezu mu wela bose na bubyedeku.

1 Timoteo 3:11

Giko hangi bakima nabo babize bikaji ba miso, bati basigani, bati bangʼwi ba shikoji, bali bishigwa mu mihayo yose.

1 Timoteo 3:4

Uyo akusugaga chiza kaya yakwe, ali na bana banyehelile mu bubyedeku bose;

1 Timoteo 4:12

Munhu ose atizukudalaha busumba wako, aliyo ubize kalolelo ku bazunya mu kahayile na mu kashiminzile, na mu butogwa, na mu kuzunya na mu wela.

1 Timoteo 5:10

Alikanilwa ali na shitile sha wiza, giki, wali ubalela bana, wali ubegeleja bageni, wali oja mhambala ja bela, wali ubambilija abali mu kuluhiwa, na wali ulondela buli nimo gwa wiza na bukomezu.

1 Timoteo 5:2

A bagikulu nabo giti banoko; na a bashike giti balumbuyo, mu wela bose.

Tito 1:8

Aliyo abize ali ngʼwegeleja, ntogwa wa ya wiza, wa masala madekanu, ntungilija, ngʼwela, ngʼwilindi ngʼwenekele;

Tito 2:14

Uyo akiyinha ko kulwiswe, atukomole kufuma mu buhunga bose, na wiyegeje banhu bakwe ba wikomangile, abashikalalilwe Shitwa sha wiza.

Tito 2:2

Giki, a banamhala babize ba masala madekanu, binhiwa ishima, bilindi benekele, babize bali bapanga mu kuzunya, na mu butogwa, na mu kwiyumilija:

Tito 2:7

Mu mihayo yose wiyoleche uli kalolelo ka kuhwawa ka Shitwa sha wiza: mu kulanga kwako wiyoleche uti na buhubi; hangi uli ngʼwinhiwa ishima,

Tito 3:14

Na banhu biswe nabo bilange kukomela mu Shitwa sha wiza kwita iyo iyigelelilwe, batizubiza bati na matwajo.

Bahebrania 11:2

Iki mu kuzunya a banamhala ba kale bali bukanilwa.

Bahebrania 13:18

Tulombelagi: iki twazunya giki, tuli na wiyanguji wa wiza, tutogilwe kwikala na kashiminzile ka wiza mu mihayo yose.

Yakobo 1:27

Kitumamile chela cha nyazunya ikiti na kilingo mu butongi wa Mulungu na Siswe chene kili giki, Kuja kubalola bapina abati na basabo, na bakima bachilwa mu makoye gabo, na hangi kwilinda ngʼwenekele ati na mako mu si.

Yakobo 3:17

Aliyo masala agafumile ngʼwigulya, a gene kwandia gali mela, hanuma ga mhola, mafula, manogu kuwilwa, gokalile kuchila kigongo na matwajo ga wiza, gati na soldo nulu wibeleja.

1 Petro 1:22

Iki ngʼwamala kweja mioyo yingʼwe mu kuyigwa i nghana mu Moyo Ngʼwela kushika mu kutogwa kwa badugu ukuti na buhwiganu, ikomejagi kwitogwa benekele na benekele mu ngholo nela.

1 Petro 2:12

Shimile shingʼwe shibize sha wiza mu bana mahanga; giki, nulu bamusayila muli biti ba sha bubi, aliyo aho bubona shitile shingʼwe sha wiza, bankuje Mulungu mu lushiku lwa kugenihwa.

1 Petro 4:8

Kutinda yose, komelagi mu kwitogwa kwingi benekele na benekele; iki butogwa bukukundikijaga shibi shingi no:

2 Petro 3:1

Batogwa, nyaluba iyi nangʼwandikila bingwe yene ya kabili; mu bubili wajo jose namubamucha maganiko gingʼwe ga nghana kungʼwizukija;

1 Yohana 3:18

Bana bane, tutitogagwe mu mhayo, nulu mu lulimi duhu; aliyo mu Shitwa na mu nghana.

1 Yohana 3:3

Na buli uyo akungʼwisagililagwa Wei giko, akwiyejaga ngʼwenekele gitumo Wei ali ngʼwela.

1 Yohana 4:1

Batogwa, mutizuzunya buli moyo gose, aliyo igemagi i mioyo ulu ifumile kuli Mulungu; iki bahangi ba bumama bingi bilongile mu si.